ليه أسعار قطع غيار بروتون أغلى من الكوري؟
الموضوع ده أنا عملو عشان نقدر نحدد سبب أرتفاع أسعار قطع غيار بروتون مقارنة بالكوري. و الموضوع ده أنا مش عملو عشان المقرنه لأ أنا عملو عشان نقدر نساعد ونفيد الشركه الأم في مليزيا انها تقدر تخفض أسعار قطع الغيار. الموضوع أساسه ان في المقبله اللي فاتت كنت قاعد أدردش مع الوفد الماليزي اللي كان بيزور مصر و اتسألت السؤال ده من واحد من المالزيين. اللي همه أساسا جيين مصر عشان يدرسو المشكله دي على حسب كلمهم. الراجل المليزي قللي أنهم جتلهم شكاوي كتيير على موضوع قطع الغيار ده, و مش مصر بس اللي بتشتكي منه, فيه بعض الدول التنيه بتشتكي منه برده زي تركيا على سبيل المثال. بس المشكله دي مش بتقبلهم في انجلترا مثلا. وكان ردي أن في أعتقادي هما سببين أساسيين للمشكله دي و همه 1) ضعف العمله اللي في الدول اللي بيظهر فيها المشكله ديه. 2) حجم الانتاج بتاع قطع الغيار.
الراجل كان مقتنع بالنقطتين دول بس كان بيدور على أسباب تنيه لأن الكوري المفروض أنه عندو بعض من المشاكل ديه برضو, أسباب زي على حد كلامو أن ممكن يكون فيه رشاوي بتددفع أو أسباب ليها علاقه بالجوده بتاعت المنتجات الكوري اللي هو بيظن انها كلها صيني و أننا بيضحك علينا وبيتألنا انها كوري. و قللي أنو عشان يعرفو يوصلو لأساس المشكله أنو لازم يعملو أستطلاع رأي بس هوه مش عارف يعملو أزاي في مصر. فجه في بالي اني أعرض المشكله دي أدمكو و نتناقش فيها و ممكن نوصل لحل ليها أو نقتنع أن فعليا قطع الغيار دي مش غليه زي محنا متصورين.
