عرض للطباعة
الشكل المعدل لتويوتا ياريس ظهر رسميا و بدء البيع في السوق التايلاندي.
اسمها في تايلاند (Vios) و التعديلات المهمة كما يظهر في الصور في الداخل و ليس الشكل الخارجي.
نظرا لكثرة الصور فيمكن مشاهدتها و قراءة الموضوع كاملا من خلال هذا الرابط:
2010 Toyota Vios facelift launched in Thailand!
دي مش هتنزل هنا صح؟
حلوة .. مفيش أخبار عنها هنا ؟؟؟ أنا عايز أشترى بقه :majd(4):اقتباس:
المشاركة الأصلية كتبت بواسطة sh21s
جامدة جدا حقيقى تيوتا ايجيبت محتاجها دلوقتى
بجد شكلها حلو
بس حتنزل بكام هنا
مش مبسوط من فكرة العداد في النص مش كانوا عملوه عادي ورا الدركسيون
شكراً على الخبر
اقتباس:
المشاركة الأصلية كتبت بواسطة mshmshm3
حكاية العداد في النص دي بتبقي تعود...وبعدين بعد كدة لما بتلاقية ورا الدركسيون بتستغرب هو ورا الدركسيون لية....:majd(4):
اقتباس:
المشاركة الأصلية كتبت بواسطة aelhossan
لو التوكيل ما جابهاش ...اكيد تجار السيارات هايجيبوها ...لانها هاتكون ارخص كتير من الياباني...
يا رب :verygood:اقتباس:
المشاركة الأصلية كتبت بواسطة hero
طب هى 1500 والا موتورها ظروفه ايه
حسب الموتور لو فى منها 1300 وبسعر عادى اعتقد الوكيل هيجيبها
لكن لو 1500 بس وفيها الكماليات دى
الدركسيون المالتى فانكشن
والستارت ستوب انجين
اعتقد هتعدى فى السعر .
يا اما بقى على ماتوصل مصر هتكون تم تجريدها من كل الكماليات كعادة تويوتا .
ويبقى كويس علينا اوى الطاسة الجديدة ...
والعداد الديجيتال ....
والناس هتقولك تايلندى .
وعشان كده هيفضلوا يطلعوا فيها القطط الفطسانة .
الخبر يذكر أن الموتور بدون تغيير " 1nz-fe dohc "، و أعتقد أن تويوتا لن تقوم بتغييره إلا في النسخة المطورة من ياريس، أما التعديل الحالي فلا يشمل أي تعديل ميكانيكي.اقتباس:
المشاركة الأصلية كتبت بواسطة sa3dawy
كما أذكر أن أكثر من رد في منتدي تويوتا ذكر أصحابه أن التوكيل ينتظر النسخة التايلاندية لأن اليابانية ستكون أغلى من السعر الحالي و لا يريد التوكيل أن تخرج ياريس من المنافسة.
نرجوا ممن لهم صلات بالتوكيل تأكيد الخبر.
طب هو حقيقى العربية الى بتتصنع وتتقفل فى اليابان 100 %
تستحق ثقة اكبر من الى بتتقفل فى تايلاند مثلا ؟؟؟
لو تفتكر الكورولا 94 و 93 كانت يابانى 100 فى المية
وفضلت مسكت سعر لحد دلوقتى
وعربية معمرة جدا
وكان معاها الكامرى اختها (كانت معايا فى السعودية )
وكان السعوديين بيفضلوها اكثر من الى الموديل الى بعدها لان الموديلات بعد كده بدات تيجى من تايلاند واماكن تانية غير اليابانى..
الكورولا من 2002 الى 2007 برده يابانى 100 فى الميه
ودا برده ساهم بشكل كبير فى شهرتها وانها مسكت سعر جامد ..
انا فهمت دماغ الشعب تقريبا فى العربيات دلوقتى ...
وحسب الدماغ دى انا معدتش خايف على سعر اعادة البيع لعربيتى
اصل قلت بينى وبين نفسى ابيع قبل ما تبقى ب 60 الف والا 55 الف زى الايكو كده لما ينزل تصميم جديد خالص ....
بس رجعت وقولت الايكو كان ليها ظروف مختلفة ...
وكمان ال 55 الف زمان ايام الايكو كانوا بقيمة 75 الف من دلوقتى ..
دا غير ان الياريس نجحت نجاح مختلف عن الايكو ...
بفضل اعتماد الياريس على الكورولا ال 2007 فى حاجات كتير ...
الياريس على فكرة نفس العفشة بس مع تعديل معين خلاها انشف حبتين عشان الثبات .....
الاهم من دا كله نفس موتور تويوتا ال 1300 الموتور العظيم الى يعتبر احسن موتور 1300 عدى على السوق المصرى حقيقى ...
موتور يجمع بين النعومة والسرعة والقوة
وبين الاقتصادية الشديدة فى استهلاك البنزين
بس على فكرة الياريس من اول 2009 الموتور ال 1.3 تم تعديله او يمكن تغييره الله اعلم الى موتور جديد 1.33 بيطلع 105 حصان مش 87 حصان زى ال 1.3 بتاعنا ...
كمان الكاوتش خلوه 15 فى كل الفئات بدل ال 14 ...
برده الموتور ال 1500 تم تعديله واصبح من 105 حصان الى 124 حصان .
بس كل دا لم يصل مصر والشرق الاوسط ...
جايز تايلاند تنزلها الخليج بالتعديلات دى ودا الى انا متوقعه ..
اتوقع الياريس التايلندى هتكون 1330 سىسى 105 حصان ...
دا كتعديل مهم واساسى ....
يا اما هينزلوا ال 1500 العادى الى هو ال 105 حصان برده
لكن الاتنين مش هينزلوا مع بعض لان الاتنين نفس الاحصنة ومفيش فرق .
هبقى ادور كده واشوف اى اخبار جديدة
بصراحه اكتر حاجه مبحبهاش في الياريس العدادات اللي في النص
بالنسبة للاسعار يا جماعة بعد بحث دقيق فى المواقع التى تتحدث عن الياريس التايلندية الجديدة
اولا كلها 1500 سىسى
ولا يوجد غير الموتور ال 1500
ثانيا
تعالوا نشوف اسعار 2009 اولا
لان اسعار الفيس ليفت الى هى 2010 زادت من 1000 الى 1500 دولار واحسبوها بقى انتوا
اقل فئة الى هى 1500 مانوال فاضية وزنها حتى 1020 كيلو
سعرها بالمصرى بالتحديد مع ازالة بعض الفكة يعنى مثلا (من 100 الى 200 جنيه ) سعرها بدون الجمارك 90 الف جنيه .
احسبوا بقى جمركها وبكده نعرف سعرها فى مصر .
بالنسبة لاسعار الياريس فى اوروبا واميركا وفى العالم كله عموما
فا الياريس 1300 الموتور المعدل الى 105 حصان بتبدء من 80 الف اقل فئة خالص .
يعنى تقريبا نفس الوضع لو استوردتها من اى مكان ثمنها اصبح غالى عن زمان ........ومش هى بس العربيات اساسا بتغلى كل يوم .
دا غير ان العربية اتشهرت واصبحت علامة مميزة لتويوتا ومطلوبة جدا فى كل الاسواق وفرضت نفسها بقوة عشان كده تويوتا بتحط السعر بقلب جامد .
سنة 2007 و 2008 كانت الياريس منطقية فى الاسعار لانها كانت فى الخارج بتبدىء من 8 الاف يورو مثلا .
لكن بعد ما وصلت ل 11 الف يورو بدات تعدى ....
عشان طبعا الاوبشنز الزيادة وعشان المواتير ..
وكمان فى اماكن نزلت فييها ياريس بالفتيس ال ام ام تى ..
فالزيادة فى الاسعار كان ليها مبررها .
دلوقتى انا فهمت ليه السيفيك كاملة وصلت ل 190 الف
انا شايف دلوقتى ان دا طبيعى جدا بالنسبة لسيفيك كاملة المواصفات
فى ياريس 1500 كاملة مكتملة المواصفات حسبتها لقيتها ب 190 الف برده .
فا المسالة مسالة كماليات يا جماعة واوبشنز وهو دا الى بيفرق فى اسعار العربيات .
زى ما انتوا شايفين البيجو ال 207 ممكن تجيبها ب 100 الف 1400 مانوال
وممكن تجيبها ب 200 الف 175 حصان مانوال ....وهكذا .
فا الواضح ان العربيات الصغير سعرها ارتفع ولم تعد كالسابق ...
لزيادة الطلب عليها فى العالم كله ....
وبسبب التحسن الكبير الذى تم فيها على مستوى الاداء والمساحة الداخلية والشكل بحيث اصبحت لاتختلف كثيرا عن سيارات كبيرة الحجم .
معتقدش هنشوف ياريس فى مصر 2010 ولا 2011
لان مش معقولة هتبقى بثمن الكورولا
الا بقى اذا اصبحت الكورولا بتبدىء من 150 الف مثلا زى السيفيك
ودا ممكن يحصل جدا ومنطقى جدا على فكرة وتوقعوه .
يبقى الان الخيار الوحيد لمن يريد ياريس يابانية 100 فى المئة و 1500 كمان عليه وعلى الخليجى .
قبل ما تخلص الكمية من الخليج .
لان الله اعلم هل هتنزل الياريس الخليج 2010 و 2011 والا لا .
دى كانت لمحة عن الاسعار
وزى ما قلتلكم ممكن تلاقوا اسعار اقل بحاجة بسيطة او اكثر بحاجة بسيطة
حسب الاوبشنز وحسب بعض الحوارات كده ههههههههه.
المهم مش كل عربية غالية اوى دا معناه انها عربيه خرافية .
خدوا بالكم من الحكمة دى .
والسيفيك كونها ب 190 الف فدا مش عشان هيا بورش مثلا
لا بكل بساطة عشان التوكيل جابلنا اجمد واعلى سيفيك
وانتم شفتم معايا ازاى ممكن اجيب اجمد واعلى ياريس ب 190 الف بنفس السعر برده .....
فا مسالة السعر دى فيها اشتغالات كتير .
انا بدات افهم اليومين دول كويس سياسة تسعير العربيات وعملية القيمة مقابل السعر ولماذا وكيف ومتى واين .
الصيني هيحتل مساحة الفئه السعريه اقل من 100 الف اذا فضل الياباني بيستهبل كده .الكوري شكله برضه داخل في دور الاستهبال ده
بالظبط ... إنت جبت من الأخر :satelite:اقتباس:
المشاركة الأصلية كتبت بواسطة tamagogo
شكلها جميل وتعديلات حلوة , بس مش عارف ايه صورة العداد اللي باينه مثل الخيال في الزجاج؟
دي
http://i42.tinypic.com/2ngezur.jpg
وآدي صورة عامة
http://i44.tinypic.com/xcn82h.jpg
ديه فكرتها إنها تعرض السرعة على الزجاج الأمامى للسائق .. الحركة ديه كورفيت و معظم العربيات الأمريكى بتعملها من زمان .. بس مظونش الأوبشن ده حينزل مصر .. أنا نفسى العربية ديه تنزل بقه عشان خلاااااص مش طايق من غير عربية. :I_angr1[1]:اقتباس:
المشاركة الأصلية كتبت بواسطة د.محمود صلاح
اكيد هتنزل في الخليج وبعدين دي هيا هيا من بره بس الفانوس شكله اتغير شويه كعاده تويوتا
تطوير ظريف نسبيا
+1اقتباس:
المشاركة الأصلية كتبت بواسطة محمد ابراهيم 1
وانا كمان معاك في دياقتباس:
المشاركة الأصلية كتبت بواسطة mshmshm3
بايخة بصراحة
بص دور الاستهبال ده بتاع الجمارك اللي هنا فياقتباس:
المشاركة الأصلية كتبت بواسطة tamagogo
اليارس دي فس الخليج الزيرو بتاعها بيبدامن 60ألف جنيه تقريبا
والكورولا من 90 الف جنيه
والكامري من 140 الف جنيه الكامري دي هنا ب550 الف ؟؟؟؟؟؟؟؟؟؟
الياريس في السعودية بتبدا من 36 الف ريال يعني 50 الف جنيهاقتباس:
المشاركة الأصلية كتبت بواسطة mahmoodallam
والكورولا من 44 الف ريال يعني 66 الف جنيه
والكامري بتبدا من 76 الف ريل يعني 105 الف جنيه تقريبا