المشاركة الأصلية كتبت بواسطة CryptonX
بالنسبة لاوماترا .. انا شايف ان طرح سيارة مثل ال 500 في مصر خطا من الاول اصلا ....
الميني كوبر بتبيع في مصر كام سيارة اصلا ؟
و بتبيع علشان اسم BMW و البافارية و الاعلانات الغير اعتيداية و المثيرة جدا .
انما انزل سيارة اقولك منافسة الميني في اوروبا و معملش اعلان واحد يوحد ربنا ..
و اقنع واحد معاه فلوس 300 الف جنيه يدفعهم في الميني ان ال 500 زيها و احسن و بربع تمنها .. بس فوت علينا في المعرض احتمال نفرجك على واحدة اوتو او احتمال نفرجك على مانوال .. او احتمال متلاقيهاش :) اكيد الموضوع حيتقفل بالنسبة له على طول .
انا شايف انهم يوفقوا ال500 تماما , و يرجعوا لاختها الاصلية الرخيصة .. الباندا ..
الباندا سيارة ممتازة جدا و احسن الف مرة من البيكانتو و ال i10 و الفئة دي .. و سعرها حيكون متقارب و في نسخة 4x4 و نسخة 100حصان منها .