الموضوع: مشكلة غطاء السياره...(payoo)

طيب يا جماعة انا كنت عاوز اشترى غطاء للعربية بس مش

عارف اشتريه قماش ولا بلاستيك انا سمعت من كريم ان الكلاب مش بتنام على الغطاء البلاستيك وانا عندى كلاب ما شاء الله

وايه افضل غطاء اشتريه و يستحمل

يا هانى أيدى ناعمة ناعمة بس مش أبهدل هدومى :) و خاصة إنى بلف الغطائ ورا الأرع عجلات عشان مش يطيـــــــــر

و لو جربت تدخل الغطا ورا العجل هاتلاقى إيديك ............زفت :) و لو لابس بدله مش هاتعرف تدخل إيدك فى جيبك عشان تطلع حتى منديل أو المفاتيح :)

و بعدين الحل أنا جيبته من عند أهله :) إذاى ؟؟ إفتح كاتالوج عربيتك و شوف درج التابلوه إسمه إيه ؟؟؟؟

هاتلاقى إسمه درج القفازات :) لأن بره الناس بتحط فيه القفازات :)

انا باعتبارى مغطى قديم، نظرا لأنى كنت ساكن سابقا فى منطقة فيها كافة اسباب التعدى على السيارات(جامع ومول ومدرسة لغات ومحل عصير شهير ونت كافيه) فكنت بعانى من الجالسين على الكبوت من طافة الفئات ففى ايام المدرسة صباحا يراجع التلامدة المجتهدون دروسهم على سيارتى الغلبانة، وفى المساء يقوم بهذا الدور رواد محل العصير والنت كافية، فى ايام الخميس وطوال الصيف لا اسلم من رواد المول، اما فى ايام الجمعة وليالى رمضان القى من اذى الخارجين من صلاه الجمعة والتراويح-الذين لم تردعهم صلاتهم عن افساد سيارتى-ما القى

اوفضل حل لقيته هو الغطاء مع مراعاه الآتى

اولا: مابصرفش كتير على الغطاء، اغلى غطاء جبته كان ب70 جنيه

ثانيا: الغطاء من اول يوم بييجى فيه بيتغرق زيت وتراب فوق كل مساحة الكبوت الامامى ومساحة الشنطة الخلفية، صحيح الموضوع دة بيوسخ العربية آثار زيت كام يوم لكن بيرحمنى من اللى بيقعدوا على الكبوت وكذلك من سرقة العظاء حيث ان الغطاء مزيت ومطين لا قيمة له

رابعا: الغطاء بيتركب له استك (مثل ذلك المستخدم فى الملابس......احم ...نمشيها الملابس المنزلية) وليس حبل لانه اسهل كتير فى الإستخدام

خامسا: فى الأيام العاصفة بحشر الغطاء خلف العجلات لأنه اسهل 100 مرة من قفل الباب عليه

سادسا: العظاء بيتحط فى الغسالة الأوتوماتيك مرة كل شهر، بدون مسحوق ويدار عليه برنامج غسيل سريع، بيطلع زى الفل ، وفى نفس الوقت بفعة الزيت مش بتروح علشان دى بالنسبالى اهم ما فى الغطاء

سابعا: يتم تجديد بقعة الزيت كلما خف اثرها الى حين نهاية عمر الغطاء

ثامنا: لو انت فى منطقة فيها كلاب يجب رفع العظاء من على السيارة فى ليالى الشتاء حيث انه يجذب الكلاب للجلوس على سقف السيارة، وفى اسوأ الفروض يجب ان تقود السيارة مرة كل ثلاثة ايام حتى تبقى رائحتك فيها، لأن الكلاب لا تقرب السيارة التى لا تزال رائحة صاحبها فيها(عن تجربة شخصية طويلة)


ثامنا: عمر الغطاء القماش الخفيف ابو 70 جنيه بيكون فى حدود 250 الى 350 يوم عمل(يعنى لو بتغطى كل يوم أقصى حاجة هايقعدها معاك سنة،لكن لو بتغطى مش كل يوم او بالليل بس ممكن يقعد معاك اكتر

أفضل غطاء تشتريه هوه النوع المبطن من الداخل بقطن ومن الخارج تلاقيه زي المشمع (ضد الماء) ومافيش منه غير اللون الرمادي وسعره 140 تقريبا عند السجان و خلى بالك من إنه يكون الناعم و تقيل

وبيبقى فيه سوسته على شكل باب العربيه الخاص بالسائق عشان لو حبيت تدخل العربيه من غير ما تشيل الغطاء

وطبعا البطانه بتاعت النوع ده هيه أكتر حاجه بتميزه لأنه ما بيجرحش دهان العربيه نهائي

طيب وبالنسبة لغسله فى الغسالة الاتوماتيك هيتأثر التبطين بتاعووو وبيستحمل وعمره طوييييييييييييييل يعنى مايبوزش بسرعه