مشكلة غطاء السياره...(payoo)

**mshehatta14** · 31-03-2008 01:43 AM

المشاركة الأصلية كتبت بواسطة amrtalaat

إية المانع لو خليت البواب يغسلة كل مدة مثلاً ...حتى لو بالمية بس؟
أو حتى ينفضة كل يومين قيل ما يغطي العربية باليل....
بكدة هيفضل نضبف

واللي معندوش بواب يعمل اية

**okky222** · 31-03-2008 02:38 AM

و الله يا جماعة انا لسة شارى العربية و فعلا دى المشكلة اللى تعبانى نفسيا هى و الحفر اللى فالشارع اقصد الشوارع . و لكن فكرت فى فكرة لمشكلة الغطاء و هى بأختصار . انه نشترى الشريط اللاصق اللى على ما اظن اسمه اسكوتش . و نخيطه فى مقدمى و مؤخرة الغطاء او على الجانبين . و نلصق الشريحة الثانية خلف لوحة الأرقام او اسفل الأكصدام بأى طريقة . و يتم لصق الطرفين . و ده طبعا بيحمى الغطاء من انه يطير فى الهواء . و من السرقة لأن السارق كل ثانية بتمر عليه كأنها ساعة . فا هايشعر ان الغطاء محكم التثبيت بطريقة هو مش عارفها و جديدة عليه فينصرف . و كمان لو حاول فصل الشريحتين بيعملو صوت عالى فا برضو هايحس فالخوف اكتر او هاياخد وقت اكتر و ده بالنسبة له مشكلة و يا سلام لو حاطين الشرحتين دول فى الأربع جوانب من السيارة . و على فكرة الشريط الاصق ده موجود بالمتر عند اى سروجى او فى اى حتة لأن استخداماته كثيرة . زى اللى بيكون فى بعض الكوتشى .
و يجعله عامر

**Egyzizo** · 03-11-2009 01:37 AM

والله موضوع جميل بس أنا مشكلتى مش فى التراب اللى بيعلق فى الغطاء ، لأن معايا فرشة ناعمة طويلة بامسح بيها العربية وهى متغطية لما بانزل الصبح وبتشيل التراب فى ثوانى وبعد كده أشيل الغطاء بدون مشاكل ..
المشكلة فى حاجة تانية يا جماعة ..
.
.
.
.
.
.
.
.
............ العصافير

**ashraf229** · 03-11-2009 07:53 AM

التراب أهم عدو للغطا خصوصا لو العربية سودا

فبمجرد ما تشيل الغطا و تشوف كمية التراب عالعربية و على الغطا نفسه هتكره نفسك و كمان مشكلة جذبه للكلاب في الشتا و خصوصا لو كان قماشه تقيل بيدفي فعلا و كمان مشكلة السرقة الدائمة له و بيقولوا غالبا اللي بيسرقوه العمال و النحاتين اللي عالنواصي علشان يعملوه فرشة ولا غطا اثناء نومهم في الجناين و في الشوارع

انا عن نفسي بأعتمد قدر الامكان عالبواب في الموضوع ده انه يشيله الصبح و يغطيها بالليل و معنديش مشاكل مع الناس اللي بتقعد لأننا شارع سكني مش تجاري
لكن ما بأخدوش معايا أي مشوار ولا حتى المصيف لأنه بهدلة و الموضوع مش مستاهل