رجالة.....انا ان شاء الله نويت أركب سماعات بيضاوى فى الشنطة ...وجى أم
....انا بسأل لو حد فيكم ركب كوبستة (بوردة خشب) ...فى الشنطة....عشان السماعات يعنى....حد عمل الموضوع ده قبل كدة....ويا ريت عند مين؟
رجالة.....انا ان شاء الله نويت أركب سماعات بيضاوى فى الشنطة ...وجى أم
....انا بسأل لو حد فيكم ركب كوبستة (بوردة خشب) ...فى الشنطة....عشان السماعات يعنى....حد عمل الموضوع ده قبل كدة....ويا ريت عند مين؟
وراك وراك يا هندسة :-))))
على حد علمي عربية حضرتك مش هاتشباك..صح؟؟ لو مش هاتش يبقى الأفضل ما تغيرش الكوبستة..او تعمل صندوق خشب (زي بتاع الصب) وتحطه في الشنطة
بس انت عندك اربعة سماعات مالهموش حل في الأبواب، لو حبيت ممكن تغيرهم بنوع احسن شوية
شوف اي سروجي نضيف ووديله الحاجه وهو هياخد المقاسات ويعملهم بالنسبه للتكلفه حسب الخامات اللي هيجبها السروجي وربنا معاك
أيييييوة ...انا عربيتى سيدان مش هاتشباك ....انا محتاج ضرورى اعمل بوردة عشان انا متأكد انها هتفرق فى الصوت تماما.....فا انا عايز أفك الكوبستة بتاعتها...واشيلها عشان تفضل زى ما هى عشان لما أحب أبيعها.....واركب البوردة الخشب عشان أحفر فيها براحتى واركب السماعات فيها.....
بالنسبة لسماعات الأبواب...ميوؤس من محاولة تركيب نوع احسن....لأن كدة كدة لازم بوردة خشب عشان ال Bass
حتة بقى انى اركب صندوق فى الشنطة عشان الصب....بصراحة انا مش ناوى أدبدب أوى فى الشارع....انا كل اللى عاوزه ....صوت كويس...و Bass نضيف....
طيب تأكد من إن الشاسية الحديد تحت الكوبستة فيه مكان للسماعات ولا لأ!! ممكن تبص عليها من الشنطة..
فكرة برضه....المشكلة انى مسافرفى شغل والعربية مش معايا....حد عنده خلفيه يا جماعة فى مكان للسماعات فى شنطة الميجان 2...فى الكوبستة الاورجينال....؟؟؟؟؟؟؟؟؟؟؟؟
انا عامل كوبسيه خشب فى الهوندا عندى اتكلفت 90 جنيه خشب و حفر و موكيت لون العربيه
بالنسبه للصاج علشان تزود عن سماعتين لازم تحفر فى ساج العربيه و هو امر مش مستحب لما تيجى تبعها
حبيبى :rfds:
موضوع البرده دى زى ماقولتلك قبل كده لازم تتعمل وكمان حتى لو فى سياخ تحت البورده
انت لو ترجع للموضوع التانى هاتلقينى قولتلك لقيت عندى سياخ تحت البورده وشيلتهم مع ان العربيه لسه جديده والسياخ دى ملهاش لازمه من وجهه نظرى وعملها هى لما تفتح الشنطه من جوه العربيه تترفع للاخر مش تتفتح وخلاص ...:mahf(5):
شيلهم واتعب نفسك شويه لما تفتح الشنطه من جوه انزل وارفعها بايدك مش هاتتعب:fdsa:
وكمان العضو الى قالك ماينفعش فى السيدان مع احترامى ليه بتنفع وبتبقى احسن من بتاعه الهاتش باك عشان بتبقى محمله على صاج يعنى انت لما تيجى تربط السماعات هاتتربط فى الخشب والصاج كمان يارب تكون فهمتنى
اما بقى موضوع بتتعمل فين دى بتتعمل عند اى نجار عادى جدا وهو بيشيل القديمه وبياخد مقاساتها وبيعملك الجديده وبيركبهالك كمان
اى خدمه يا صديقى بس عد الجمايل :36_1_1[1]:
هي مش مشكلة انها تنفع في السيدان ولا متنفعش في السيدان ، الفكرة إن الميجان أصلاً مفيهاش مكان سماعات في الرف الخلفي ، هي معتمدة على الأبواب ، عشان كدة السؤال هل في فتحات أصلاً في الصاج للسماعات ولا لأ ؟!
النقطة التانية إن تغيير السماعات هيحسن فعلاً في البيز شوية عن السماعات الأصلية لأنها ضعيفة ، لو محتاج أقوى من كدة يبقى فعلاً صب ٨ بوصة أو ١٠ في صندوق في الشنطة مع gm متوسط هيعمل نتيجة جيدة و من غير دبدبة