no comment
خالد باشا , نشوفك على خير ان شاء الله يوم المقابله
بس على فكره مش عيب ابدا انه مبيعرفش يعوم , ده من كتر ما بيشوف الميه زهق منها خلاص
اخوك اسمعلاوى المنشأ ومبعرفش برده اعوم , فبلاش تعتمد على القاهريه العويمه قوى :majd(4):
لسه كنت هقوله فى الفكره دى بس لقيت مفيش مواعيد من يوم 16 ليوم 23 على الخط ده
الموجود بيوصل مطار النزهه وسعر التذكره 700 جنيه :shine[1]:
والمشكله مفيش نوم من اسيوط للأسكندريه غير بس واحد رقم 83 ده بيطلع من اسوان 5 يوصل اسكندريه تانى يوم 9 وحتى يا عينى المكيف واحد بيوصل واحده بليل والتانى بيوصل 12 الظهر
النوم اللى من اسيوط للقاهره فى قطر رقم 85 ده بيتحرك من اسوان 6 ونص المغرب يوصل 7 الا ربع القاهره وفى
الله يعينك يا ياقوت المسافه اكتر من 600 كم
أنا هاجى إن شاء الله و هتكون اول مقابلة ليا علشان اشوف الناس الجامدة دي و 16 او 23 مش فارقة أنا هحاول اكون فى الإسكندرية من قبلها لو شباب الإسكندرية احتاجو مساعدة
معلش يا جماعه
بالنسبه للاخوه القاهرويه اللي بيقولوا كلام مينفعش يتقال
زي هاني باشا اللي عاوز ياكل طعميه
طالما جايين اسكندريه
فانا جيبتلكم قاموس ابورقيه اللغوي
تذاكروه قبل ما تيجوا علشان منقعش في بعض
اقتباس:
اللبان = مستيكه
الجنيه = جني
الطعميه = فلافل
الأربع = لاربع
صباعي = صبعي
ممبار = عظبان
الشاي = شي
شماعة = رشاقة
كندوز = شمبري
سرفيس = مشروع
قوطة = طماطم
مترو = تروماي
استيكة = جومة
وعلى الوافدين فتح جميع الأفعال الماضية وعدم ذكرها مكسورها إطلاقا
يعني
رِكِبت = رَكَبت
نِزِلت = نَزَلت
وهكذا
وأهلا وسهلا بيكم في بلدكم الإسكندرية
أيوووووووووووووووه يا شنوري فلافل و نعرفوها ’ تروماي و بنركبوه بس الممبار دي جديدة
يا سيدي على ما هاجي هاخد كورس إسكندراني فى المركز الثقافي بتاعكو عندنا و هنقابلوك على القمة فى بحري
و بعدين بالراحة علينا لحسن نجبولك معانا عروسة و نجوزوك في المقابلة غصب و انت عارف كل الإخوة نفسهم يفرحوا فيك مع إن شكلك طيب و ماتستهلش:pointi~2[2]: