أول حادثة في تاريخي القيادي

امبارح والحمد لله عملت أول حادثة في تاريخي :ma(30):

كنت في القاهرة في زيارة للوالد ، وبعدين لما خلصت كنت طالع مشوار حلوان

كنت ماشي في الحارة الشمال على الكورنيش والطريق 3 حارات

وكان فيه مرسيدس من العربيات بتاعة الوزراء دي بس ملحقتش أشوف موديلها ، كانت ماشية في الحارة الي في النص

الي حصل إن واحد بفيات 124 حدف على المرسيدس جامد

فالباشا حب يفاديه قام جاي في الحارة بتاعتي

وأنا كنت ماشي 80 تقريباً

يا دوب فرملت شوية ولبست فيه من ورا

طبعاً أنا نزلت وأنا متنح ومش عارف اتكلم

أول مرة بقى :girlsthink:

الراجل بتاع المرسيدس : معلش أنا آسف الراجل ابن الـ....* حدف عليا

وطبعاً الناس كلها حصل خير وبسيطة والكلام ده

الحمد لله الخسائر بسيطة

الكبوت اتحرك من مكانه وبقى فارق من الناحية الشمال والاكصدام والمصفحة فيهم شوية أضرار

ولسه هروح للسمكري أشوف فيه حاجة في صدر العربية ولا لأ ، ربنا يستر

وبالنسبة للمرسيدس

ولا خدش ، مش عارف ازاي ؟؟

يا دوب بس شوية بوية من عندي نتروا عنده

غالباً عشان هو مخبوط من ورا فالخبطة في اتجاه محصلة القوى :shine[1]:

قلت يا ريتني كنت بالـ 128 ، كان زمان اكصدامه ده على الأرض

الفلاش ده بيوضح الحادثة
[flash=http://www.swfcabin.com/swf-files/1268230957.swf]WIDTH=350 HEIGHT=600[/flash]

أو من اللنك ده
SwfCabin - Free Swf Upload & Swf Hosting - Viewing: My First Accident

دلوقتي أنا بس عايز أعرف حاجة

هل كده أنا غلطان في حاجة ؟؟

ولو أنا مكان الراجل بتاع المرسيدس ده أتصرف ازاي في موقف زي ده

لأن الموقف ده بيحصل كتير جداً بسبب التوقف المفاجيء للتاكسيات والميكروباصات في الحارة اليمنى

منتظر تعليقاتكم

فلاش كمان
أدا أنا حاسس أنى قاعد فى محاضره فيزيا :)))))
أولا قدر الله وما شاء فعل والحمد لله أنها على قد كده
أنا كنت لسه هعمل موضوع عن ثقافه غريبه جدا جدا جدا فى الشعب المصرى
شىء مميز جدا عندنا
وهو شعار لو حد وقف قدامك متفرملش..أكسر على الى جنبك
الشعب المصرى مبيستخدمش الفرامل الا علشان يوقف العربيه علشان يركن
غير كده أكسر على الى جنبك وهو بدوره يكسر على الى جنبه
لا أنت غلطان ولا بتاع المرسيدس المفروض بتاع الفيات يفرمل ورا الراجل الغبى الى واقف دا

اقتباس:

---

المشاركة الأصلية كتبت بواسطة normal

فلاش كمان
أدا أنا حاسس أنى قاعد فى محاضره فيزيا :)))))
أولا قدر الله وما شاء فعل والحمد لله أنها على قد كده
أنا كنت لسه هعمل موضوع عن ثقافه غريبه جدا جدا جدا فى الشعب المصرى
شىء مميز جدا عندنا
وهو شعار لو حد وقف قدامك متفرملش..أكسر على الى جنبك
الشعب المصرى مبيستخدمش الفرامل الا علشان يوقف العربيه علشان يركن
غير كده أكسر على الى جنبك وهو بدوره يكسر على الى جنبه
لا أنت غلطان ولا بتاع المرسيدس المفروض بتاع الفيات يفرمل ورا الراجل الغبى الى واقف دا

---

أيوة فلاش كمان ، أنا ليا بركة إلا نايل موتورز :36_3_10[1]:

أنا متفق معاك في رأيك ، بس غالباً العربيات الي فراملها ضعيفة بيستسهلوا ويتنقلوا من الحارة أسهل

على فكرة بعدها بفترة حصل نفس الموقف بس مكان الفيات كانت عربية إسعاف ، بس الراجل عمل الصح وفرمل جامد

انت مش غلطان ولا اي حاجة
بس بتاع ال 24 هو الي عايز ضرب النار
حصلي نفس الموقف
كنت ماشي علي لكبري الدائري بتاع المنيب متجة الي 15 مايو وفية واحد في احد طلعات المنبي من الناحية الشمال ام طالع وداخل في الحارة ونا جي بسرعة وحادف يمين جدا رحت مفادية وحدفت انا التاني يمين رحت خابط عربة ربع نقل من روا بجمب العربية المهم الراجل بتاع الربع نقل نزل زعق وراح بتاع 28 نازل من عربيتة وقالة انا الي غلطان انا دخلت علية دخلة غلط وحب يفاديني المهم واله انا هصلحلك العربية علي حسابي دة بتاع 28
ونا رحت ماشي مع جروج وخدوش بسيطة في السيارة
بس مش عارف هل بتاع المرسيدس الي هو في نفس موقفي كان ممكن يعملك اية خصوصا انه ملوش زنب

حمد الله على سلامه حضرتك قولى الفلاش ده معمول ازاى

اقتباس:

---

المشاركة الأصلية كتبت بواسطة mohamedbook

انت مش غلطان ولا اي حاجة
بس بتاع ال 24 هو الي عايز ضرب النار
حصلي نفس الموقف
كنت ماشي علي لكبري الدائري بتاع المنيب متجة الي 15 مايو وفية واحد في احد طلعات المنبي من الناحية الشمال ام طالع وداخل في الحارة ونا جي بسرعة وحادف يمين جدا رحت مفادية وحدفت انا التاني يمين رحت خابط عربة ربع نقل من روا بجمب العربية المهم الراجل بتاع الربع نقل نزل زعق وراح بتاع 28 نازل من عربيتة وقالة انا الي غلطان انا دخلت علية دخلة غلط وحب يفاديني المهم واله انا هصلحلك العربية علي حسابي دة بتاع 28
ونا رحت ماشي مع جروج وخدوش بسيطة في السيارة
بس مش عارف هل بتاع المرسيدس الي هو في نفس موقفي كان ممكن يعملك اية خصوصا انه ملوش زنب

---

طب والله بتاع ال28 دا محترم

اقتباس:

---

المشاركة الأصلية كتبت بواسطة mohamedbook

انت مش غلطان ولا اي حاجة
بس بتاع ال 24 هو الي عايز ضرب النار
حصلي نفس الموقف
كنت ماشي علي لكبري الدائري بتاع المنيب متجة الي 15 مايو وفية واحد في احد طلعات المنبي من الناحية الشمال ام طالع وداخل في الحارة ونا جي بسرعة وحادف يمين جدا رحت مفادية وحدفت انا التاني يمين رحت خابط عربة ربع نقل من روا بجمب العربية المهم الراجل بتاع الربع نقل نزل زعق وراح بتاع 28 نازل من عربيتة وقالة انا الي غلطان انا دخلت علية دخلة غلط وحب يفاديني المهم واله انا هصلحلك العربية علي حسابي دة بتاع 28
ونا رحت ماشي مع جروج وخدوش بسيطة في السيارة
بس مش عارف هل بتاع المرسيدس الي هو في نفس موقفي كان ممكن يعملك اية خصوصا انه ملوش زنب

---

هوا فعلاً نفس الموقف

المفروض الي يلاقي حد وقف قدامه فجأة ، يفرمل بأقصى قوة حتى لو هيخبط في الي قدامه

المهم ميضرش غيره

اقتباس:

---

المشاركة الأصلية كتبت بواسطة ganash

حمد الله على سلامه حضرتك قولى الفلاش ده معمول ازاى

---

الله يسلمك

والفلاش أنا عامله عادي على Flash CS3

اقتباس:

---

المشاركة الأصلية كتبت بواسطة normal

طب والله بتاع ال28 دا محترم

---

على فكرة الراجل بتاع الـ 124 وقف بردوا ، ونزل بيشتم الراجل الي وقف قدامه فجأة

بس الصراحة أنا مكنتش مدرك الموقف ساعتها عشان أتكلم أو أناقش

يا دوب فتحت الكبوت أتطمن على الرادياتير والسربنتينة وركبت ومشيت

الحمدلله على كل شىء بس وانا اللى شد انتباهى موضوع الفلاش فكرة جامدة

هوا الغبي الأصفر سبب الموضوع كله

طالما طريق سريع ..إلي عاوز يركن ..يبقا ينزل على الطريق الترابي
وبعدين هوا الغبي صاحب الـ128 ماشفش الغبي الأصفر من بعيد

.
المهم
حصل خير

اقتباس:

---

المشاركة الأصلية كتبت بواسطة mohamed.mostafa

الحمدلله على كل شىء بس وانا اللى شد انتباهى موضوع الفلاش فكرة جامدة

---

الحمد لله فعلاً

أنا وأنا راجع على المنصورة لقيت نوبيرا معجونة على جنب الطريق ، حمدت ربنا وشكرت فضله

اقتباس:

---

المشاركة الأصلية كتبت بواسطة a7med_pharma

هوا الغبي الأصفر سبب الموضوع كله

طالما طريق سريع ..إلي عاوز يركن ..يبقا ينزل على الطريق الترابي
وبعدين هوا الغبي صاحب الـ128 ماشفش الغبي الأصفر من بعيد

.
المهم
حصل خير

---

هو الموضوع كان على الكورنيش يا دكتور ، يعني الركنة ممنوع

وأكيد بتاع الـ 124 سرح أو كده فمخدش باله من الي راكن

والحمد لله جت سليمة

اقتباس:

---

المشاركة الأصلية كتبت بواسطة abdo_eldesokey

على فكرة الراجل بتاع الـ 124 وقف بردوا ، ونزل بيشتم الراجل الي وقف قدامه فجأة

بس الصراحة أنا مكنتش مدرك الموقف ساعتها عشان أتكلم أو أناقش

يا دوب فتحت الكبوت أتطمن على الرادياتير والسربنتينة وركبت ومشيت

---

من الاخر هي اقدار ونصيب والواحد ابل مايخرج يدعي دعاء السفر
عشان ربنا يحفظة من كل سوء
بس في حديث عن الني صلي الله علية وسلم بيقول من افسد شياء فعلية اصلاحة

قدر الله و ما شاء فعل... انت أكيد مش غلطان, و بتاع المرسيدس كمان مش غلطان..

بس لو أنا من مكان بتاع المرسيدس, و هرمي على الحاره بتاعتك, هبص في المرايه و اشوف اللي ورايا,
هلاقيك جاي بسرعه, هقوم قارص و مزود السرعه لو الطريق يسمح و انا برمي, و بالتالي
هخلي فرق السرعه اللي بيني و بينك يقل... بمعنى....

لو انت ماشي على 80كم\س... و انا ماشي على 40كم\س لما رميت على الحاره بتاعتك و قدامك
هيبقى الفرق بين السرعتين 40 كم\س, و بعد فرملتك هيكون الفرق مثلا 20كم\س, هو ده اللي هنخبط
في بعض تحت تأثيره... لكن لو سرعتك 80, و انا زودت لـ60 مثلا و دخلت قدامك و انت جاي
المفروض ان الفرق 20كم, بس بعد الفرامل مش هتخبط فيا و هتعرف تفادي و تهدي قبل ما تخبطني...

و دي الطريقه اللي اسعف نفسي و اسعفك بيها.... أنا بعمل كده دائماً في المواقف دي, زي ملف او غيره

عموما ربنا ستر, و الحمد لله انك بخير يا باشا, و ان شاء الله العربيه ترجع احسن من الأول....

الحمد له انك بخير وان شاء الله العربية ترجع احسن من الأول

الف سلامة يا عبدو
الحمد لله انها جات بسيطة

اقتباس:

---

المشاركة الأصلية كتبت بواسطة ghazy12

قدر الله و ما شاء فعل... انت أكيد مش غلطان, و بتاع المرسيدس كمان مش غلطان..

بس لو أنا من مكان بتاع المرسيدس, و هرمي على الحاره بتاعتك, هبص في المرايه و اشوف اللي ورايا,
هلاقيك جاي بسرعه, هقوم قارص و مزود السرعه لو الطريق يسمح و انا برمي, و بالتالي
هخلي فرق السرعه اللي بيني و بينك يقل... بمعنى....

لو انت ماشي على 80كم\س... و انا ماشي على 40كم\س لما رميت على الحاره بتاعتك و قدامك
هيبقى الفرق بين السرعتين 40 كم\س, و بعد فرملتك هيكون الفرق مثلا 20كم\س, هو ده اللي هنخبط
في بعض تحت تأثيره... لكن لو سرعتك 80, و انا زودت لـ60 مثلا و دخلت قدامك و انت جاي
المفروض ان الفرق 20كم, بس بعد الفرامل مش هتخبط فيا و هتعرف تفادي و تهدي قبل ما تخبطني...

و دي الطريقه اللي اسعف نفسي و اسعفك بيها.... أنا بعمل كده دائماً في المواقف دي, زي ملف او غيره

عموما ربنا ستر, و الحمد لله انك بخير يا باشا, و ان شاء الله العربيه ترجع احسن من الأول....

---

تعرف
لو كل الناس بتفكر زي حضرتك كده:verygood:

ماكنش هيكون فيه حوادث من الاساس

بس هنعمل ايه :majd(4):

صوت الفرامل ده يدل إنك كنت ماشي فوق ال 80

سائق المرسيدس غلط بالتأكيد .. لأنه كرر غلطة الغبى الأولانى ودخل فى الحارة السريعة .. ومش معقول 128 تسبق مرسيدس وتقفل عليها .. تيجى ازاى، و زى ما قال المهندس غازى كان مفروض المرسيدس يزود سرعته (ومن غير ما يخرج من الحارة بتاعته)

الحمد لله لعله خير .. وطبعا زى الناس الجميلة ماقالت انت مش غلطان وبتاع المرسيدس غلطان شوية لانه كان ممكن يفاديه بطريقة احسن وبتاه ال124 هو اللى مليان غلط .... انا لو مكانك ولقيت ان الخبطة بسيطة يبقى مش مشكلة ومتعملش حاجة تمشى ... لو الخبطة جامدة يبقى حاجة من الاتنين لو انا مش هقدر اصلحها لاسباب مادية وفى نفس الوقت الراجل بتاع المرسيدس ده مثلا قادر هخليه يشاركنى نصف ثمن تصليح العربية وخصوصا ان عربيته سليمة لكن لو انا قادر ومش هتفرق معايا يبقى العفو عند المقدرة ..... لكن هييجى سؤال طب انا هعرف منين ثمن تصليح العربية هقوللك من الناس الجمية اللى بتتلم على اى حاجة ده بيبقى منهم سواقين ميكروباص وتاكسى وملاكى غير اللى على رجليهم هما عندهم خبرة يحكموا بينكم ... ههههههههه لكن خلاص انت مش هتحتاجلهم عشان انت كدة اول مرة بتعلم انت المفروض تعمل ايه فى المرات الجاية ولما تصلح العربية هتعرف هى خبطة كبيرة ولا لا وبالتالى هيبقى عندك المقياس اللى تحكم بيه على الثمن وشكرا

اقتباس:

---

المشاركة الأصلية كتبت بواسطة ghazy12

قدر الله و ما شاء فعل... انت أكيد مش غلطان, و بتاع المرسيدس كمان مش غلطان..

بس لو أنا من مكان بتاع المرسيدس, و هرمي على الحاره بتاعتك, هبص في المرايه و اشوف اللي ورايا,
هلاقيك جاي بسرعه, هقوم قارص و مزود السرعه لو الطريق يسمح و انا برمي, و بالتالي
هخلي فرق السرعه اللي بيني و بينك يقل... بمعنى....

لو انت ماشي على 80كم\س... و انا ماشي على 40كم\س لما رميت على الحاره بتاعتك و قدامك
هيبقى الفرق بين السرعتين 40 كم\س, و بعد فرملتك هيكون الفرق مثلا 20كم\س, هو ده اللي هنخبط
في بعض تحت تأثيره... لكن لو سرعتك 80, و انا زودت لـ60 مثلا و دخلت قدامك و انت جاي
المفروض ان الفرق 20كم, بس بعد الفرامل مش هتخبط فيا و هتعرف تفادي و تهدي قبل ما تخبطني...

و دي الطريقه اللي اسعف نفسي و اسعفك بيها.... أنا بعمل كده دائماً في المواقف دي, زي ملف او غيره

عموما ربنا ستر, و الحمد لله انك بخير يا باشا, و ان شاء الله العربيه ترجع احسن من الأول....

---

للأسف مش كل الناس عندها حسن التصرف ده يا بشمهندس غازي

مشكلة السواقة في القاهرة إن كل واحد بيقول نفسي نفسي ، ويولع غيري

اقتباس:

---

المشاركة الأصلية كتبت بواسطة bishoy02010

الحمد له انك بخير وان شاء الله العربية ترجع احسن من الأول

---

ربنا يخليك يا باشا

اقتباس:

---

المشاركة الأصلية كتبت بواسطة نور القمر

الف سلامة يا عبدو
الحمد لله انها جات بسيطة

---

تسلمي يا رب يا نور

اقتباس:

---

المشاركة الأصلية كتبت بواسطة tyler_durden

صوت الفرامل ده يدل إنك كنت ماشي فوق ال 80

---

يا باشا دي مجرد محاكاة مش فيديو ، وصوت الفرامل ده لأني ضربت فرامل على الآخر :36_1_1[1]:
بس المسافة كانت قليلة جداً ، يلا الحمد لله ، قدر ولطف

اقتباس:

---

المشاركة الأصلية كتبت بواسطة khaled_al_nowaihy

سائق المرسيدس غلط بالتأكيد .. لأنه كرر غلطة الغبى الأولانى ودخل فى الحارة السريعة .. ومش معقول 128 تسبق مرسيدس وتقفل عليها .. تيجى ازاى، و زى ما قال المهندس غازى كان مفروض المرسيدس يزود سرعته (ومن غير ما يخرج من الحارة بتاعته)

---

ما هو يا باشا بتاع الـ 124 كان واخد سرعة عشان كده مكنش هيلحق يقف في حارته ، قام اتنقل للحارة المجاورة بنفس سرعته وكمل

وبتاع المرسيدس كان ماشي مشي ملوكي ، مرسيدس بقى وخايف عليها ، فبالتالي حصل الي حصل

عندنا ثقافة إن لكل حارة سرعة مش موجودة خالص ، عايز تتدلع في المشي امسك يمينك

اقتباس:

---

المشاركة الأصلية كتبت بواسطة mimohamada2

الحمد لله لعله خير .. وطبعا زى الناس الجميلة ماقالت انت مش غلطان وبتاع المرسيدس غلطان شوية لانه كان ممكن يفاديه بطريقة احسن وبتاه ال124 هو اللى مليان غلط .... انا لو مكانك ولقيت ان الخبطة بسيطة يبقى مش مشكلة ومتعملش حاجة تمشى ... لو الخبطة جامدة يبقى حاجة من الاتنين لو انا مش هقدر اصلحها لاسباب مادية وفى نفس الوقت الراجل بتاع المرسيدس ده مثلا قادر هخليه يشاركنى نصف ثمن تصليح العربية وخصوصا ان عربيته سليمة لكن لو انا قادر ومش هتفرق معايا يبقى العفو عند المقدرة ..... لكن هييجى سؤال طب انا هعرف منين ثمن تصليح العربية هقوللك من الناس الجمية اللى بتتلم على اى حاجة ده بيبقى منهم سواقين ميكروباص وتاكسى وملاكى غير اللى على رجليهم هما عندهم خبرة يحكموا بينكم ... ههههههههه لكن خلاص انت مش هتحتاجلهم عشان انت كدة اول مرة بتعلم انت المفروض تعمل ايه فى المرات الجاية ولما تصلح العربية هتعرف هى خبطة كبيرة ولا لا وبالتالى هيبقى عندك المقياس اللى تحكم بيه على الثمن وشكرا

---

أنا عندي طالما الراجل اعتذر يبقى استحالة آخد منه فلوس ، والحمد لله جت بسيطة

قدر الله ما شاء فعل

بتاع ال124 بصراحة عايز يتولع فيه

يا باشا فداك واللى ييجى فى الريش بقشيش
ربنا مقدر الاقدار كان كاتب لك حاجه وفاداك كده منها
قل الحمد لله

اقتباس:

---

المشاركة الأصلية كتبت بواسطة tlrsiap

قدر الله ما شاء فعل

بتاع ال124 بصراحة عايز يتولع فيه

---

كلنا عرضة للخطأ ، وربنا هو الستار

اقتباس:

---

المشاركة الأصلية كتبت بواسطة aftam

يا باشا فداك واللى ييجى فى الريش بقشيش
ربنا مقدر الاقدار كان كاتب لك حاجه وفاداك كده منها
قل الحمد لله

---

والله يا باشا أنا مزاجي كان متنكد جداً طول الطريق

لحد ما اللقيت النوبيرا المعجونة الي على أول المنصورة ، ساعتها حمدت ربنا وشكرت فضله