عرض للطباعة
استفساري يتلخص في اني بشوف انواع كتير جداً من أنواع لحام الكاوتش
الصنايعي الذكي آخر مرة كان عايز يلحملي الكاوتش من برة (مش فاكر اسمه اية دا) كان هيدق حاجة كدا و بس...
لكن قلتله انا عايز لحام مكوة قاللي مفيش ... قلتله عندك اية ؟ لقيته جايب زي جلدة لونها برتقالي و لزقها من داخل الكاوتش مكان الخرم و خد 5 جنيه
آخر مرة من حوالي 6 شهور كدا .. لما حصل الكاوتش اتخرم حظي وقع مع واحد عمل لي لحام (مكوة) من جوة الكاوتش برضه ... بس كان خد 11 جنيه !
هو اى نوع احسن بالظبط عشان انا كدا بقيت تايه
شكراً
لحام (مكوة) من جوة الكاوتش ده احسن من الخارجى ده بيسمى( الخابور) ده بيخلى العجله مش نافعه
أهم حاجه أن اللحام يجيب نتيجه كويسه
سواء عن طريق رقعه داخليه
أو عن طريق خابور متخلل نسيج الكاوتش
المهم أن الفرده تبقى تمام ومتهربش بعد العلاج
وبرضه الصنايعى الشاطر بيحدد الازم
حسب حجم الخرم
ووضع تلف الكاوتش
الله ينور يا باشااقتباس:
المشاركة الأصلية كتبت بواسطة samirayad
اقتباس:
المشاركة الأصلية كتبت بواسطة samirayad
تماااااااااااام :verygood:
ألف شكر للجميع على الإفادة...
انا بقه مظبط حالي
معايا فردتين داخلي (شمبر) جداد لو حصل اي حوار بقله فك العجلة وفتشها وركبلي الداخلي
وطبعا عندي عدد لا بأس به من البلوف التيوبلس
بالمناسبة سعر البلف جملة 0.85 قرش اقل من جنية يعني وده بيتباع في التوفيقية قطاعي 1.25
وبصلح عند واحد امين او في بردجستون عباس العقاد
اقتباس:
المشاركة الأصلية كتبت بواسطة samirayad
مع احترامى لكلام حضرتك - الصنايعى بيحدد على حسب السعر يعنى لو الخابور اغلى هيعمل الخابور ويقولى ميه ميه مع ان الرقعه كانت هتنفع وتأدى الغرض ,, مفيش حد بيقول لا الرقعه كفايه وبلاش خوابير....:rfds:
طيب فين المشكلهاقتباس:
المشاركة الأصلية كتبت بواسطة ramremo
أنا لسه عامل خابور من أكتر من سنه ونصف للفرده اللى ورا يمين
وشغاله عشره على عشره
حتى بتاع الكاوتش مكنش عنده خوابير
ورحت جبتله كارتة خوابير ب3 ج تقريبا (أفتكر فيها خمسه خوابير تقريبا )
ركبنا واحد للفرده وأديته باقى الخوابير ( لأن ركنتها مش مستحبه وبتبوظ ) وأديته جوز جنيهات
يعنى الموضوع كلفنى 2 جنيه وأربع خوابير للراجل
أما كون أن بتاع الكاوتش يدى الخابور من عنده للزبون
فده وضع مختلف ولازم الزبون يعرف أن الخابور كقيمه ماديه ( حاجه تافهه )
فلازم الزبون يكون واعى وفاهم حجم الشغلانه
اقتباس:
المشاركة الأصلية كتبت بواسطة samirayad
شوفت حضرتك قولت ايه التكلفه بسيطه -- انما لما اعمل 3 او 4 خوابير فى فرده والراجل يدفعنى 40 او 50 جنيه ده غير لو كمية الخوابير زادت بيزيد المبلغ بس مش بنفس النسبه والتناسب --- يبقى ده تسميه ايه حضرتك؟؟ -- احنا بقينا ضحية النصب اللى بيسموه فهلوه وتقليب عيش
ليه يعنىاقتباس:
انما لما اعمل 3 او 4 خوابير فى فرده والراجل يدفعنى 40 او 50 جنيه ده غير لو كمية الخوابير زادت بيزيد المبلغ بس مش بنفس النسبه والتناسب --- يبقى ده تسميه ايه حضرتك؟؟
دا يبقى اسمه نصب
هو بيعمل خابور لكاوتش طياره فى السوق الحره بتاعة مطار القاهره
انا لو قابلت صنايعى بالشكل ده
حقوله سلام ياصاحبى وألغى الرحله معاه
المشكلة يا باشمهندس سمير ان الصنايعى بيستسهل الخابور
لو جه يعمل المكواة او اللحام الداخلى بياخد شغل اكتر
المهم فى امانة الصانيعى
والله احنا احتارنا خوابير ولا مكوه ولا لصق داخلي على البارد وكلا له وجهة نظر يا ريت حد يفيدنا عن علم ايه الصح للحام الكاوتش
عن تجربة 22 سنة في العربيات والكاوتش التيوبلس ,,, الخابور عمره ما يضرب ,, اللزقة الأمريكي ام حواف برتقالي دايماً مع الحر بتفك والفردة تنام تاني
كلام سليم ومنطقى وعن تجربهاقتباس:
الخابور عمره ما يضرب ,, اللزقة الأمريكي ام حواف برتقالي دايماً مع الحر بتفك والفردة تنام تاني
اقتباس:
المشاركة الأصلية كتبت بواسطة samirayad
هو الشمبر غير البلف الداخلي ؟ وايه البلف التيوبلس ده ؟؟ وكمان حضرتمك جبت اللحام اللي اديته للراجل ده منين ؟
الشمبر بيبقى جلد طرى خفيف وفيه بلفه وبيركب جوه الكاوتش التعبان شويهاقتباس:
هو الشمبر غير البلف الداخلي
بهدف الحفاظ على الهواء المضغوط من الهروب
الكاوتش التيوبلساقتباس:
وايه البلف التيوبلس ده ؟؟
مبيبقاش جواه شمبر
وليه بلف منفصل وغير متصل بأى جلد
والبلف راكب على الجنط فقط بغرض تزويد وقياس هواء الكاوتش
وده مع الكاوتش اللى حالته تمام
قصدك الخابور ...............لأن هو ده اللى أنا أديتهولهاقتباس:
وكمان حضرتمك جبت اللحام اللي اديته للراجل ده منين ؟
من كارتة الخوابير اللى أشتريتها من عند واحد بتاع قطع غيار موتوسيكلات وعجل بالأسماعيليه
وبرضه أديته باقى الخوابير (اللى فى الكارته ) زى ماوضحت من قبل
وجوز الجنيهات
مرة كنت عالصحراوي و عجلة كانت محتاجة كام خابور..
الراجل طلعلي 8 مسامير من فردة واحدة و حط خوابير كان عايز ياخد 40 جنيه !!!!!!!!!!!!!!!!!!
نصاباقتباس:
المشاركة الأصلية كتبت بواسطة dr.almaghraby
خد بالك
لازم تقف على ايد الصنايعى
ما تخليش اكتر من واحد يشتغل فى الكشف على الكاوتش
لو قالك لف العجلة
قاله لفها انتا
كل دى حيل بيسهيك ويخرم الكاوتش بابرة فى ايده
عاوز تعمل حاجة فى الكاوتش تروح لمحل
اوعى تعمل فى محطة اوعى! كمان مرة!
و تقف على ايدة برضة! و عينك متغيبش من علية!
و بمناسبة الكاوتش هقوولوكو على حاجة!
فى اوربا واحد بيحكيلى فى هولندا تحديدا ان واحد مصرى عجلة عندة اتخرمت و نامت!
فاتصل برقم جاتلة عربية كدة فيها كل حاجة خاصة بالكاوتش و فنيين
و قالولو الفردة هتتغير و هتكلف كذا
قالهم لية؟ الفردة جديدة انا عاوز الحمها!
قالولو مفيش مشكلة بس سيادتك هتمضيلنا على اقرار ان سيادتك على علم بان العجلة مخرومة و ملحومة و متحمل اى سوء ينتج عنها و ان شركة الكاوتش معلهاش اى تحمل لاضرار اللحام!
الراجل فكر شوية و قالهم غيرولى الفردة و خلاص :) طلعلة فردة من العربية و ركبوها و مشيو :)
و احنا فمصر بنمشى ب 8 خوابير فيما فووق :)
نحن نمتاز بهندسة الخوابيراقتباس:
و احنا فمصر بنمشى ب 8 خوابير فيما فووق :)
وصعب أوى
تلاقى شعب بيعمل من الفسيخ شربات ( زى عندنا )
فعلا الواحد بيشوف العجب من بتوع الكاوتش دول
بعيداً عن الخوابيراقتباس:
و احنا فمصر بنمشى ب 8 خوابير فيما فووق :)
انا الكواتش كله عندي مخروم اكتر من خرم و ملحوم
حتى الفردتين اللي قدام فيهم خرمين ...
بفكر اغير الإتنين اللي فدام... و اعينهم ابقى اخليهم استبن بعد كدا ..
انا محتار ... حاسس اني اول ما اجيب الكاوتش الجديد هيتخرم برضه خاصة انه لسة مكملش 20 ألف كم ..
عندي فرده فيها 3 خوابير وماشي بيها 50 الف كيلو تمام ومشتكش ولا بزودها الا كل 3 شهور مره للاطمئنان بس