السلام عليكم
كنت عايز اسال عن طقم قواعد موتور للشاريد 90 الاقيها فين ناس قالولى فى الحرفيين بس بسال ياترى فيه حد بيبعها قريب شويه انا فى الهرم كمان لو حد يعرف سعرهم كام
عرض للطباعة
السلام عليكم
كنت عايز اسال عن طقم قواعد موتور للشاريد 90 الاقيها فين ناس قالولى فى الحرفيين بس بسال ياترى فيه حد بيبعها قريب شويه انا فى الهرم كمان لو حد يعرف سعرهم كام
اولا اهلا بيك في منتدي ديهاتسو
ثانيا القواعد اللي موجوده كلها تايواني هما 3 قواعد
كل واحده ولها سعر اعتقد من 60 الي 90 جنيه
اسأل اكتر من محل قبل ما تروح تشتري
عندك اوشين الحرفيين والشافعي مصر الجديدة وفاروق عزيز باب اللوق
ولو تفضل الاستيراد عندك المهندس سيد الفراش وديهاتسو لاند الحرفيين
وطبعا اولاد نوح في الوكالة
وطبعا الاختيار لك
شكرا يا استاذ محمد على جوابك بس حضرتك ترشحلى ايه ؟التايوانى ولا الاستيراد اقصد اللى احسن
هو الاستيراد بيكون يابانى ولا برضه تايوانى
ولو بتتعامل مع حد من الحلات دول وعارف انه كويس ياريت تقولى عليه عشان اكيد بالنسبه لى كلهم اى بعض انا لسه معرفش مين احسن
من الوكاله ولا من الحرفيين
كمان الشافعى فين فى مصر الجديده؟
والله تايواني ولا ياباني ده مسألة ارتياح
انا شخصيا لو بشتري اي قطعه بشتري الجديد ملاقتش منها يبقي الاستيراد
لذلك انا افضل التايواني جديد عن مستعمل ياباني لاني ضامن حالته
عموما افضل المحلات اللي ممكن تتعامل معاها بأمانة اوشين الحرفيين
اسأل في المحل عن عبدالله وقوله انا جايلك من نايل موتورز
عن طريق محمد عبدالرحيم وانشاء الله يعمل معاك واجب
هات التايوان لان الاستيراد ممكن تكون شكلها كوبس وبعديت تتقطع وخليك عند فاروق حاجته نضيفه
شكرا ليكم جميعا على مساعدتكم
دى اول مره اجيب للعربيه قطع غيار بس مش عارف واضح كده انى ح اتعب فى الموضوع ده جدا
بعد لف ودوران مالقتش القواعد غير فى الوكاله
هما فعلا 3 وانا جبتهم بس لقيت واحده منهم سليمه عندى والاثنين التانيين محتاجين يتغيروا وخصوصا الخلفيه تقريبا زى ما الاستاذ محمد قال انها الاكثر تضررا لانها كانت مقطوعه خالص
انا جبت ال 3 بعد فصال ووجع قلب ب 250
طبعا مش عارف ده كويس ولا لا
مبروك القواعد الجديدة
للاسف انت الموضوع بدأ عندك بدري شوية
فعلا مش كل حاجه موجوده بسهوله وعربية مش واخده حظها علشان كده
لكن للامانة قطع الغيار معمرة
انما بعد فترة حتقدر تعرف ايه بيتباع فين وبالتليفون تخلص اللي انت عايزه زي حالاتي