اولا استخيرى ربنا
ثانيا الجديد ثم الجديد ثم الجديد.....عربيتك لو حتى اتحكت منك عادى...احسم ما تشترى مستعمل ويطلعلك بلاوى فى الميكانيكا
ثالثا التقسيط وحرمانيتة اسألى فيها اكتر
رابعا ودة مربط الفرس.....ازاى تختريها:
سيبك من موضوع انك جديدة فى السواقة وكدة اسبوعين تلاتة بالكتير وتبقى زى الفل وواحدة واحدة..تانى حاجة انتى مش هتشترى اتوماتيك علشان انتى لسة جديدة فى السواقة لكن علشان شوارع مصر بقت زحمة جدا والسواقة هتبقى متعبة ..اشترى هاتش باك علشان الزحمة وعلشان كمان الشياكة وهيسهلك كمان فى السواقة والركن ....يبقى وصلنا كدة (جديد..اوتو...هاتش)
نيجى بقى للموتور ناس هتقولك لازم موتور كبير علشان يستحمل السفر وكلام من دة مش هقولك سيبك من كلامهم بس خلينا نقول اننا عايزين عربية بردو موتورها قوى نركب 5 فيها ونشغل التكيف والسحب يبقى زى الفل يعنى لاما 1300 او 1600 او 1500
اخيرا بقى لازم تجيبى عربية مضمونة ومعروفة ومتجربة وبقالها كام سنة فى السوق علشان لو لقدر الله حكيتى العربية خبطيها تعرفى تلاقيلها قطع غيار وسيبك من سياسة تبنى الصناعات والمواهب الجديدة يعنى ما تخليش حد يقنعك بعربية لسة سامعين عنها من كام شهر ويقولك اصل قطع الغيار هتنتشر مع الوقت اصلها هتثبت نفسها فى المستقبل يعنى ....محدش ضامن حاجة اليومين دول
وعلى هذا الاساس بارشحلك الجيتز الاوتو ب 79 الف ولو قفلت وعايزة سيدان هاتى الاكسنت
وممكن لو مش عايزة الاوتوماتيك شيلى 6 الف ...وبس وما تحيريش نفسك