ربنا يصلح الحال :( نفسى العربيات كلها يبقى فيها عوامل امان كتجهيز اساسى وبسعر مناسب
ان شاء الله بكره أحسن
عرض للطباعة
شكرا ياحسام باشا على الفيديو
بس هيا ليه العربية انحرفت ( يمين ) وممشتش فى عدلها؟؟ ( لما كان النظام شغال ) ؟؟!
انا ليا سؤال مختلف يا استاذ حسام
اولا انا عجباني العربيه دى عن الالنترا والسيراتو
بس هل صحيح اللي بتنزل هنا بتنزل بمتور الاوبترا يعنى مش نفس الموتور اللي بينزل بره
وهل اللي بتنزل استيراد باسم دايو لاسيتى بتنزل بماتور مختلف ومتطور عن الموجود فى سيارة الوكيل
بص ياباشا باختصار
الشيفروليه كروز اللى فمصر موتورها 1600 سى سى 107 حصان وعزم 150 نيوتن نوعه E-Tec زى اللى بينزل فى الاوبترا ونسبة انضغاطه 9.5:1
الدايو اللاسيتى اللى بيستوردوها موتورها 1600 سى سى 113 حصان وعزم 153 نيوتن نوعه EcoTec زى الشيفروليه كروز اللى بتنزل اوروبا ونسبة انضغاته 10.5:1
يعنى الفرق بين الموتورين 6 حصان
وسواء دا او دا اداء العربيه مش هايكون قوى اوى زى الالنترا او السيراتو
موضوع جميل جدا عن عربية محترمة جدا