الحمد لله في حوالي شهرين اتعالجت مرتين على نفقه الدوله:36_1_34[1]:
المره الاولانيه من حوالي شهرين لما عملت الحادثه بعربيتي
و رغم ان داخل المستشفى على رجلي و مفيش اصابات بس كنت خايف يبقى عندي نزيف داخلي علشان مكنتش عارف اتنفس من الحزام
المهم فيالحال اتعملي سونار لقيته تمام جيت امشي اتقالي لأ و اصروا ان اعمل اشعه الصدر
و بعد كل ده قلتلهم الحساب قالوا لا شكرا المهم انك سليم:verygood:
المره التانيه
كان اليومين دول روحت للدكتور قالي ان انا طالب و اجيله تبع التامين الصحي بتاع الطلبه و انه احسن و كده
روحت كشفلي في مستشفى الطلبه و عملت اشعه عاديه ورنين
صدقوني المعامله تكاد تكون افضل من لما اعملها خاص بره
و اتعمل اعاده كشف و كله و برضه مدفعتش حاجه:ma(30):
المهم الملاحظ انه مفيش حته التدافع التعامل مع الموظفين كويس جدا جدا
يعيب طبعا النظام حته الروتين لضمان الشفافيه في حته العلاج
طبعا انا دافع للكليه بتاعتي مصاريف دراسه و تامين و كله لاربع سنين 520 جنيه
طبعا مبلغ تافه جدا
تكاليف علاجي في المرحله الثانيه فقط اتكلف المبلغ دا يعني دلوقتي اعتبر مدفعتش حاجه في تعليمي في الكليه
معرفش بس بامانه حسيت ان انا فخور و خصوصا حته الادميه في التعامل كانت كويسه
عكس الصوره العامه المتاخده و اللي حستها قبل كده لما بروح اداره المرور من غير واسطه:_Alshmokh08[1]:
اخيرا حاولت انقل صوره ايجابيه للحاجه كويسه موجوده في الدوله المصريه مش الحكومه المصريه
و ده طبعا مش موضوع سياسي