الموضوع: عاوز اشترى واجا و محتاج مساعدتكم

انا فعلا بحترم الواجا جدا وكنت ناوى اجيبها بس تراجعت لسببين هما عدم انتشارها وتوكيلها السيئ
لان عدم الانتشار = صعوبة وسعر اعادة بيع سيئ +قطع غيار غالية ونادرة واعتماد كلى على التوكيل
والسبب الثانى توكيل عز العرب = وجع دماغ + عدم امانه فى التعامل

المشاركة الأصلية كتبت بواسطة felix

ولا يهمك ياباشا
بالنسبة لمشاكل الاصوات دي ملهاش حل في التوكيل (محدش عارفها) فا بدأت اتعود عليها خلاص
وبالنسبة للتوكيل هو مش حلو اوي ولا وحش اوي(متوسط بس احسن من منصور)

انا متشكر جدا يا استاذfelix على المعلومات دى و ربنا يكرمك يا رب على امانتك معايا فى الرد عليا

المشاركة الأصلية كتبت بواسطة Eng. Rafy Samy

استاذ / felix
احب اوضح انك دمرت سمعة العربية وطفشت الاستاذ باسم وتقريباً خليته يصرف نظر عن العربية دي نهائي...!!!

احب اقولك ان العيوب اللي انت بتقول عليها دي فردية لان انا العربية معايا بقالها سنة لا سمعت صوت تزييق ولا شفت سوء تقفيل ولا السنتر علق معايا (ولا مرة واحدة).
فيا ريت ميكنش فيه تعميم للمشاكل علشان نكون واقعيين وحياديين في التقييم وفي النصيحة...
إذا كان حظ حضرتك ان العربية فيها العيوب دي فمش معنى كده ان كل العربيات كده...
يمكن اكون انا صح او غلط بس احب باقي ملاك الواجا يشركونا في تقييمها علشان كلنا نستفيد
تقبل تحياتي

يا استاذ رفيق انا ما طفشت ولا حاجة,العربية الحمد لله كويسة و كل حاجة,بس انا كنت كاتب الموضوع ده عشان اعرف عيوب و مميزات العربية قبل ما اشتريها زى اى حد عاوز يشترى عربية

انا بش زعلان من حضرتك ولا من الاستاذ الفاضل felix لانه فعلا قال اللى عنده فى العربية بكل امانة و صدق و ربنا يكرموا يا رب
اذا كان عربية حضرتك ما حصل فيها حاجة,فده شىء كويس جدا و ربنا يباركلك فيها و ما يحصل فيها شىء

احنا هنا بنشارك مع بعض فى الاراء, و المفروض ما نزعل من بعض كده,كلنا اخوات يعنى و جايين نفيد بعض بتجربتنا للعربية

انا بش زعلان منك ولا حاجة يا استاذ رفيق ولا عاوز حضرتك تزعل منى

و تقبل منى كل احترام و تقدير

انا عارف يا استاذ felix ان احنا هنا بنفيد بعض طبعا و ربنا يكرمك يا رب على معلوماتك ليا و الصراحة معايا و انا بس كنت بتكلم عشان احنا هنا بش عاوزين نختلف,انا بس عاوز اراء الناس اللى معاها العربية و العربية عاملة معاهم ايه و عيوبها و مميزاتها بش طالب اكتر من كده,و حضرتك اتدتنى معلومات كويسة جدا ربنا يكرمك و انا بس مكنتش عاوز استاذ رفيق يزعل او يضايقك لاننا اخوات و كله عاوز يفيد,و متشكر جدا على حكاية تجربة العربية دى,انا لو اتصلت بحضرتك حتصل بيك بس عشان اقابلك و اشكرك

المشاركة الأصلية كتبت بواسطة emansalah

بسم الله الرحمن الرحيم
انا معايا واجا 2009 من شهر 10 و عامله حوالى 5000 كيلو والحمد لله مش بعانى من حاجه العربيه بفضل الله زى الفل المالتى فكشن تمام لا اعانى اطلاقا من اى مطب صناعى - مشاكل علبه الدركسيون اللى بسمع عنها فى بعض العربيات الاخرى غير موجوده عندى و الحمد لله - استهلاك البنزين ابتدى يتحسن فعلا مع الوقت والاستعمال وبحمد ربنا انه هدانى ليها وعلى فكره ده مش كلامى انا بس ده بشهاده كل اللى ركبها بمعنى اللى عنده اوبترا واللى عنده فورد وماتسوبيشى كانو مش مصدقين اداء العربيه
من ثبات و باور والشكل الداخلى المميز و وسع العربيه من الداخل
اخى الفاضل انا قلت شهاده حق احتمال اللى يرضينى و يعجبنى ما يكونش مناسب لحضرتك علشان كده جرب العربيه واستخر ربنا وربنا يوفقك للى فيه الخير

انا متشكر جدا يا استاذة ايمان و ربنا يباركلك فيها و يكفيكى شرها و انا مصدق كلامك كله و فعلا عجبنى اوى و ان شاء الله حستخير ربنا

المشاركة الأصلية كتبت بواسطة momopersona

فعلا اللى انت بتقولو ده صح
ولما مشكله تحصل فى 80% من العربيات يبئى من واجبنا نذكرها لاى حد
ومش معنى ان المشكله ماظهرتش عندى تبئا مش موجوده
لا ممكن تحصل بعدين وممكن ماتحصلش خالص
ودى امانه انك لازم تقول على اى مشكله فى العربيه وطبعا التوكيل لا بيحل ولا بيربط
ودى امانه لازم نذكرها
ومش معناها ان العربيه وحشه لا مميزات العربيه بتغطى على عيوبها جدا غير فرق السعر اللى بينها وبين عربيات فئتها
وهى بكل المقاييس صفقه رابحه
واحنا مايهمناش مبيعات العربيه تبئا عامله ايه قد مايهمنا مانغشش حد
ويا ريت كل اعضاء المنتدى فى كل الاقسام يبئو زيك والله

بالنسبه لرأيى الشخصى فى الواجا
عربيه رائعه فى كل شىء عدا مشاكل التقفيل(الغير مؤثره على الاداء) واعادة البيع وقطع الغيار فقط

شكرا يا استاذ مومو و حضرتك عندك حق اننا لازم نقول كل حاجة

المشاركة الأصلية كتبت بواسطة basemsaeed

انا مقبل على شراء واجا و كنت عاوز مساعدتكم بعد اذنكم و اعرف عيوبها و مزاياها كلها من اصحابها,بس ياريت اللى معاه الشكل الجديد و كده اللى هو نفس شكل موديل2010

انا معايا الشكل القديم " موديل 2005 " ... ف مش حقدر افيدك اوى لانك طالب بالتحديد مالكين الشكل الجديد .

بس عموما انا جربت الواجا الجديده لفترات بسيطه جربت منها الاوتوماتك و المانيوال ...

انا رأيى فى الواجا من زمان انها من افضل العربيات الى فى فئتها.... بس بعد تجربتهم ........اتأكدت ان الواجا افضل عربيه سيدان عائليه تحت ال100 الف جنيه , و ملهاش منافس . حتى بالرغم من انها بقالها فتره فى الانتاج .

لو عاوز حاجه قطع غيارها متوافره فى كل مكان و ليها بدائل كتير و لما تبيعها ماتخسرش كتير ...... يبقى خليك فى ميتسوبيشى لانسر.


* بالنسبه لعربيتى هى ماشيه 96 الف كيلو مالاحظتش حاجه من عيوب التقفيل الى الناس قالت عنها الحقيقه .

كان فى صوت خشونه مع حركه الازاز الخلفى شمال عالجته بنفسى و مكلفنيش حاجه , معنديش اى اصوات من العفشه الحمد لله . المالتى فنكشن " ساعات نادره بيعلق " ..... باقى الكماليات من باركنج سينسور , مرايات كهرباء . سنتر , ريموت , ....... كلهم شغالين الحمد لله .

العربيه عندى بعد فتره الاستخدام ديه محتاجه لاصلاح علبه الدركسيون و و اصلاح مكنه الازاز الخلفى يمين فقط . و ديه حاجات بتحصل فى اى عربيه مهما كان نوعها او صناعتها ...........ومخلتنيش اغير رأيى فيها .

المشاركة الأصلية كتبت بواسطة emaksoud

انا فعلا بحترم الواجا جدا وكنت ناوى اجيبها بس تراجعت لسببين هما عدم انتشارها وتوكيلها السيئ
لان عدم الانتشار = صعوبة وسعر اعادة بيع سيئ +قطع غيار غالية ونادرة واعتماد كلى على التوكيل
والسبب الثانى توكيل عز العرب = وجع دماغ + عدم امانه فى التعامل

الفكره كل واحد محتاج ايه من العربيه

فى حد مش فارق معاه اعاده البيع او ندره قطع الغيار , فى مقابل عربيه تفوق قيمتها السعريه و اعتماديه و ادائها ممتاز و فيها كل الكماليات الى مش موجوده فى عربيه فى نفس الفئه السعريه .

و فى حد عاوز عربيه عمليه و اعتماديه يستعملها سنه او اتنين و يبيعها باقل الخساره علاشان يشترى غيرها .

الفكرين مظبوتين على حسب احتياجات كل شخص .