عاوز اشترى واجا و محتاج مساعدتكم

**basemsaeed** · 10-03-2010 09:22 PM

انا مقبل على شراء واجا و كنت عاوز مساعدتكم بعد اذنكم و اعرف عيوبها و مزاياها كلها من اصحابها,بس ياريت اللى معاه الشكل الجديد و كده اللى هو نفس شكل موديل2010

**eng.m7md.ali** · 10-03-2010 10:23 PM

مبروك مقدما على الواجا وربنا يباركلك فيها

نبدا بالمميزات واللي كلنا عرفينها وهيا :
* الثبات واللي تقريبا كل بروتون مشهورة بيه
*وسائل الامان وهيا 2 ايرباجز وفرامل اي بي اس
*فخامة ووسع الصالون الداخلي

العيوب :
*اسعار قطع الغيار
*سعر اعادة البيع
*عيوب التقفيل الرخمة
*وبعض الاصوات اللي ممكن تضايق
بس غير كدة مفيش عيوب تخليك متجبهاش

وبردو استنا الخبراء يفيدوك ولو عايز تجرب العربية انا تحت امرك

**basemsaeed** · 10-03-2010 11:05 PM

الله يبارك فيك
طب بعد اذن حضرتك ممكن اعرف ايه هى الاصوات اللى ممكن تضايق و بتيجى منين و كمان انا كنت حشترى الاتوماتيك الكاملة الفول اوبشن و عيوب التقفيل زى ايه

شكرا و اسف للماطلة

**eng.m7md.ali** · 11-03-2010 01:45 AM

اصوات من الشنطة بس مش عارف اصوات ايه بالظبط كان حاجة عمالة تلق في الشنطة غير كدة مفيش
انا معاية الفئة التانية منها والحمد لله مفيش مشاكل معاية لحد دلوقتي
(بقالها حوالي 10 شهور معاية)

بالنسبة لعيوب التقفيل مثلا زي الكنبة اللي ورة هتلاقي اصوات منها
الانذار والسنتر اللي ديما بيعلقو
والمالتي فنكشن اللي بدق يخرف عندي

بس كدة

**basemsaeed** · 11-03-2010 08:43 PM

شكرا يا باشا على الرد و على المعلومات دى و ربنا يباركلك فيها و يكفيك شرها ان شاء الله
طب حضرتك ما جربتش تروح التوكيل و تشتكيله من الحاجات دى و تشوف حل ليها
و اخبار التوكيل ايه معاك فى كل حاجة؟؟
معلش يا باشا الاسئلة بتاعتى كتير

**eng.m7md.ali** · 11-03-2010 08:56 PM

ولا يهمك ياباشا
بالنسبة لمشاكل الاصوات دي ملهاش حل في التوكيل (محدش عارفها) فا بدأت اتعود عليها خلاص
وبالنسبة للتوكيل هو مش حلو اوي ولا وحش اوي(متوسط بس احسن من منصور)

**Eng. Rafy Samy** · 12-03-2010 11:28 AM

استاذ / felix
احب اوضح انك دمرت سمعة العربية وطفشت الاستاذ باسم وتقريباً خليته يصرف نظر عن العربية دي نهائي...!!!

احب اقولك ان العيوب اللي انت بتقول عليها دي فردية لان انا العربية معايا بقالها سنة لا سمعت صوت تزييق ولا شفت سوء تقفيل ولا السنتر علق معايا (ولا مرة واحدة).
فيا ريت ميكنش فيه تعميم للمشاكل علشان نكون واقعيين وحياديين في التقييم وفي النصيحة...
إذا كان حظ حضرتك ان العربية فيها العيوب دي فمش معنى كده ان كل العربيات كده...
يمكن اكون انا صح او غلط بس احب باقي ملاك الواجا يشركونا في تقييمها علشان كلنا نستفيد
تقبل تحياتي

**eng.m7md.ali** · 12-03-2010 01:50 PM

المشاركة الأصلية كتبت بواسطة Eng. Rafy Samy

استاذ / felix
احب اوضح انك دمرت سمعة العربية وطفشت الاستاذ باسم وتقريباً خليته يصرف نظر عن العربية دي نهائي...!!!

احب اقولك ان العيوب اللي انت بتقول عليها دي فردية لان انا العربية معايا بقالها سنة لا سمعت صوت تزييق ولا شفت سوء تقفيل ولا السنتر علق معايا (ولا مرة واحدة).
فيا ريت ميكنش فيه تعميم للمشاكل علشان نكون واقعيين وحياديين في التقييم وفي النصيحة...
إذا كان حظ حضرتك ان العربية فيها العيوب دي فمش معنى كده ان كل العربيات كده...
يمكن اكون انا صح او غلط بس احب باقي ملاك الواجا يشركونا في تقييمها علشان كلنا نستفيد
تقبل تحياتي

انا مقصدش يامستر رافي بس انا بتكلم عن العيوب الشائعة مش اكتر
وبعدين الاصوات اللي موجودة مفيش حد في التوكيل عارف يحلها
غير كدة انا قلتله ان العربية ممتازة في كل حاجة معادا عيوب التقفيل وخلافه

وارجو من حضرتك متضيقش مني اوي كدة

وتقبل تحياتي

**emansalah** · 12-03-2010 02:24 PM

بسم الله الرحمن الرحيم
انا معايا واجا 2009 من شهر 10 و عامله حوالى 5000 كيلو والحمد لله مش بعانى من حاجه العربيه بفضل الله زى الفل المالتى فكشن تمام لا اعانى اطلاقا من اى مطب صناعى - مشاكل علبه الدركسيون اللى بسمع عنها فى بعض العربيات الاخرى غير موجوده عندى و الحمد لله - استهلاك البنزين ابتدى يتحسن فعلا مع الوقت والاستعمال وبحمد ربنا انه هدانى ليها وعلى فكره ده مش كلامى انا بس ده بشهاده كل اللى ركبها بمعنى اللى عنده اوبترا واللى عنده فورد وماتسوبيشى كانو مش مصدقين اداء العربيه
من ثبات و باور والشكل الداخلى المميز و وسع العربيه من الداخل
اخى الفاضل انا قلت شهاده حق احتمال اللى يرضينى و يعجبنى ما يكونش مناسب لحضرتك علشان كده جرب العربيه واستخر ربنا وربنا يوفقك للى فيه الخير

**momopersona** · 12-03-2010 04:11 PM

المشاركة الأصلية كتبت بواسطة felix

انا مقصدش يامستر رافي بس انا بتكلم عن العيوب الشائعة مش اكتر
وبعدين الاصوات اللي موجودة مفيش حد في التوكيل عارف يحلها
غير كدة انا قلتله ان العربية ممتازة في كل حاجة معادا عيوب التقفيل وخلافه

وارجو من حضرتك متضيقش مني اوي كدة

وتقبل تحياتي

فعلا اللى انت بتقولو ده صح
ولما مشكله تحصل فى 80% من العربيات يبئى من واجبنا نذكرها لاى حد
ومش معنى ان المشكله ماظهرتش عندى تبئا مش موجوده
لا ممكن تحصل بعدين وممكن ماتحصلش خالص
ودى امانه انك لازم تقول على اى مشكله فى العربيه وطبعا التوكيل لا بيحل ولا بيربط
ودى امانه لازم نذكرها
ومش معناها ان العربيه وحشه لا مميزات العربيه بتغطى على عيوبها جدا غير فرق السعر اللى بينها وبين عربيات فئتها
وهى بكل المقاييس صفقه رابحه
واحنا مايهمناش مبيعات العربيه تبئا عامله ايه قد مايهمنا مانغشش حد
ويا ريت كل اعضاء المنتدى فى كل الاقسام يبئو زيك والله

بالنسبه لرأيى الشخصى فى الواجا
عربيه رائعه فى كل شىء عدا مشاكل التقفيل(الغير مؤثره على الاداء) واعادة البيع وقطع الغيار فقط

الموضوع: عاوز اشترى واجا و محتاج مساعدتكم

LinkBack

أدوات الموضوع

عرض

-

-

-

-

-

-

المواضيع المتشابهه

ياجماعة محتاج رايكم عاوز اشترى عربية

عاوز اخد قرض و محتاج مساعدتكم

محتاج مساعدتكم عاوز أعرف سروجي شاطر عشان عربية جيتا .. بالله عليكم تدلوني

عاوز أشترى مساعدين للأفيو و محتاج مساعدتكم

الكلمات الدلالية لهذا الموضوع

المفضلات

المفضلات

ضوابط المشاركة