الموضوع: Busted Toyota

فيها انه ميصحش اصور حاجة حد وفيها دليل على شخصيته وكمان بدون اذنه
لان كدا الموضوع بيمس شخص معين مش بيكون كلام عام
يعنى مثلا هنا فى المنتدى كل اللى بيصور عربيته بيجيب صورها معادا النمر
لنفرض مثلا
ينفع نصور واحد فى الشارع ماشى مع واحدة عشان نقول ولاد اليومين دول كذا وكذا
اظن انه ميصحش لان كدا انت بتسىء لشخص حتى لو كان مخطىء لانه ممكن الشخص دا فى يوم يتوب ويبقى احسن منى ومنك وممكن اصلا اللى ماشى معاها تكون اخته
كذلك
مثلا انا بحب اركب ديفندر وشايف انه شكله حلو
هل ينفع فى موضوع كاتب الموضوع دا شايف ان الديفيندر دا شغل عيال فاضية وشغال يشتم فيه ان واحد يصور عربيتى ويشتم فيا وفى ذوقى وكمان يقول اسمى وعنوانى
انا بقول دا كمثال
يعنى انا على ما اذكر كان اخ هنا فى المنتدى صور نمرة عربية معمولة سودا ومش كاتب ملاكى ايه
كان كاتب هيئة قضائية ونمرة العربية تحتها
انا شايف بصراحة انه كان المفروض ان الصورة تتشال منها النمرة او ميحطش الصورة اصلا ويقول اللى شافه(انا مش قصدى ابدا انى ادافع عن اللى عمل النمر البايخة دى اطلاقا)
عشان كدا اللى حصل ان الموضوع اتشخصن فى شخص واحد مش كان الكلام عامة

عامة دى وجهة نظر شخصية تحتمل الصواب والخطا