عايز اغير الفتيس من عادي لاتوماتيك ؟!
انا عربيتي نوفا ريجاتا 1989
وعايز مشورة الخبراء واهل العلم ويا سلام لو حد مجرب .
او لو حد عنده ريجاتا اوتوماتيك يقولنا ايه انطباعة الفتيس عامل ايه معاه في النقلات
عرض للطباعة
عايز اغير الفتيس من عادي لاتوماتيك ؟!
انا عربيتي نوفا ريجاتا 1989
وعايز مشورة الخبراء واهل العلم ويا سلام لو حد مجرب .
او لو حد عنده ريجاتا اوتوماتيك يقولنا ايه انطباعة الفتيس عامل ايه معاه في النقلات
تغير الفتيس من عادة لاتواتيك صعب و مكلف جدا و هتلاقي نفسك صرفت اكتر ماتبيع العربية و تجيب واحدة تانية اوتوماتيك و كمان النتيجة مش مضمونة .
معتقدش فيه حد في المنتدي معاه ريجاتا أوتو بس لو هتسقط الموتور بفتيسة الأوتو مش هيبقى فيها مشكلة
لو الفتيس الاوتو مع الموتور يبقي تمام بس هيتعد في الضفيرة بتاعت الموتور
شكرا لاهتمامكم بالرد بس يا ريت لو في حد مجرب الاوتوماتيك يفيدني
77 مشاهدة
و 3 ردود فقط !!!!!!!!!!!!!!!!!!!!!
وانهردة بقو 95 مشاهدة ومفيش رد واحد زيادة
ايه يا جدعان الناس اللي بتفهم راحت فين ؟
الفتيس الاوتوماتيك في الريجاتا 3غيار فقط ونصيحة الفيات مش حلو في الاوتوماتيك علي الرغم من ان العلبة بتاعة الريجاتا هي نفسها للجولف2والروفر انتاج شركة زد اف بالمانيا..وطبعا هتلاقي استهلاك البنزين زاد والسرعة القصوي قلت ..المفيد ابعد عن الاوتوماتيك في الفيات
لو حضرتك عايز تقلب الفتيس اوتوماتيك يبقى استحمل التالى :
هتغير الموتور بموتور استيراد 1600 بتاع الريجاتا 100s ستيشن بالفتيس الاوتوماتيك و الضفيره بتاعته و ده مش هتلاقيه الا فى بورسعيد و بسعر لن يقل عن 3-4 الاف جنيه لانى سالت فى الحرفيين عن مواتير الريجاتا كذا مره و لقيت الموتور الـ 1300 بيتباع بـ 2500 جنيه
هتعدل فى قواعد الموتور و الفتيس اللى عندك + هتلغى الدبرياج + هتلعب فى الضفيره
و اخيراً احتمال كبير مش هتلاقى صنايعى محترم يعمل الحكايه دى كويس الا نادر قوى و ان اتعملت صح بعد شوية الله اعلم حاله الفتيس الاوتوماتيك و الموتور الاستيراد دول هيعيشوا كام سنه كويسين
لو الفتيس اللى عندك فيه مشكله اكيد له حل اما عمره فتيس او تغييره بفتيس مانوال استيراد هيركب بكل سهوله (فك ده و ركب ده) اما لو حضرتك عايز اوتوماتيك فممكن جداً تبيع العربيه المانوال و تشترى عربيه اوتوماتيك يابانى موديل الثمانينات (تويوتا كورولا او كرسيدا او متسوبيشى لانسر او مازدا 929 ) و هتلاقى السعر برضو اقل من الثلاثين الف جنيه
يا باشا اولا انا مش قصدى اى حاجه وحشه لا سمح الله لكن انا الاوتوماتيك الفيات القديم اللى شفته فى حياتى كان الريجاتا 100s ستيشن موديل 1988 و التمبرا و الاثنين اوتوماتيك عادى 4 غيار اما بالنسبه لموديلات ما قبل 1982 فى الفيات فبصراحه عمرى ما شفتها اوتوماتيك لكن بصفه عامه شفت كذا حاجه اوتوماتيك 4 غيار موديلات اوائل الثمانينات بس يابانى (مازدا 929 و تويوتا كرسيدا) فمش متخيل وجود 3 غيار بس فى الاوتوماتيك