التوك توك الهندى ولا التوك توك المصرى ؟ حقيقة السيارة المصريه بسعر 17 ألف و490 جنيه
فى البدايه عمل رائع من شركة مصريه تدعى (إيجى تك للصناعات المتطورة) لتقليل التوك توك الهندى و الحد من أستيراده لأنه بصراحه ولا شكل ولا ميزة إلا فى الشوارع الجانبيه و البسيطة أتنشر الموضوع على أنها سيارة بـ3 عجلات لكنها توك توك و عادى جدا مش هيفرق المسمى من سيارة أو توك توك لكن الفكرة بجد جميله جدا و أمان و أشكر شركة إيجى تك للصناعات المتطورة من كل قلبى على إنها حاولت تعمل حاجة تساعد بيها الشارع المصرى لحل أزمة التوك توك مش عارف لسه التصنيع بكامله مصرى ولا فيه حاجة أستيراد من برة و على فكرة الشركة دى مش تحت بير سلم زى ناس معينه لأ دى ليها مقر و كمان كانت فى معرض فورميلا الأهرام و فيه مركز خدمة مابعد البيع و قطع غيار هبقى أوريكم الصور فى الموضوع بس شوية كدة بس السؤال دلوقتى أنت رأيك أية ,, يتلغى توك توك الهند و يتحط التوك توك المصرى مكانه ؟ و على فكرة الأتنين فى نفس السعر بس أنا شايف أن توك توك مصر أفضل على الأقل يبقى عندنا أكتفاء فى حاجة حتى لو بسيطة لكن فيه أختلافات هوضحهالكم فى الأداء و الأمان التوك توك الهندى http://www.egvip.com/images-news/1236167288-image.jpg عيوب توك توك الهند حتى الأن 1- أولا بحس أنه زحم كل شبر فى الدنيا على الفاضى دا غير طبعا زيادة البلطجة و الصياعة 2- خطف بنات بواسطة التوك توك ومتستغربش بتحصل كتير و فيه كذا قضية 3- التسبب فى حوادث و مشاكل كبيرة ممكن توصل لقتل بنى أدم فى عربيه 4- خطر على حياة إلى راكبين التوك توك لأنه ممكن يتقلب فى أى لحظة و طبعا ممكن الكاوتش يطير فى أى وقت لو واحد تقيل راكب و دا إلى شوفته قبل كدة أن الكاوتش و الجنط طاروا من مكانهم و بقوا ماشيين أدام كدة بس الحمد لله التوك توك متقلبش 5- شكلة بيفكرنى بكابوس دول العالم التالت إلى أحنا فيها دلوقتى ميزة التوك توك الهندى 1- ميزة وحيدة فقط فى الأماكن الصغيرة أن ممكن يكون مفيش تاكسى أو فى البلاد الأرياف أو هكذا توك توك مصر (الصور منقولة من منتدى أخر) http://i914.photobucket.com/albums/a...0/IMG_0040.jpg http://i914.photobucket.com/albums/a...0/IMG_0042.jpg http://i914.photobucket.com/albums/a...0/IMG_0041.jpg http://i914.photobucket.com/albums/a...0/IMG_0044.jpg http://i914.photobucket.com/albums/a...0/101_1980.jpg طبعا بيقولوا فى الصورة هنا عربيه بس برضة أحنا هنقول توك توك http://i914.photobucket.com/albums/a...0/101_1981.jpg http://i914.photobucket.com/albums/a...0/101_1982.jpg مميزات التوك توك المصرى 1- على الأقل شكلة مقبول جدا عن التوك توك الهندى و إذا أتقارنو ببعض أكيد المصرى يكسب 2- نفس سعر التوك توك الهندى و زى ماقالوا أنا و أخويا على أبن عمى يبقى أكيد أخويا أفضل
3- مقفول بصاج مش بجلد يعنى فى الشتا أو فى تراب أكيد هيحمى إلى راكبين
4- فيه مرايا فى الجناب على أساس أنك عربيه ملاكى عشان تشوف إلى ورا يعنى
5- طبعا تابلو و فتيس و طارة اكيد أفضل من الجادون بتاع التوك توك الهندى
6- قطع غيارة هتكون متوافرة جدا لأن فيه مراكز خدمة مابعد البيع عيوبة 1- سمعت أنه سرعتة القصوى 60 كيلو متر بس دا كويس برضة عشان الأمان ماهى مش ملاكى و كمان دى على 3 عجلات يعنى كويس أوى السرعة دى قولتلكم أننا هوريكم مركز خدمة و قطع غيار مابعد البيع بصوا فى اخر صورة يمين هتلاقوا مكتوب مراكز صيانه و محطوطة التكاتيك دى فيها http://www.egy-tech.net/images/flyer-front-small.jpg و فى النهاية نتمنى من الله أن التوك توك المصرى دة لو أفضل يحل محل الهندى لكن تبقى كارثة لو بقوا الأتنين مع بعض دا الناس هتمشى على الهوا بعد كدة لكنها بأمانة فكرة جميله جدا للحد من أستيراد التوك توك الهندى و إذا التوك توك دة أثبت كفاءة أكيد العميل مش هيبص للهندى و دا الموقع بتاع التوك توك المصرى هنــــــــــــا و أية رأيكم التوك توك الهندى أفضل ولا التوك توك المصرى ؟ و هل دى بدايه مصريه لصنع سيارة و لها خدمة و مركز صيانه و تكون برضة رخيصة ؟