سؤال فى كمبيوتر السيارة car pc

**algohary** · 11-03-2010 09:21 AM

سلامات
قررت أخيرا أن أضع كمبيوتر فى السيارة لكن واجهتنى مشكلة الكهرباء powersupply
هل يمكن تحويل جهاز الكمبيوتر العادى جدا (بتاع البيت) لكمبيوتر فى السيارة و اللا هغير هاردوير

شكرا مقدما

**yaserbasha2000** · 11-03-2010 10:07 AM

معلش انت تقصد لاب توب ولا pc
عموما لو مشكلتك انك تجيب باور 220 فولت فممكن تستخدم inverter 12 VDC - 220 VAC وده ممكن تلاقيه عند النخيلي حسب الوات اللي انت محتاجه

لكن ازاي هتستخدم PC في العربيه

**KarimAbulEla** · 11-03-2010 10:52 AM

تمام - الانفرتر هو اسرع وسيلة و متوفر لدى النخيلى فى باب اللوق و راديو طلعت فى العتبة و متوفر لدى فروع راديو شاك و بعض محلات الالكترونيات بس خد بالك لازم يكون سعة الانفرتر اقوى من الباور سبلاى يعنى لو باور سبلاى الكمبيوتر 300 وات لازم يكون الانفرتر ايضا 300 او 400 وات و ليس اقل حيث ال انفرتر يتم تقييمه بالوات

**algohary** · 11-03-2010 04:18 PM

طيب لو عاوز استغنى عن الباور سبلاى بتاعة الجهاز خالص لأن الكمبيوتر اصلا 5 - 12 فولت .... هل ممكن نوفر كهربا على طول من العربية و لا لازم الوات يبقى زى بعضه ... معلش أصلى علمى علوم :)

**yaserbasha2000** · 12-03-2010 07:29 AM

المشاركة الأصلية كتبت بواسطة algohary

طيب لو عاوز استغنى عن الباور سبلاى بتاعة الجهاز خالص لأن الكمبيوتر اصلا 5 - 12 فولت .... هل ممكن نوفر كهربا على طول من العربية و لا لازم الوات يبقى زى بعضه ... معلش أصلى علمى علوم :)

هتحتاج في الحالة دي حاجة اسمها ميكرو باور سبلاي ياخد 12 فولت ويخرج الفولتيات اللازمة للمزر بورد و ده انا مشفتوش هنا بس موجود علي النت زي ده

200 Watt DC-DC ATX

لكن رأي انك تستخدم الانفرتر+ باور سبلاي الجهاز

و الافضل من ده كله اللاب توب

**koki4life** · 21-03-2010 05:00 PM

لا يفضل اطلاقا الاستغناء عن الباور سبلاي والبحث عن بديل له لأن الباور سبلاي يقوم بامداد الكمبيوتر بتيارات مختلفة في الفولت وثابتة في الأمبير والوات ولن تستطيع استبداله بدائرة بديلة بسهولة وقد يتعرض الجهاز للاحتراق لأن بطارية الكمبيوتر ذات جهد كهربي عالي ولهذا يفضل استخدام inverter 12 VDC - 220 VAC و كما قال الأخوة يجب الا يقل الوات المستخدم عن الوات الفعلي للباور سبلاي.....