عملت صيانة الـ 1000 للصنى 2010 abs مانيول
الحمد لله عملت صيانة الـ 1000 لسيارتى الصنى 2010 مانيول ABS و طبعاً زى ما إنتو عارفين أننى من الإسكندرية و سأحكي لكم عن تجربتى هذه لعلها تكون مفيدة
عملت الصيانة فى التوكيل مودرن موتورز الكائن بـ 3 شارع النقيب شريف رمزى بالحضرة القبلية بالإسكندرية طبعاً اتصلت يوم الأثنين الماضى الموافق 8-3-2010 و حجزت ميعاد الصيانة يوم الاربعاء الموافق 10-3-2010 الساعة 9 صباحاً و موضوع الحجز قبل الصيانة بالفعل موضوع محترم جداً و منظم حقيقى و ذهبت بالفعل فى اليوم المحدد و فى تمام التاسعة صباحاً استقبلنى مهندس الاستقبال و أول حاجة سألنى عنها حضرتك حاجز للصيانة و فورا ً رديت نعم حاجز بإسم المهندس/ محمد حمام راجع أوراقه و بالفعل تأكد من حجزى الحقيقة الرجل استقبلنى استقبال جيد و أخد من الرخصة و كتيب الضمان و العربية كانت عاملة 1517 كم بالضبط خيرنى بين موبيل XHB و لا موبيل 1 طبعاً اخترت موبيل 1 و أخبرنى أن الزيت بـ 180 جنيه و الفلتر بـ 50 جنيه و طلع فى كتيب الضمان كوبون ما كنتش واخد بالى منه عن طريقه بنعمل صيانة الـ 1000 مجانية يعنى المصنعية الخاصة بالصيانة مجانية دفعت 253 جنيه فقط لا غير ثمن الزيت و الفلتر و ضريبة المبيعات طبعاً هذا بالإضافة الى مراجعة شاملة للعربية تربيط العفشة و مراجعة كل الزيوت زى زيت الفرامل و الباور و غيره كذلك ماء التبريد يعنى مراجعة شاملة
طبعاً أنا ركبت وحدة رفع و Parking sensor بس المغامرة دى حأقولكم عليها فى موضوع تانى غير ده
سلمت العربية الساعة حوالى 9:10 و استلمتها حوالى الساع 11:15 و من الحاجات اللى عجبتنى قوى بعد ما خلصوا الصيانة غسلوا العربية غسلة حلوة قوى بالإضافة الى تنضيف الموكيت و السيارة من الداخل صراحة روقوا العربية من جوه و من بره و كل ده من غير حساب تقدروا تقولوا كده زى شوية دلع للعميل و بس و الله كتر خيرهم و الإنطباع أن هذا المركز جيد ملتزمين فى مواعيدهم و منظمين و ألقاكم فى مغامرة تركيب وحدة الرفع و الـParking sensor