ما هى عيوب ومميزات الصنى خصوصا انى كونت راكب لانوس فهل هحس بفرق والا هى ركوبة والسلام ولكم جزيل الشكر
عرض للطباعة
ما هى عيوب ومميزات الصنى خصوصا انى كونت راكب لانوس فهل هحس بفرق والا هى ركوبة والسلام ولكم جزيل الشكر
لاياباشا هاتحس بفرق اوي اوي لاني كنت راكب لانوس و طلعت للصني و الفرق شاسع بينهم في كل حاجه اداء و ثبات و تجميع الموتور و كل حاجه فعلا و اي استفسار انا في الخدمه
طيب يا وليد باشا دلوقتى بالنسبة للبنزين وقطع الغيار وهل الاحسن مانيوال والا اوتوماتيك وشكرا لتعبك
بص ياباشا هيا الناس هنا بتشتكي من معدلات البنزين في الاوتوماتيك بس المعدلات في المانيوال انا شايف انها معقوله راجع اللينك دا http://www.nilemotors.net/Nile/62667-a.html
و بالنسبه لقطع الغيار هيا هيا مافيش فرق او ممكن توضح السؤال لاني حاسس اني مش فاهمه :shyy:
لا وجه للمقارنة بين النيسان صنى والدايو لانوس دى عربيه ودى عربيه تانيه خاااالص
يكفى ان النيسان سيارة جميع مكوناتها يابانية الصنع والدايو سيارة كورية
إختيارك للصنى إختيار موفق و هناك فروق عديدة بين اللانوس و الصنى لأنى جربت الأثنين و بالفعل اليابانى يابانى بالإضافة إلى انهم فئتين مختلفتين بالفعل أما موضوع المانيول أو الأتوماتيك دى حسب رغبتك أنت و أنت بتحب إيه أنا عن نفسى لا أحب قيادة الأتوماتيك بالمرة بالرغم من إختلاف العديد معى و على هذا الأساس إشتريت المانيول و أنا مبسوط جداً إستهلاك البنزين فى المانيول و ده اللى انا جربته عادى جداً أما بالنسبة لأسعار قطع الغيار فعادية مثلها مثل أسعار جميع قطع الغيار اليابانى و بالتوفيق إن شاء الله
انا بصراحة مش لاقي حاجه اقولها بقي لأن الاعضاء قاموا بالواجب و قالوا الخلاصة و بالتوفيق مع احلي صني
لا ان شاء الله فرق السما والأرض انا ركبت لانوس على الزيرو وبعدها شيفروليه افيو على الزيرو وفى النهايه نيسان صنى ex-salone manual
على الزيرو
والله انا حاسس انى ماركبتش غير الصنى
فرق رهيب
بصراحه نعومة ماتور وثبات واتزان وتسارع مالهومش حل وبجد مافيش وجه للمقارنه