الموتور يصرخ والسرعة لا تزيد

امس كان يوم اختبار صعب للسيارة
بعد فترة من السكون والمشاوير القصيرة طلعت مشوار بالعربية في عز الحر عمل حوالي 400 كم رايح جاي صد رد وكان معايا 3 والشنطة مليانة شنط
والحمد لله العربية ما قصرت وكانت فرصة جيدة لتليين المساعدين واختبار العفشة والاطارات وقوة الموتور في طريق كان نص المسافة فيه في طرق من اسوأ الطرق في العالم واللي عارف الطريق هو الطريق اللي بين الصالحية وفاقوس وما بعد فاقوس بحوالي 20 كم والعياذ بالله
وباقي الطريق كان سالك وممتاز
المهم
لم يعكر صفو الرحلة الا ملاحظة غريبة
في الطريق السالك وعلى سرعات مابين 100 الى 120 احيانا اسمع صوت الموتور يصرخ وكانه عمل امبيليه لوحده لما ازود بنزين والاربي ام يعلى ويقفز من 3 الى 4 ونص
بدون التأتثير على سرعة العربية مطلقا ..
وحصلت اكثر من مرة لما ازود بنزين علشان اعدي سيارة امامي الاقي الصوت فجاة على والاربي ام قفز والسرعة تزيد ببطء شديد او لا تزيد
سألت صديق قالي ان ده عيب شداد دواسة البنزين وان معاه لانوس شاريها زيرو من سنتين وبتعمل معاه الحركة دي ويتفادها بانه يرفع رجلة عن دواسة البنزين ويضغط تاني علشان يسلك الشداد
وانا بصراحة عندي سلك الشداد فيه مشكلة لما اجي ادور الصبح لازم انشطه بضربتين على دواسة البنزين قبل ما ادور ومع اول دوسة بحس بتكة وكأنه معلق

ما رأيكم يا شباب نايل موتورز المحترمون
ما هي المشكلة؟
انا مستغرب من زيادة عدد لفات الموتور بدون التاثير على الاداء
شئ محير

لو بتسمع صوت العربيه عله مره واحده يعنى مثلاً شيلت رجلك وكبست تانى السرعه مزادتش والماتور صرخ يبقى مشكلة دبرياج

العربية اوتوماتيك
لانسر كريستالة 99
ولما اشيل رجلي واضغط تاني الصوت يروح وتكمل تسارعها العادي

اعتقد مالهاش دعوة بالدواسة لان الدواسة وظيفتها تزود بنزين
وانت بتقول ان الموتور بيعلى يعنى البنزين راح للموتور و الدواسة عملت اللى عليها

الدور بقى على الدبرياج بينقل الحركة من الموتور للفتيس و بعد كدة للعجل

بس برضه كلامك غريب انك لما تشيل وتضغط تانى تكمل عادى

ممكن يكون سلك الدبرياج معلق مع سلك الاكسراتير مثلا ؟؟؟؟؟

أعتقد انها مشكلة في علبة الفتيس الأوتوماتيك.. لازم تروح تفحصه في التوكيل أو عند حد بيفهم في الأوتوماتيك

عيب فى الفتيس

اقتباس:

---

المشاركة الأصلية كتبت بواسطة skybird

العربية اوتوماتيك
لانسر كريستالة 99
ولما اشيل رجلي واضغط تاني الصوت يروح وتكمل تسارعها العادي

---

عيب فتيييييييييس و ما تصلحش ارمى و هات استيراد نصيحة لوجه الله
و الله اعلم

عيب فتيس معلش مخدتش بالى انها اوتوماتيك

لو مغيرتش زيت الفتيس وعدى عليه 40 او 50 ألف كيلو غيروا و هيفرق معاك جامد ان شاء الله

يا ا اخوانا
ممكن يكون عيب فتيس مع ان الصوت العالي بيختفي بمجرد ما احرك دواسة البنزين يعني بمجرد ما ارفع رجلي واضغط تاني صوت النعرة تروح؟!!

اقتباس:

---

المشاركة الأصلية كتبت بواسطة skybird

يا ا اخوانا
ممكن يكون عيب فتيس مع ان الصوت العالي بيختفي بمجرد ما احرك دواسة البنزين يعني بمجرد ما ارفع رجلي واضغط تاني صوت النعرة تروح؟!!

---

طيب جرب غير زيت الفتيس زى ما أخ قال بس تنزل القديم كله لحد أخر نقطة و حط جديد و اظبط على المقاس وشوف و مش عارف بقا انت عندك فلتر لزيت الفتيس و لا لأ لو فيه غير بالمرة و جرب

الله يكون في عونك فعلا وصله رخمة جدا .. انا من فاقوس اساسا فحافظ الطريق دة

بالنسبة للصراخ انا جبت عربيه برضه وبحس نفس الموضوع فيها او بحس بتأخير في الاستجابة لدرجة اني برفع رجلي من كتر منا مش مستني وبخليها تسحب بنص دوسة مش اكتر او بكيك داون لاني بحس تاثيرهم صوت اكتر من زيادة سحب

انا كشفت على زيت الفتيس وكان طبيعي على الوضع p وقليل شوية على الوضع r
فزودت زيت الفتيس حوالي ثلث كيلو من زيت الباور الاحمر ومشيت بيه مشوارين حوالي 15 كيلو كل مشوار وصلت لسرعة 140 وكشفت على زيت الفتيس والعربية سخنة وكان في زي رغاوي صغيرة جدا على عصاية الكشف
والحمدلله الامور على ما يرام اختفي الصوت حتى الان
وعلى فكرة انا عندي حركة الفتيس سلسلة وسهلة حتى قبل المشكلة
بس لي سؤال
اللي عملتو انا صح ؟
وبالمرة عايز اسأل سؤال كتير من الميكانيكية هربوا من الاجابة عليه
هي الانسر الاوتوماتيك 1300 بتاخد كم كيلو زيت فتيس وايه انواعه ؟
ياريت تفيدوني في النقطة دي
وهل ممكن اغيرو بنفسي ولا في التوكيل لاني لا اعرف مكان توكيل في منطقة القناة الاسماعيلية او بورسعيد
ارجو الافاده عن مجموعة الاسئله هذه فضلا لا امرا

الفتيس الاوتوماتك المقاس بتاعه فيه علامتين واحدة لو بتقيس على البارد و التانية لو بتقيس و العربية سخنة لازم تتاكد من المقاس الصح و كمان انت قلت انه كان مظبوط على ال p المفروض ما كنتش زودت لان الرغاوى اللى بتقول عليها معناها ان فيه شوية زيت زيادة جرب قيس و العربية باردة على علامة البارد عشان تطمن دورت ع النت لقيت العربية ديه بتاخد 6.3 كوارتر امريكى حولتها طلعت حوالى 6 لتر زيت بس مش متاكد من الرقم ده يمكن الفتايس عندهم اكبر لو حد عنده نفس العربية اكيد هايفيدك

الفتيس بياخد 5 كيلو زيت

على فكره نفس المشكله دي عندي بس على النقله التالته من اول 70 كلم
تلاقي الار بي ام وصل لحد 4.5
كان المهندس سمير عياد قاللى اعمل سكانر ومن يومها محصلتليش الا مرات بسيطة والحمد لله
فا اعمل سكانر و شوف حساس الtps اخباره ايه

اقتباس:

---

المشاركة الأصلية كتبت بواسطة Moh_Zaher

على فكره نفس المشكله دي عندي بس على النقله التالته من اول 70 كلم
تلاقي الار بي ام وصل لحد 4.5
كان المهندس سمير عياد قاللى اعمل سكانر ومن يومها محصلتليش الا مرات بسيطة والحمد لله
فا اعمل سكانر و شوف حساس الtps اخباره ايه

---

ياريت شوية تفصيل لو تكرمت
السكانر فكرته ايه ويتعمل فين
وايه هو حساس الtps

اقتباس:

---

المشاركة الأصلية كتبت بواسطة agmgranturismo2006

الفتيس الاوتوماتك المقاس بتاعه فيه علامتين واحدة لو بتقيس على البارد و التانية لو بتقيس و العربية سخنة لازم تتاكد من المقاس الصح و كمان انت قلت انه كان مظبوط على ال p المفروض ما كنتش زودت لان الرغاوى اللى بتقول عليها معناها ان فيه شوية زيت زيادة جرب قيس و العربية باردة على علامة البارد عشان تطمن دورت ع النت لقيت العربية ديه بتاخد 6.3 كوارتر امريكى حولتها طلعت حوالى 6 لتر زيت بس مش متاكد من الرقم ده يمكن الفتايس عندهم اكبر لو حد عنده نفس العربية اكيد هايفيدك

---

شكرا يا باشا على المعلومات

بس برضو عايز اتاكد من كمية زيت الفتيس من حد معاه كريستالة اوتوماتيك 1300

اقتباس:

---

الفتيس بياخد 5 كيلو زيت

---

متأكد يا باشا ؟ والكمية دي بتغيير الفلتر ولا من دون ؟

اقتباس:

---

المشاركة الأصلية كتبت بواسطة haitham10

الله يكون في عونك فعلا وصله رخمة جدا .. انا من فاقوس اساسا فحافظ الطريق دة

---

و الله لم اعشق بلد مثل الشرقية وخصوصا ريفها الساحر
ولم اكره طرق وادارة بلديات مثل طرق وادارة الشرقية
هذه المحافظة مظلومة والحق على اهلها اولاً

اقتباس:

---

بالنسبة للصراخ انا جبت عربيه برضه وبحس نفس الموضوع فيها او بحس بتأخير في الاستجابة لدرجة اني برفع رجلي من كتر منا مش مستني وبخليها تسحب بنص دوسة مش اكتر او بكيك داون لاني بحس تاثيرهم صوت اكتر من زيادة سحب

---

لا انا حصلت معايا مرات قليلة ولم تكرر بعد تزويد زيت الفتيس
مش عارف هو السبب ولا ايه
والعربية سحبها ممتاز بصراحة

هو مفيش حد عايز يكمل الحوار معايا ولا ايه ؟
طيب
احكيلكم اللي حصل من يومين
طلعت بالعربية كوبري قناة السويس وما ادراك ما كوبري قناة السويس ومدى ارتفاعة وصعوده الحاد تقريبا لمسافة حوالي 2 كيلو

http://www.portsaid-online.com/panor...l_20-fs_tn.jpg

وكان معي في العربية ثلاثة واحد منهم دخلناه العربية بالعافية وزنه حوالي 120 كجم
بدأت طلوع الكوبري على الوضع D بسرعة 110 كم وفضلت العربية تطلع تطلع تطلع ورجلي ثابته على دواسة البنزين والسرعة تضعف تضعف لغاية السرعة ما وصلت 80 ك/س في اول ثلث مطلع الكوبري
واذ فجاة اسمع صوت الموتور يعلى ولكن هذه المرة حسيت بصوت الموتوركصوت قوة وليس صراخ وقفز الاربي ام الى 4.5 وقفزت سرعة السيارة من 80 الى 100 ك/س وظلت على هذه السرعة ولم احرك رجلي على دواسة البنزين حتى وصلت الى قمة الكوبري لقيت الصوت هدي والاربي ام رجع ل 3 والسرعة كما هي 100 وبدأت السرعة في الزيادة حتى ثبتت على 120 وفي نزول منحدر الكوبري رفعت رجلي عن دواسة البنزين لان السرعة وصلت ل 140 ك/س

السؤال
هو كده تمام
وهل العربية بتدي نفسها العزم اوتوماتيك
وهل تزويد زيت الفتيس عمل الفارق ده كله ؟
ارجوكم طمنوني اصل انا خايف من قصة عيب الفتيس اللي الاخوة قالوا عليها في الاول

زيت الفيتيس لكل اليابانى ال1300 4ك زيت إسو أو موبيل بالفلتر

اقتباس:

---

المشاركة الأصلية كتبت بواسطة agmgranturismo2006

عيب فتيييييييييس و ما تصلحش ارمى و هات استيراد نصيحة لوجه الله
و الله اعلم

---

+11111111111111111111