دبي بتتقدم بينا

**misoalex** · 12-03-2010 03:02 AM

المشاركة الأصلية كتبت بواسطة mohamedezat

امبارح كنت باتفرج على مراحل انشاء المدينه على قناه ناشينوال جيو جرافك
حاجه فعلا عظيمه جدا
والموضوع ببساطه ان الامارات عموما دخلها معتمد على البترول والمفروض انه على عام 2016 ممكن مايكونش فى اى موارد للدخل
فالناس دى بتفكر وقالوا نستفيد من الدخل الرهيب الحالى فى جعل الامارات اكبر دوله سياحيه فى العالم
فكانت الفكره بناء مدينه تشكل قارات العالم كله بحيث انك تشوفها من بعيد تحس انك شايف الكره الارضيه
انا مش متذكر الارقام اللى كانوا بيتكلموا فيها بس هى مئات المليارات والجميل انها مش معتمده على الخراسانت واى مواد بناء
لا دى معموله من الرمال والصخور حتى لا تفقد واقعيتها
وهما بداءوا فيها من سنه 2004 والمفروض ان المشروع ده هايتسلم فى 2016

امبارح كانوا انتهوا من صب الارضيه ل3 قارات ولسه الباقى والمفروض بعد الانتهاء منها
هايقيموا بناء مساكن عليها شوفوا بقا هاتكلف كام

بصراحه الناس دى عجبتنى جدا جدا جدا فى نظرتهم للمستقبل

انا شفت الحلقه بتاعه الجزيره الى عامله زى النخله من سنه وزعلت على حالنا بجد

**salahlanser** · 12-03-2010 03:17 AM

عماااااااااار يا مصر
دة احنا اللى عندنا مش عارفين نحافظ عليه
انا مرة انا وواحد صاحبى من زمان كنا عاوزين ندخل المتحف المصرى الامن قالى ممنوع حاجة تكسف والله دة غير ان فى اماكن مش بتتفتح لمصريين اساسا
انت ممكن تلاقى تابوت فيه انبوبة مليانه ويقولك دى ولاعه السيجار بتاع رمسيس التانى ههههههههههههههههههههههههه ههههههههههههه

**newman** · 12-03-2010 03:35 AM

فى ناس معاها فلوس وبتحاول تعمر بلدها
وفى ناس تانية معاها فلوس وبتحاول ازاى تسرق بلدها

**Abdo_Eldesokey** · 12-03-2010 06:25 AM

أنا بردوا شفت البرنامج ده ومرحتش الكلية بسببه ، كنت قاعد فاتح بقي قدامه

ناس مش بتهزر ، وأكتر شيء عجبني المهندسين الي نفذوا المشروع .. عالم ميعرفوش المستحيل

الراجل قال استخدموا رمل وصخر قالوا عادي .. قال كاسر الأمواج ميبقاش عالي قالوا عادي ، مستوى المياه قل بين الجزر ، حلوها وكل حاجة زي الفل ، ولا بتوع بولندا الي عايزين الجزيرة بتاعتهم تبقى خضراء ، ده مشروع تاني لوحده

يا ترى ينفع نبقى زي الناس دي في يوم من الأيام ؟؟