ممتاز ممتاز ممتاز وسعيد ان اكون اول الي يردوا عليك
ايه الحلاوه دي ياحماده
بجد تقرير حلو جدا
رقم العضوية : 8928
تاريخ التسجيل : 14Apr2008
المشاركات : 1,571
النوع : ذكر
الاقامة : Haram
السيارة: None
السيارة[2]: Chevrolet Optra 08
الحالة :
بسم الله الرحمن الرحيم
في البدايه أحب أن أشكر منتدي نايل موتورز و أصدقائي في منتدي هيونداي علي وجه الخصوص لمساعدتهم لي في أمور كثيره عن السياره هيونداي فيرنا
ملحوظه: (اقتبست طريقة عرض التقييم من أحمد كار و نايل استورم)
التقييم
التقييم هيشمل السياره هيونداي فيرنا 1500 سي سي هاف أوبشن مانيوال بعد 60000 كم و استخدام من 2006 للآن
المحرك
الموتور: هو محرك الأكسنت القديمه ذو الكامه الواحده 1500 سي سي
العزم:132 نيوتن/متر عند الوصول ل5500 RPM
القدره الحصانيه:92 حصان
السرعه القصوي:200 كم/س بسهوله (في الكتالوج 180 كم/س)
تقييمي: المحرك ممتاز علي السرعات المتوسطه و البطيئه ده غير إن صوته بحس إنه أوطي من ال1600 إن العربيه بتحس إنها مغريه جداً للجري و استجابتها بتبقي ممتازه من اقل دوسة بنزين
بس بلاحظ إن العربيه سحبها بيبقي أبطأ علي السرعات العاليه مع الفيرنا ال1600 بس يُعزي ذلك إلي فارق العزم بين المحركين
صوت الموتور هادي بس بيظهر مع الRPM العالي و السرعات العاليه و ذلك لإنعدام العزل بين الموتور و كابينة الركاب
ناقل الحركهو اعتقد إن ده كافي لإنها سيارة مدينه مش مخصصه حتي للسفر أو السرعات العاليه
ناقل الحركه سلس جداً و الإحساس بالغيارات يكاد يكون منعدم و لم اركب في حياتي سياره ذات ناقل حركه سلس بهذه الطريقه
ودي من الحاجات اللي باسطاني من العربيه الحمد لله
التعليقالمميزات: العفشه مريحه و مش هتحس بالمطبات جامد و بتستحمل
العفشة ممتازه و متوسطة النشوفيه و لو أجزاء غي ممهده في الطريق هيبقي الإحساس بيها هيبقي متوسط
و في رأيي من أحسن العفشات اللي أنا ركبتها قبل كده
متوسطه و لا هي ناشفه و لا هي طريه
بس اعتقد إنها لو كانت ناشفه شويه كانت هتزود الثبات في السياره بوجه عام
العيوب:جاء ذلك علي حساب الثبات في المنحنيات و علي السرعات العاليه
- الشكمان بيحك في معظم المطبات و لو قعد 2 أو 3 ورا العربيه بتحك في المطبات
الباور
الباور متوسط النعوميه و ساعات بحس إنه تقيل بس اقدر اقول عليه كويس
من6-10/7
الفرامل
مش متناسبه مع الموتور ال1500 و اقدر اقول إنها تحت ال100 كويسه لكن علي السرعات مابتببقاش حلوه خالص
الثبات
ثبات السياره حتي 120 كويس لكن بعد كده الثبات بيبقي وحش و خطر عليك و علي السياره
الراحه و الوسع الداخليمقاعد السياره بحس إنها متعبه إلي حد ما خصوصاً في السفر أو الفترات الطويله
العربيه متوسطه إلي ضيقه من الداخل ( في رأيي ماينفعش يركب فيها أكتر من 4 بالسائق- و يكونوا رفييعين إلي متوسطين الحجم)
كرسي السائق بحس إنه كويس جداً و الرؤيه من عليه نقدر نقول عليها كويسه
الأبعادالكاسيت (كان جي مع العربيه كاسيت بايونير شرايط و غيرته بـ سي دي)
الأبعاد ممتازه و العربيه سهلة الركن جداً و مابتحتجش كتير عشان تتعود علي إبعادها
الكبوت فيه خطين بارزين بيبينولك آخره فين و الزجاج الخلفي برضه كبير إلي حدٍ ما و بتبقي الرؤيه ممتازه منه
المرايات الجانبيه ممتازين و حجمهم ممتاز و بتبقي الرؤيه فيهم ممتازه
الشنطه
ممتازه ووسعها كويس جداً و تقدر تحط فيها اللي أنت عايزه
التكييف
التكييف ممتاز جداً و أحسن من فئات أعلي كمان بكتير و بيبرد بسرعه
بيأثر علي السحب بس تأثير بسيط
(جبت بالتكييف 185 كم/س قبل كده)
مساحات التخزين
في البابين الأماميين و صندوق القفازات الأمامي و مكان الساعه الفاضي :)
استهلاك البنزين
9 لتر لكل 100 كم بدون تكييف داخل المدينه
علي طرق السفر ماحسبتلهاش الحقيقه
المشاكل التي واجهتني
- رجرجه علي السرعات و تم حلها بالترصيص
-صوت تكه مع الطلوع و تم تغيير قاعدة الفتيس في الضمان
-غيرت بلي عجل عند 50000 كم تقريباً
-غيرت سوستة الشكمان مره و عايزه تتغير تاني
-صوت تزييق داخل الصالون و ده اعزيته إني لما جيت ركبت السنتر و الإنذار الإبواب اتفكت و ماتركبتش تاني كويس (هو الصوت بقي يروح و يرجع لوحده فبقيت اتجاهله)
-ساعات بشم رائحة عادم خفيف داخل الصالون لو قافل الزجاج و ده راجع إن تقفيل الأبواب من عند ناحية السائق مش تمام بس الموضوع نادر الحدوث و مابيضايقنيش قوي
الأشياء التي قمت بتغييرها
السماعات (سماعات جولدي رديئة الصوت و قمت بتغييرها)
الإطارات (كان جي مع العربيه إطارات لاسا تركي سيئه و غيرتها بكومهو كوري)
غيرت تيل 3 مرات
غيرت فلاتر (بنزين-هواء) ثلاث مرات تقريباً
غيرت بوجيهات مرتين
غيرت سيور لسه من اسبوعين (دينامو و تكييف و باور و كاتينه) + بليه سير كاتينه
وش طرمبة بنزين (وش بلاستيك كده ب20 جنيه كان فيه عيب و كان حصل فيه تسريب)
تقييم أخير و كلمه أخيره
العربيه في المجمل كويسه و علي قد فلوسها....بس عيوب التفيل البسيطه دي ممكن تضايقك شويه
بس أنا الحمد لله راضي تماماً عن السياره.... العربيه مريحاني و مش قارفاني..و الأداء ما اختلفش خالص من ساعة ما جبتها
كان نفسي تبقي معايا ال1600 الفول اوبشن...بس ماكنتش موجوده و أنا بشتري ... بس أرجع و أقول الحمد لله
نصيحه أوعي تشتريها هاف أوبشن...هتندم...فقر الكماليات هيزهقك من العربيه
بص... لو ناوي علي الفيرنا...روح بص علي اللوجان ....و الساجا ...و جربهم التلاته و اختار و اللي ترتاحله و يعجبك فيهم هاته...و ماتسمعش كلام حد .... و ماتحكمش علي العربيه بالسمع و خلاص... لا جرب و أسأل حد ثقه... و قبل كل ده ماتنساش تستخير ربنا
حاولت أغطي العربيه من كل الجوانب علي قد ما اقدر ..... و تفاديت إني اقارنها بسياره أخري
و يارب تكونوا استمتعتوا بالتقييم و يكون اضفلكم و لو 1% لمعلوماتك
و أنا جاهز لأي استفسار
تقبلوا تحياتي ,,,,
رقم العضوية : 3233
تاريخ التسجيل : 16Nov2007
المشاركات : 4,415
النوع : ذكر
الاقامة : El Haram
السيارة: FSO Polonez 1990
السيارة[2]: Hyundai Verna 2008 LS
الحالة :
ممتاز ممتاز ممتاز وسعيد ان اكون اول الي يردوا عليك
ايه الحلاوه دي ياحماده
بجد تقرير حلو جدا
رقم العضوية : 8928
تاريخ التسجيل : 14Apr2008
المشاركات : 1,571
النوع : ذكر
الاقامة : Haram
السيارة: None
السيارة[2]: Chevrolet Optra 08
الحالة :
رقم العضوية : 51635
تاريخ التسجيل : 31Oct2009
المشاركات : 1,932
النوع : ذكر
الاقامة : Egypt-Cairo
السيارة: NoThInG yEt
السيارة[2]: فيرناتيتي 2oo8
دراجة بخارية: Honda CBR 900
الحالة :
التزييق اللي في الصالون ده كان عندي يا معلم في الفيرنا هات سبراي wd 40 ورش على مفصلات الابواب ولسان الباب الحتة اللى بتخلي الباب لما يقفل يمسك في العربية مش عارف هتفهمني ولا لا عند الكالون كدة والحتة اللى بتمسك فيها رش كدة على ال 4 ابواب وكل باب ترش علي المفصلات بتاعته افتحه واقفله كذا مرة في نفس الوقت بس الصوت هيروح
لا تجادل الاحمق فقد يخطئ الناس في التفرق بينكما
رقم العضوية : 9218
تاريخ التسجيل : 19Apr2008
المشاركات : 509
النوع : ذكر
الاقامة : el ma7alla
السيارة: jeep cherokee
السيارة[2]: verna 2007 silver
دراجة بخارية: نفسى
الحالة :
تقييم ممتاز يا باشا
و فعلا العربيه دى جميله اوى
انا معايا ال 1600 هاف اوبشن برضه
و فعلا اكتر غلطه غلطها انى مجبتش الفول اوبشن
انا العربيه عامله 180 الف كيلو لحد النهارده و الحمد لله زى الفل
وربنا يباركلك ف عربيتك و يديك خيرها و يكفيك شرها
IF YOU WANNA BE A REAL.....COME WITH ME AND MAKE ADEAL
peter emad
رقم العضوية : 50176
تاريخ التسجيل : 17Oct2009
المشاركات : 126
النوع : ذكر
الاقامة : cairo
السيارة: هو طمع ولا ايه؟!!
السيارة[2]: verna 2010
دراجة بخارية: no
الحالة :
السلام عليكم
بجد التقييم ممتاز يا حمادة انا بحب العربيه دى جدا وكل يوم بيزيد حبى ليا لانها بجد عربيه ممتازة وناعمه جدا وبحس انها بتفهم صاحبها
فعلا يا جماعه محدش يجيب الهاف فقيرة من ناحيه الكماليات بس كعربيه ممتازة جدا
وشكرا على التقييم المفيد والرائع
رقم العضوية : 51492
تاريخ التسجيل : 29Oct2009
المشاركات : 1,317
النوع : ذكر
الاقامة : Giza
السيارة: Hyundai Getz 2005
السيارة[2]: Renault Optima 97
دراجة بخارية: N/A
الحالة :
تقييم اكتر من رائع ، وربنا يباركلك فيها.
فكر من جديدقال تعالى : ( قُلْ هَلْ نُنَبّئُكُم بِالأخْسَرِينَ أَعْمَالاً * الّذِينَ ضَلّ سَعْيُهُمْ فِي الْحَيَاةِ الدّنْيَا وَهُمْ يَحْسَبُونَ أَنّهُمْ يُحْسِنُونَ صُنْعاً )
رقم العضوية : 28833
تاريخ التسجيل : 30Dec2008
المشاركات : 1,410
النوع : ذكر
الاقامة : Cairo
السيارة: Mitsubishi Pajero 2010
السيارة[2]: Hyundai Verna 2009
دراجة بخارية: Keine
الحالة :
تقييم ممتــــــــــــــــــاز كنت في انتظاره
رقم العضوية : 46648
تاريخ التسجيل : 09Sep2009
المشاركات : 190
النوع : ذكر
الاقامة : cairo
السيارة: soon
السيارة[2]: soon
الحالة :
رقم العضوية : 28819
تاريخ التسجيل : 30Dec2008
المشاركات : 379
النوع : ذكر
الاقامة : 6 أكتوبر- أسوان
السيارة: هى واحده كفاية اوووى
السيارة[2]: هيونداي فيرنا فيفا
دراجة بخارية: no
الحالة :
تقيم أكثر من رائع
وربنا يكرمك ويديك من خيرها
كلمتان خفيفتان على اللسان ثقيلتان في الميزان
سبحان الله وبحمده سبحان الله العظيم
م/ أحمد عبد العزيز
إن من هندسة الحياة أن تبنى جسراً من الأمل فوق نهرٍمن اليأس
المفضلات