مطاردات عربى ..ام الاجنبى
اسمحولى اجولكم قبل اى كلام كده
سلاموا عيكوا
فاكرين لما قولتلكم من شهر وشويه تقريبا عن الواد بتاع الموتوسيكل الصينى الى قطع عليه الاشاره فى المخالف
و فديته بأنى لفيت العربيه 180 درجه وبفضل ربنا لما الهمنى التصرف السليم
كان حوار كده عامل ذى اللى بنشوفه فى الافلام الاجنبى .... القصد
انهارده برضه حصل حاجه تانيه
واقف قدام الk.m ودى كافيتريا كبيره اوى مشهوره جدا فى شارع مجمع الكليات كنت رايح اجيب والدى كان قاعد مع الكابتن محمود صاحب الكافيتريا
ولا بيه ولا عليه القى فيرنا طايره صاروخ جايه قدامى فى شارع مليان بالطلبه و سألوا سحس يقولكم الشارع ده بيبقى عامل ازاى الساعه 3 العصر
و ضرب المرايا بتعتى كسرهالى 100حته و الازاز طار فى الصالون كله و فى وشى و عملى خربوشه كبيره شويه فى دراعى
عده بالظبط 3 ثوانى كنت خدت نفاسى و فقت من الصدمه بتاعت الصوت والازاز اللى طار فى كل حته
و لقتنى راجع بضهر العربيه باقصى سرعه عندى ولفيت الديركسيون و فرامل فى اول كان وش العربيه اطوح 180درجه (ريفرسايه)و لفيت و عينكم ماتشوف الا نور مطاردات زى بتاعت الافلام و الله لحد اما زنقت عليه و فرامل اليد و زنقته فى الرصيف
فجأه لقتنى جايبه من جوه العربيه و طبعا زعيق على شويه خناق فشويه شتيمه صغنتتين
انا قلتيله لو كنت وقفت واعتذرت كنت سيبتك
لكن لما تجرينى وراك المشوار ده كله و المطارادات اللى عملناها يبقى تدفع ادباّ ليك
و اتصلت بواحد صحبى سألته على المرايا قالى دى ب190 تيوانى
السعر ده سليم و لو حد يعرف السعر كام يقولى عشان انا معايا نمرت اللى خبطنى ده
لو كانت بأرخص من كده هتصل بيه ورجعه الباقى ولو ازيد انا هتحمل الباقى