السلام عليكم
انا سمعت ان اللون الاسود بيزيد من السخونة الداخلية للسيارة والالوان الفاتحة بتقلل من السخونة , هل الكلام دة صحيح ولا لاء ؟
السلام عليكم
انا سمعت ان اللون الاسود بيزيد من السخونة الداخلية للسيارة والالوان الفاتحة بتقلل من السخونة , هل الكلام دة صحيح ولا لاء ؟
ايوه فعلا ودا فى كل العربيات طبعا مش السيراتو بس
لان الالوان الغامقه بتمتص الحراره وطبعا اكثرهم اللون الاسود
أكيد .. اللون الأسود والألوان الداكنه عامة تمتص الحرارة.
لذلك أيضا نجد الملابس الشتوية داكنة والصيفية فاتحة. وأيضا عساكر المرور لبسهم اسود فى الشتاء وأبيض فى الصيف
شكرا علي المشاركة و الرد
كنت عايز استفسر هل التكييف هياخد وقت كتير في تسقيع العربية بعكس الالوان الفاتحة
هو هاياخد وقت اكتر من الفواتح فى التبريد بس مش لدرجة انه يقعد كتير
كاليفورنيا تتجة لمنع السيارات الداكنة لتقليل الإنبعاث الكربوني 2012
http://www.washingtonpost.com/wp-dyn/......./article/2009/03/26/AR2009032603316.html[/url]
لأن السيارات الداكنة تستهلك طاقة ووقود أكثر لتبريدها بالمكيف
ده غير مشكلة النظافة على رأى آحد الأعضاء لازم تشيل البواب في الشنطة
أصحاب الشياكة السوداء
http://www.nilemotors.net/Nile/80248-a.html
المشكلة ان الاسود في النيو سيراتو مع الشكمان الكروووم و الجنط ال 17 تحففففففة بجد
اخى العزيز واخويا حسام باشا الدرى
اللون الاسود شيك جداا على اى عربية وشيك جدا جدا , بس الواحد بيبص للنظرة العملية وخصوصا فى مصر وفى القاهرة , وشوارعها , اللون الاسود زى ما الاخوة الاعضاء المحترمين قالو لحضرتك انه صعب مع جو مصر خصوصا ان جو مصر فى الصيف بقا صعب جدا , وكمان ربنا يبعدنا عن سواقين الميكروباصات والناس الاذى اللى فى الشوارع بيجرحوا السيارات فهيبان فيه اى خرابيش , ده غير ان فعلا حتحتاج كل شوية الى نظافة باستمرار عشان التراب بردوا, وبعدين اقراء اللينك اللى بعتهولك العضو المحترم hsultan واقراء المشاركات اللى فيه مش حتلاقى حد بيناصف اللون الاسود , ولكن الناس اختاروه فى الاستطلاع وكان نتيجته اكبرمن ناحية الشكل والشياكة بتاعت اللون فقط وليس الناحية العملية ,
لان فى فرق لما اختار لون من ناحية الشكل واقول اه ده شكله حلو عليها وفى فرق لما اختاره من الناحية العملية
تقبل تحياتى
اخوك احمد مصطفى
اللون الأسود عموما بيمتص درجة الحرارة و بيخلي الصاج مولع نار, و تبقي لسة غاسلها و تلاقي بيلم تراب و بيبان في اقل اقل خربوش حتي لو مش طالع من البويا!