انا ضيف من منتدى تانى .......... ممكن سؤال ؟

السلام عليكم و رحمه الله و بركاتة
اخوانى الافاضل
انا ضيف عندكم من جروب الاوبل
انا معايا فكترا 96 شكل قديم 2000 سى سى اتوماتيك
المهم علشان انا من الصعيد فانا اتظبطت اخر حاجة
لان الميكانيكية هنا فى الصعيد ممكن يكونوا بالكتير كفتجية او منجدين
المهم قابلت واحد زميلى كان معاه بى ام 316 موديل 1993
و سالته انت بعت العربية لية ؟ قالى كنت مزنوق فى فلوس
المهم قعدت اقرر فية و اعرف منة البى ام 316 بكل حاجة عنها
قالى هى عربية تحفة فنية و فى مرة كان طالع على الطريق نفخ واحد بعربية اكتافيا a5 و كان ماشى 210 كم و العربية زى الفل
طب التكيف يا عم الحاج ........... قالى تلاجة
طب عزم الموتور .............. قالى خرافى رغم انة 1600
طب الثبات .................... قالى ملزوقة فى الارض من كتر الثبات
طب اسعار قطع الغيار ............. قالى ملاية الدنيا فى الحرافيين و الفانوس استيراد ب 230 جنية
المهم قفلها فى وشى و كل ما اسال على حاجة يقولى كلام زى الورد
يعنى من الاخر مفيهاش عيب
سؤالى بقة
انا معايا 60 او لغاية 65 الف و عايز اشترى بى ام 316 " اتوماتيك دة لازم "
اية رايكم دى تجيب اية
اهم مميزات الالعربية ال 316
و اهم عيوبها
هل فعلا تيل الفرامل ب 500 جنية
و شكرنين يا رجالة

انا لو مكانك هجيب فيكترا الشكل الجديد 2002 مثلا لأن الصراحة شايفها أفضل من الفئة التالتة اللي بتتكلم عنها و كمواصفات الفيكترا احسن في حاجات يكفي انها أحدث بفارق عشر سنين وفيها ABS وموتور ايكوتيك

http://www.bestcars.com.ua/images/ca...71c3d3c08e.jpg


لكن لو بتتكلم في فئة خامسة 93 مثلا فا الكلام هيبقي حاجة تانية خالص مع العلم ان رينج سعرها 70 ومفيش مقارنة بينها وبين التالتة

http://www.zeckhausen.com/images/Car...E34/E34_M5.jpg


بخصوص الفئة التالتة فا معنديش معلومات كتير عنها ممكن تستني الناس تفيدك بخصوصها وأظن ان صاحبك بيبالغ شويتين ، لكن اللي اقدر اقولهولك انها مش واسعة من جوا و معظم اللي بيركبها شباب فا نادر جدا انك تلاقي واحدة مش متبهدلة ، ولا شك انها عربية حلوة


وأظن ان 65 ممكن تجيب بيهم BMW E36 وهتبقي اعلي في الموديل طبعا من اللي بتتكلم فيها

http://www.bmwinfo.com/pictures/00864.jpg

سوري انا كنت بحسب موديل 93 دي اللي هي e30 لكن طلعت هي e36 اللي بقولك عليها أخر واحدة

ويبقي الكلام عن الفيكترا و e34 زي ما هو

اللي اعرفه من مشاركات الناس هنا في قسم البي ام ان الموديل ده موتوره بياكل كامات وفيه مشاكل تم تلافيها في موديلات 94 فيما فوق ( الموتور الأسود )

السلام عليكم ورحمة الله وبركاته
العربية ماشاء الله زي الفل وكل اللى صاحبك قالك عليه تماااااااااااااام
بس عيبها الوحيد انه الكنبة الخلفية ضيقة نسبيا ولكن مش بطريقة تخنق
وانا ارشحلك موديل فوق 94 ودي تقريبا بتعمل لحد 70000 لو العربية متصانة اما عن تيل الفرامل الاصلي بــــــــ300 جنيه وانا لس شاريه قريب من التوفيقية....

65 الف تجيبلك دبانة بس الموتور القديم قبل 95 و هو كويس بس بيقولوا بياكل الكامات بس علي اي حال العربية حالة و يمكن تلاقي منها من 92 الي 94 حالته كويسة

اما الموديلات الاعلي من 95 الي 97 فهي اغلي طبعا و من اول 70 الي 90 الف جنيه حسب الحالة و اغلاهم موديلات 96 و 97 عشان التكييف التاتش و اير باج و abs
علي اي حال ربنا يوفقك و تلاقي واحدة حلوة في حدود المبلغ اللي معاك و اكيد البي ام احلي مليون مرة من اي عربية تانية حتي لو احدث و اسال مجرب

و ربنا يوفقك

اقتباس:

---

المشاركة الأصلية كتبت بواسطة mantoros

و اكيد البي ام احلي مليون مرة من اي عربية تانية حتي لو احدث و اسال مجرب

---

طبعا البى أم دبليو لا تقارن بأية عربية تانية جديدة غير بى أم دبليو أو مرسيدس و ممكن الأودى غير كده لأ. بالرغم من ان الأوبل ألمانى و لا غبار عليها لا وجه للمقارنة على الأطلاق. بالنسبة للسعر فمن واقع تجربة و بحث مش محدد, إذا كان 70000 فحضرتك ممكن تتكلم فى 1994 لكن هيكون مش صعب لكن محدود 1995, و نصيحة أخيرة, متشتريش من سوق السيارات اية حاجة على الأطلاق لا بى ام دبليو و لا حتى 128. لأن تقريبا 85% من السوق تجار. دور على الأنترنت و المواقع.

ربنا يوفقك يا باشا

البى ام رهيبه طبعا

اقتباس:

---

المشاركة الأصلية كتبت بواسطة TheBuccaneer

طبعا البى أم دبليو لا تقارن بأية عربية تانية جديدة غير بى أم دبليو أو مرسيدس و ممكن الأودى غير كده لأ. بالرغم من ان الأوبل ألمانى و لا غبار عليها لا وجه للمقارنة على الأطلاق. بالنسبة للسعر فمن واقع تجربة و بحث مش محدد, إذا كان 70000 فحضرتك ممكن تتكلم فى 1994 لكن هيكون مش صعب لكن محدود 1995, و نصيحة أخيرة, متشتريش من سوق السيارات اية حاجة على الأطلاق لا بى ام دبليو و لا حتى 128. لأن تقريبا 85% من السوق تجار. دور على الأنترنت و المواقع.

ربنا يوفقك يا باشا

---

و الله مبسوط انه لسة في ناس بتفهم في البي ام و اسعاره مش حرق الدم اللي بشوفه هنا من اسعار غريبة و ناس تقولك موديل 96 او 97 ب70 الي 75 الف ؟!!!!!!
دي لو خردة تبقي بالسعر ده
السيارات المحترمة اغلي بكتييير و كفاية ثقافة التجار دي اللي بوظت علينا ثقافتنا في السيارات؟!!!:44:
التاجر بيديك اسعار في الارض و قابلني لو جابلك واحدة بجد.......و حتي لو جاب بتكون نصفين او ملعوب في اساسياتها او محتاجة موتور او مصاريف مستخبية خرافية.....و اشرب بقي يا سيدي...:khd:

اللي عاوز يبيع او يشتري يبعد عن الناس و ارائها و اراء التجار و يروح يدور علي عربيات البيوت المتصانة اللي يركبها بأمان و يدعي لصاحبها بالبركة.

و ربنا يهدي و يكرم الجميع

اقتباس:

---

المشاركة الأصلية كتبت بواسطة TheBuccaneer

طبعا البى أم دبليو لا تقارن بأية عربية تانية جديدة غير بى أم دبليو أو مرسيدس و ممكن الأودى غير كده لأ. بالرغم من ان الأوبل ألمانى و لا غبار عليها لا وجه للمقارنة على الأطلاق. بالنسبة للسعر فمن واقع تجربة و بحث مش محدد, إذا كان 70000 فحضرتك ممكن تتكلم فى 1994 لكن هيكون مش صعب لكن محدود 1995, و نصيحة أخيرة, متشتريش من سوق السيارات اية حاجة على الأطلاق لا بى ام دبليو و لا حتى 128. لأن تقريبا 85% من السوق تجار. دور على الأنترنت و المواقع.

ربنا يوفقك يا باشا

---

علي فكرة انا كنت بقولة علي الفيكترا في مقابل الe30 وليس الe36

لأن في الحالة دي انا شخصيا افضل الفيكترا

اقتباس:

---

بيقولوا بياكل الكامات بس علي اي حال العربية حالة و يمكن تلاقي منها من 92 الي 94 حالته كويسة

---

++++11111111