الزمالك بقى فله و شمعه منوره

**aliabutaleb** · 12-03-2010 07:24 AM

المشاركة الأصلية كتبت بواسطة human12

انا لو الزمالك ماخدش الدورى موش مدايق - انا فرحان بالكوره الجميله اللى الزمالك بيقدمها

شوفتوا شيكابالا و هوه بيرقص على الكوره - ديه موش قرننه و لا استخفاف بالمنافس - ده لعيب فرحان بالكوره اللى بتتلعب و مبسوط من الجو اللى هوه فيه

انا كمان مش هاتضايق
كفاية إن الفرقة بتلعب كويس

بس بالنسبة لشيكابالا، أنا مبحبهوش من أنانيته ونفسي مُنى عيني يروح الأهلي
عشان يبقى عندهم شيكابالا وجمال حمزة

وربنا يوفقهم

بالمناسبة انا معجبتنيش حركة شيكا دي
فيها استهزار بالمنافس
فرحة إيه يا طارق وهو فرقته كاسبة جون واحد ومضغوطة وكل هجمات الإنتاج خطيرة ومعرض لضياع المباراة وهو عمال يطمع ومبيباصيش لحد؟

**mahmoud_magdy** · 12-03-2010 08:03 AM

واضح ان في استقرار
ونفسية كل لاعب اتحسنت اوي
فاكرين لما شيكابالا كان بيعيط ومعاه حازم امام في الموسم الاول
يــــــــــــــــــــــاه منظر مؤلم اوي
وحسام برده شعلة نشاط وقام بالفريق
انا مبسوط انهم عدو مرحله صعبه من عدم الاستقرار
يارب ميجيش حد يهد اللي بيتبني ده

**MohaMed_Refaat** · 12-03-2010 08:18 AM

المشاركة الأصلية كتبت بواسطة romeo_6887

بصراحه انا مبسوط من مستوي الزمالك
بجد حاجه تفرح

المشاركة الأصلية كتبت بواسطة DR.almaghraby

يا رب الزمالك يفضل كدا علي طول

المشاركة الأصلية كتبت بواسطة human12

انا فاكر المواضيع اللى كانت بتناقش سقوط

الموضوع ده عشان انا زملكاوى فرحان بفريقى اللى كان حارق دمى اللى بقى ماشاء الله فله و شمعه منوره

و بجد مبسوط جدا من اللى عامله الاخوان حسن مع الزمالك
الزمالك مافهوش اى حد خبره ولا تقيل غير عبد الواحد السيد والباقى كله صغيرين و شباب جدا

عاش يا زملكاوية
دايما الى الامام يا زمالك

**samoevil911** · 12-03-2010 08:27 AM

بص مبدأين انا اهلاوي بس بحب الزمالك .. اصل انا واحد من الناس زهقت من البطولات الأهلى بيلعب لواحده الدوري مش عارف 5مرات والا 4 ورا بعض على كام شزبر ورا بعض على 3 بطولات افريقية في 4 سنين .. وكام سوبر افريقي دتنا مليت من البطولات .
بس فعلا الزمال بقي حاجة تانية بس المهم ليه .. يعني اصلا ايه اللي خلى حسام حسن ينجح ؟
1- اللعيبة بتحبوا .. كل مصر بتحب حسام حسن لأن حسام حسن معلش مش فز الكرة المصرية في التدريب وكان فيه قبليه ناس احسن منه في التدريب ومنجحوش .. بس المهم اللعيبة بتحب مين ؟ اللعيبة لما عرفوا ان حسام حسن هيدربهم اكيد شفت التصريحات والفرح فعمل دفعه معنوية قوية للعيبة بعد مكانوا افتقدوا الروح وحسين ان فيه فجوة بينهم وبين المدربين دا غير الفجوة اللي مع الأدارة خصوصا بسبب المستحقات .
2- حسام حسن لما مسك الفريق اول ممسك اولا مدرب مش كبيرسننا ولسه سايب الملاعب دا غير انه ابن بلد .. لما جه مسك اللعيبة كان فاهم كل واحد دماغة ماشية أزاي وعطيكل واحد حقه في المعاملة .. خصوصا المعوجين .. يعني اول مجه اعتقد قال اللي عايز يمشي يمشي احنا مش هنمسك في حد .. والمغرور والمعوج بيعرف يعدله لأن حسام اصلا محترف في التعامل هو انا عايزاقول لفظ بس زي(صايع بحر كدا :d) فاللعيبة عملاله هيبه وبيحترموه
3- ترتب على النقطة اللي فاتت انه بدأ يركز على الناشئين والصغار سننا .. وبيبعد اللعيبة عن المشاكل وهو نفسه بيتفادى المشاكل مع اللعيبة عشان ميعملشتوتر ويحقق الأستقرار اللي غايب عن النادي من زمان . واحد زي ميدو عايز يمشي مخدش مستحقاته , ممسكش فيه , قالوا اتفضل براحتك ..

كل دا خلى حسام حسن يعرف يحفز اللعيبة ويطلع من كل لعيب اللي جواه .. وساعد حسام حسن التوفيق بردوا و مستوى الأهلى المتذبذب لأن اللعيبة اولا في ماتش الأهلى اتعادلوا ودا كان في اول مشوار العميد فلو كانوا خسروا كان ممكن دت يأثر عليهم . دا غير ان الأهم ان الأهلى خصر نقاط في الدور التاني فاللعيبة بدأوا يشوفوا ان الفرق بيقل وان في امل ..
طبعا كل دا غير حسن توظيف اللعيب في الملعب وبيخلى كل لعيب يطلع اللي جوا .. فعلا بيعرف يستفر اللعيبة . واحد زي حسين ياسر قاعد على الدكة بقالوا سنة ونص أول مأخدوا لعبوا واستغل نقطة ان يخليه يثبت للأهلى انه خسروا وظلموا لما قعدوا على الدكة .. فلقينا حسين ياسر بياكل النجيلة في ماتش الطلائع بالذات

وغير انه بيتعامل مع اللعيبة على اساس انهم اخواته او ولاده ..وبنشوف دا في الملعب .. واقف طول الماتش قلقان عليهم وبيدي التعليمات بنفسه وبينفعل مع كل كورة كأنه هو اللي بيلعبها .. دا غير انه في التقسيمات بتاعت التمرين بيلعب معاهم . بعد كل جون تلاقي اللعيبة بتحضنوا ..

دا غير ثقة الجماهير الكبيرة اوي فيه وادت لثقة اللعيبة في نفسها .
فعلا الزمالك بتطور ورغم اني شايف ان صعب الزمالك ياخد الدوري دا .. بس الدوري الجي هيبقي حاجة تانية والله اعلم .

والدوريهيرجع الأهلى والزمالك قمة خصوصا السنين القادمة بعد عملية الأحلال والتجديد في الأهلى .. فهيبقى عندنا فريقين شباب وخبرة ان شاء الله .. والمهم دا هبفيد احلا وتجديد المنتخب ان شاء الله

**mahmoud_magdy** · 12-03-2010 08:58 AM

المشاركة الأصلية كتبت بواسطة samoevil911

بص مبدأين انا اهلاوي بس بحب الزمالك .. اصل انا واحد من الناس زهقت من البطولات الأهلى بيلعب لواحده الدوري مش عارف 5مرات والا 4 ورا بعض على كام شزبر ورا بعض على 3 بطولات افريقية في 4 سنين .. وكام سوبر افريقي دتنا مليت من البطولات .
بس فعلا الزمال بقي حاجة تانية بس المهم ليه .. يعني اصلا ايه اللي خلى حسام حسن ينجح ؟
1- اللعيبة بتحبوا .. كل مصر بتحب حسام حسن لأن حسام حسن معلش مش فز الكرة المصرية في التدريب وكان فيه قبليه ناس احسن منه في التدريب ومنجحوش .. بس المهم اللعيبة بتحب مين ؟ اللعيبة لما عرفوا ان حسام حسن هيدربهم اكيد شفت التصريحات والفرح فعمل دفعه معنوية قوية للعيبة بعد مكانوا افتقدوا الروح وحسين ان فيه فجوة بينهم وبين المدربين دا غير الفجوة اللي مع الأدارة خصوصا بسبب المستحقات .
2- حسام حسن لما مسك الفريق اول ممسك اولا مدرب مش كبيرسننا ولسه سايب الملاعب دا غير انه ابن بلد .. لما جه مسك اللعيبة كان فاهم كل واحد دماغة ماشية أزاي وعطيكل واحد حقه في المعاملة .. خصوصا المعوجين .. يعني اول مجه اعتقد قال اللي عايز يمشي يمشي احنا مش هنمسك في حد .. والمغرور والمعوج بيعرف يعدله لأن حسام اصلا محترف في التعامل هو انا عايزاقول لفظ بس زي(صايع بحر كدا :d) فاللعيبة عملاله هيبه وبيحترموه
3- ترتب على النقطة اللي فاتت انه بدأ يركز على الناشئين والصغار سننا .. وبيبعد اللعيبة عن المشاكل وهو نفسه بيتفادى المشاكل مع اللعيبة عشان ميعملشتوتر ويحقق الأستقرار اللي غايب عن النادي من زمان . واحد زي ميدو عايز يمشي مخدش مستحقاته , ممسكش فيه , قالوا اتفضل براحتك ..

كل دا خلى حسام حسن يعرف يحفز اللعيبة ويطلع من كل لعيب اللي جواه .. وساعد حسام حسن التوفيق بردوا و مستوى الأهلى المتذبذب لأن اللعيبة اولا في ماتش الأهلى اتعادلوا ودا كان في اول مشوار العميد فلو كانوا خسروا كان ممكن دت يأثر عليهم . دا غير ان الأهم ان الأهلى خصر نقاط في الدور التاني فاللعيبة بدأوا يشوفوا ان الفرق بيقل وان في امل ..
طبعا كل دا غير حسن توظيف اللعيب في الملعب وبيخلى كل لعيب يطلع اللي جوا .. فعلا بيعرف يستفر اللعيبة . واحد زي حسين ياسر قاعد على الدكة بقالوا سنة ونص أول مأخدوا لعبوا واستغل نقطة ان يخليه يثبت للأهلى انه خسروا وظلموا لما قعدوا على الدكة .. فلقينا حسين ياسر بياكل النجيلة في ماتش الطلائع بالذات

وغير انه بيتعامل مع اللعيبة على اساس انهم اخواته او ولاده ..وبنشوف دا في الملعب .. واقف طول الماتش قلقان عليهم وبيدي التعليمات بنفسه وبينفعل مع كل كورة كأنه هو اللي بيلعبها .. دا غير انه في التقسيمات بتاعت التمرين بيلعب معاهم . بعد كل جون تلاقي اللعيبة بتحضنوا ..

دا غير ثقة الجماهير الكبيرة اوي فيه وادت لثقة اللعيبة في نفسها .
فعلا الزمالك بتطور ورغم اني شايف ان صعب الزمالك ياخد الدوري دا .. بس الدوري الجي هيبقي حاجة تانية والله اعلم .

والدوريهيرجع الأهلى والزمالك قمة خصوصا السنين القادمة بعد عملية الأحلال والتجديد في الأهلى .. فهيبقى عندنا فريقين شباب وخبرة ان شاء الله .. والمهم دا هبفيد احلا وتجديد المنتخب ان شاء الله

كلام جميل

مش مهم الدوري السنه دي مش مهم خالص
النقله اللي اتنقلها الزمالك في الفتره القصيره دي تحسب ليهم كلهم ودا يطغى على الدور والكاس نفسه
دا فريق كان بيموت وهيدفن خلاص والحياه اعيدت فيه من جديد
وخليهم يفرحوا بقى بقالهم سنين مطحونين هزايم

**aliabutaleb** · 12-03-2010 09:20 AM

المشاركة الأصلية كتبت بواسطة terrible_darsh

يعنى الحكم على حسام حسن هيكون فى التالق الافريقي مش المحلى ..

هي أفريقيا فيها كورة يا درش :)
هي منتخبات قوية فقط ولكن مسابقات الدوري ضعيفة جداً وبالتالي بطولات الأبطال بتكون ضعيفة وفي كتير من الأحيان بتذهب لفرق الشمال المتخرجة من دوريات قوية مقارنة بالآخرين.

**aliabutaleb** · 12-03-2010 09:25 AM

المشاركة الأصلية كتبت بواسطة musiccairo

يارب ميجيش حد يهد اللي بيتبني ده

جاي جاي
مفيهاش كلام
ومش عاوزين نقول أكتر من كدة أحسن يفتح ملفاتنا وسيديهاتنا اللي عنده

**zaza_lanos** · 12-03-2010 09:50 AM

الزمالك راجع بقوة ومش عايزين ناس منفسنة

**Terrible_DaRsH** · 12-03-2010 01:31 PM

المشاركة الأصلية كتبت بواسطة أبو حمزة

هي أفريقيا فيها كورة يا درش :)
هي منتخبات قوية فقط ولكن مسابقات الدوري ضعيفة جداً وبالتالي بطولات الأبطال بتكون ضعيفة وفي كتير من الأحيان بتذهب لفرق الشمال المتخرجة من دوريات قوية مقارنة بالآخرين.

طيب همتكم يا باشا علشان تاخدوا لقب بطل افريقيا :)

بصراحة بعيد عن كرة القدم , نادى الزمالك لا يعلم معنى احترام اللاعبين نهائي و لا عمرى شفت ادارة محترمة فى نادى الزمالك مقارنة بالنادى الاهلى ..

و هتشوفوا يا جماعة جمال حمزة هيبقي عامل ازاى فى الاهلى , اللاعبين لما بيتعاملوا باحتراف و احترام بيظهروا اقصي ما عندهم و بيظهروا انتماء غير عادى .

لكن اللى الزمالك عمله مع " ابو العلا " و " جمال حمزة " يدل على ان لا يوجد احترام لاحد فى النادى ده ..

و ان شاء الله اعتزال جمال حمزة هيكون فى الاهلى و هيفتخر انه لعب فى يوم من الايام للنادى ده زى طارق السعيد كده ..

قمة عدم الاحترام لما الاقى واحد زملكاوى بيقول " اشربوا جمال حمزة بقي " !! هو جمال حمزة لو كان لعب سنتين فى الزمالك و لا سنة عقبال ما يشوف عقد كويس كان هيخسر النادى حاجة و خصوصا انه لاعيب كويس و ابن النادى ..

و الله انا كنت بكره اللاعب ده " كخصم " و كان بيجيب اجوال كتيرة فى الاهلى , بس لما الزمالك رماه الرمية السوداء دى و ابراهيم يقول احنا مش عاوزينه و ييجى الاهلى . ده موقف يسعدنى لانه هيعرف الفرق بين الاهلى و الزمالك كويس ..

**Abo_Lina** · 12-03-2010 04:09 PM

إشربوا جمال حمزة بقى ..
بص هو الموضوع مالوش دعوة بالاحترام ..الزمالك كان عاوز يجدد لجمال و هو كان عاوز يحترف ..إحترف و فشل و رجع ..حاول يرجع الزمالك تاني لكن الوضع ماكانش سهل لأن الزمالك كان رتب أموره من غيره خلاص ..
إحتراف عادي يعني ..و أنا عن نفسي مستني أشوفه هايعمل إيه ..لاعب جيد و لكن شيئ غريب إن لاعب بالموهبة دي و إنجازاته أو حتى مشاركاته مع المنتخب صفر ..