اعمل الصيانه بعد كام كيلو العربيه اسبرانزاm11وافضل مركز صيانه يكون المعامله كويسه العربيه عامله900كيلو ممكن اروح اعمل صيانه ولكم جزيل الشكر
عرض للطباعة
اعمل الصيانه بعد كام كيلو العربيه اسبرانزاm11وافضل مركز صيانه يكون المعامله كويسه العربيه عامله900كيلو ممكن اروح اعمل صيانه ولكم جزيل الشكر
الصيانة قبل معادها غير مؤذي بالمرة ....علي العكس ..في ناس بتعمل الصيانة الاولي"صيانة الالف لتغيير الزيت" علشان يقرصوا علي العربية وهما مستريحيين....
هتكلفك 5 لتر زيت ب300 جنيه + فلتر ب 30 جنيه و المصنعية مجانا ....
ده رأي ناس كتير ......
انا بقي بس ده انا مش حد تاني.....
شايف اني امشي اطول فترة ممكنة بزيت النخزين علشان لو في تطبيع او ترييح في الموتور وهايطلع رايش ,ياخد راحته علشان لما اغير الزيت يقعد نضيف اطول فترة ممكنة ....
انا كمان بعد معديت الالف قرصت مرة واحدة بالتدريج علي الصحراوي"جبت rpm5000 بس كنت عامل 1350 كيلو و كنت هاعمل الصيانة تاني يوم" علشان نفس الاسباب المزكورة....
انا بعمل الصيانة في ابو غالي اللي في طمان باي و شايفهم منظمين و شغلهم كويس غير اني بكون شايف العربية و ده شئ يهمني .....
لو هتعمل في ابو غالي لازم تحجز حتي لو قبلها بيوم و الحجز شغال علي تليفون 19570 حتي يوم الجمعة"حجز فقط"
اتمني اكون نفعتك
السلام عليكم
شكرا ياهيما فى حاجه مديقانى بسمع صوت تزيق مع المطب ورا ياترى عندك نفس المشكله ممكن تكون من الزجاج الخلفى ولا انت شايف ايه بصراحه العربيه الحمد لله مفيش اى مشكله غير التزيق هما ممكن يحلوها هناك ولا ظروفهم ايه وفيه فرغات عند الكبوت من قدام دى موجوده عندك انت عارف التقفيل المصرى ممكن يزبطو الفرغات دى وشكرا على الرد الجميل مشكوررررررررررررررررررررر ر
تزييق زي باب عيادة الدكاترة ولا صوصوه خفيفة ؟؟؟؟؟
علي العموم ..انزل افتح الشنطة ..هز العربية هزتين حلوين...لو طلعن الصوت اللي بتقول عليه يبقي عفشتها عايزا تتربط و دة الطبيعي لان المسامير بتكون مربوطة علي ربط المصنع و بتريح مع شوارعنا الرائعة.... هما في ال1000 بيربطو كل العفشة
الفراغات دي بقي كنت مش عارف ايه نظامها ... بس لقيت ان لما حد بيريح بتخلي الاكصدام يتحرك من غير ما يضغط علي الفانوس علشان مايكسروش....علي فكرة مش باينة زي مانت فاكر خالص....هما تحت الفانوسين الامامي بس...و مايتشافوش من اي زاوية
اهوه انا لسة مريح وانا بركن علي سلم مدخل العمارة .... سلم رخام خربش الاكصدام بس برضة الحمد لله ولا فانوس طق ولا اكصدام وقع ولا حاجة ....
شوية خرابيش لزوم العين ...يطلعو بشوية كمبوند و قطنة بس برضه مش هاعملهم
ربنا يحفظهاللك ياهيما ربنا يستر من العين والله النهارده كانت نازل التوفيقيه بجيب شويه حجات كل واحد يطلع من الزجاج ايه العربيه عامله معاك ايه --شويه واحد هوه ومراته بيبص على العربيه لدرجه انه ضرب تلكس وقالى دقيقه من فضلك خير العربيه كويسه التكيف السحب كله تمام ان شاء الله شويه طلع واحد راكب تاكسى وبردوه معاه مراته العربيه تمام قولتله تمام اصل عاوز اجيب واحده واشغلها تاكسى قولتله مش عارف موضوع التاكسى بص ياعم هيما ربنا يسترها علينا من العين كفايه الاكصدام مكسور وحالته تصعب على الكافر داخل لجوه بس هسيبه شويه---معلش بالنسبه العربيه عدة 1000كيلو عادى ولالازم اعمل الصيانه فى معادها يعنى ممكن اعمل صيانه على2000كيلو انت رئيك ايه
مامعنى rpm5000 معلش انا طولت عليك ياهيما بصراحه انت احسن واحد قنعتنى بالعربيه دى وربنا يحفظهالك من كل عين
باشا بالنسبة لمركز طومان باى
تنصحنى اتعامل مع اى مهندس هناك وهما احسن والا فرع الصيانة اللى فى طريق مصر اسماعيلية
مش هايحصل حاجة ان شاء الله بس خليك بين البينين ...يعني انا عملتها علي 1300-1400 كدة كدة بعدها تقدر تقرص براحتك :)
rpm ده اختصار لجملة"عدد لفات الموتور في الدقيقة" و دة مؤشر بيقيس الاجهاد اللي علي الموتور..لأن الموتور بيبقي ليه حد اقصي ماينفعش تفضل قارص عليه علي الفاضي ... بس برضة ماينفعش عمرك ما تقرص عليه ... لازم مابين كل فتره و التانية تقرص علشان تفتح الموتور و يكون فايق و يستجيب بالسرعة المطلوبة " ده في اي عربية "
مفيش واحد بعينه ... انا حتي مش حافظ اساميهم ... و بصراحة متعاملتش مع مركز تاني لاني شايف دول كويسيين ... لو حد شايف حاجة تاني ياريت يفيدنا ... :)