صدق او لا تصدق ف ال verna 1600 تقفيل مصري

**thatha** · 04-01-2008 04:54 PM

يا جماعة لولا اني ال حصل ده حصلي و شوفتوا بعيني ماكونتش صدقت .انا كنت بقول ان التقفيل المصري عادي لكن بعد الي شوفتوا اخير حاجة انشا الله حجيبها تقفيل مصري.انا اشترت فيرنا 1600 2008 من كم اسيوع وليسة مكميلتش 1000 كم ونا رايح شغلي وف عباس العقاد في عز الزحمة . القي دخان طالع من فتحات التكيف. طبعا كلكم ممكن تتخيلو الخضة .مصدقتش عنيا بصيت على موشر الحرارة كلة تمام. اترعبت ونزلت بلطفاية بصيت لقيت مافيش حاجة ف الموتور .بصيت علي المياة. ملقيتششششششششششش ولا نقطة ف الردياتير!!!!!!!!!!!!خدو بالكو العربية زيرو وليسة مافيش 1000 كم . حطيت مياة وانا مذهول و قررت ارجع البيت.وانا راجع جمب بيتي طاعت تاني دخان.لما ركنتها وركزت اكتشفت انه مش دخان. ده بخار مياة. رحت سالت كهربائي . قالي في حاجة في دورة المياة و اكيد في خرطوم ضارب و بيسرب مياه و المياة بتنزل علي حاجة سخنة و بتبخر وتطلع من التكيف. طبعا كلكم تتخيلوا حالتي و العربية 0 .يعني اجيبها زيرو و بردو اتبهدل كده!!!!. طبعا بعد حرق الدم المعتاد. علي بال ما عرفت اكلم مهندس في التوكيل. قالولي هتها. وطبعا تتخيلوا ازاي رحت بيها و كل شويا اركن على جنب احط مياة لما تدخن ولا راكب عربية من ايام سنة 1800 .ولما وصلت كولوا كان مذهول عربية داخلة و طالع مينها دخان!!!الراجل قالي ايه البيولع ده!!! قلت له عربيتكو!! الي مكميلتش 1000 كم!!! قالي روح وتعالي على 6 عشان حتاخد وقت و حنفك التبلوه. رحت و سلموهالي امبارح و لقيتهم وطولي الدبرياج كمان مش عارف ايه علاقته ده و ربنا يستر.... با

**mohamed el hussien** · 04-01-2008 05:06 PM

الحمد للة انها اتتعملت
ويا رب تكون اتعملت كويس
وعادي بقي نصيبك يا باشا
وهو دة عيب التقفيل المصري

**Ahmed Anwer** · 04-01-2008 05:26 PM

لا حول و لا قوة إلا بالله ،،

اكيد في طريقة يعملوا مراجعة علي العربية قبل ما يسلموها مش كل واحد يطلعله مشكلة شكل

الحمد لله جت بسيطة ،

عموما في ميكانيكي كويس شغال في غبور ،، و حافظ الفيرنا ،، في الحرفيين

هوا عموما مش بيعمل أي حاجة في العربية مادام في الضمان ،، بس بيكتشفلك اي حاجة فيها

عرفني عليه م / كريم منير ،،

لو عايز ابعتلي علي الخاص

**cpt_shawky** · 04-01-2008 05:36 PM

كلامك متناقض مش فاهم حاجة انت هتجيب ولا مش هتجيب ولا جبت!!!

**thatha** · 04-01-2008 05:41 PM

يا سيدي جبت وان كان ليا عمر مش حجيب حاجة تقفيل مصري تاني

**Nile_Storm** · 04-01-2008 05:48 PM

ربنا يسترها عليك و عليا
هستلم قريب :(

**thatha** · 04-01-2008 05:50 PM

انشا اللة خير العربية حلوة بس هيا حركات التقفيل المصري .شغل من غير ضمير .الله يسمحهم

**Nile_Storm** · 04-01-2008 06:36 PM

ربنا يطمنك
بما انك لسه جايبها ممكن تقولي تقييمك الاولي بعد الالف من حيث احسن مزاياها و عيوبها غير التأفيل

**thatha** · 04-01-2008 06:41 PM

بس التقيم العام هيا كويسة و بتسحب حلو قوي و باين ان موتورها محترم. لغاية دلوقتي العربيه حلوة وكل الي لاحظتو من عيوب كان تقفيل

**معتز** · 04-01-2008 06:51 PM

عيوب التقفيل المصرى:

- انت وحظك
- القطع المصنعة فى مصر منفاوته الجودة (راجع بند 1)
- تجميع الاجزاء يتم بمهارات مختلفة للعماله (راجع بند1 )
- سياسة وزع السيارة ولو فى حاجة الضمان موجود والسيارة ترجع على الصيانة المهم نسلم الناس الحاجزين (راجع بند 1)
- ثمن العربيات رخيص ..انتو عايزين تركبوا مرسيديس المانى بملاليم.....دى اصلها ارزاق وكمان راجع بند 1