الاستاذ سبعاوى المحترم
انت حارمنا ليه من معلوماتك القيمه ؟
كنت عايز اعرف تقييمك لصيانه الالف فى النيسان صنى وايه اخر انطباعاتك عنها
انت عودتنا انك تدينا معلومات مفيده جدا
فى انتظار ردك ان شاء الله
الاستاذ سبعاوى المحترم
انت حارمنا ليه من معلوماتك القيمه ؟
كنت عايز اعرف تقييمك لصيانه الالف فى النيسان صنى وايه اخر انطباعاتك عنها
انت عودتنا انك تدينا معلومات مفيده جدا
فى انتظار ردك ان شاء الله
هممم
الحمد لله رب العالمين ، انا مش عارف دى ميزة وللا عيب بس يظهر ان النيسان ستحول سبعاوى الى سواق ديريكسيون (يعنى كل علاقته بالعربية هى كرسى القيادة ومش بيتدخل فى الميكانيكا خالص)
العربية الحمد لله مش مزعلانى فى أى حاجة، الملحوظة الوحيدة عليها ان عفشتها ناشفة شوية وده مقابل طبيعى للثبات على الأرض،
بالنسبة لصيانة الالف فالموضوع كان لطيف جدا
انا عملت صيانة الألف فى مودرن موتورز الموجود فى الهايك ستيب ، اتبعت نصيحة كل الناس ورحت بدرى (الساعة 8)
خدت رقم 9 فى الدور، هم بيبتدوا فى التاسعة صباعا
الساعة 9:10 دقيقة صباحا ندهوا عليا، الموطف قابلنى بشكل كويس جدا، وملا بيانات استمارة الصيانة، سألنى إذا كان فيه أيه ملحوظات، قلتلة بس انا عايز العربية تتربط
دخلت العربيه حوالى الساعة 10 وخرجت 10:45 ، الموظف نادى على وادانى تصريح خروج العربية، وغسلولى العربية مجانا
لما خرجت بالعربية حسيت فعلا بفرق اداءها لما اتربطت،
بس الملحوظة الوحيدة عليهم إن ارضية العربية اتوسخت حاجة بسيطة وكذلك إيد الفتيس(بس انا حاطط كسوة لايد الفتيس علشان كدة غسلتها وخلاص) وكذلك نضفت الأرضية بالفوم
قالولى غيار الزيت على 5000 كيلومتر
بس دا كل اللى حصل فى صيانة الألف كيلومتر
سبعاوى
ده كان احساسى برضه من الاول ان نيسان مش ممكن تطلع عربيه فيها عيوب والناس تشتريها بالعدد الكبير ده
السؤال الان ليه فيه ناس تشكك فى العربيه بالطريقه الغريبه دى ؟
انا من ملاك النيسان القديمه موديل 1999 وعامله معايا 180 الف كم ولسه كويسه وكنت بافكر اجيب الجديده بس لما لقيت عليها كلام كتير قلت استنى اشوف سبعاوى ملاحظاته عليها ايه لما يركب فتره طويله نسبيا وعموما ان مش ناوى اغير قبل ما اكمل المئويه الثانيه ( بس ما تكونش زى مئويه الاهلى النهارده 4 صفر )
ومتشكرين يا باشمهندس سبعاوى ويجعلوا عامر
الناس بتشكك لان الناس اتعودت من زمااااااان أوى ايام شركة النصر والهيئة العربية للتصنيع ان مصرى=وحشاقتباس:
السؤال الان ليه فيه ناس تشكك فى العربيه بالطريقه الغريبه دى ؟
مع ان الغريب جدا ان فيه منتجات تانية بقالها سنوات طويلة تقفيل مصرى وممتازة، يعنى مثلا خد عندك الغسالة إيديال اوتوماتيك المسئولة عن نظافة ملابس نصف الشعب المصرى، الناس بشتريها وهى مغمضة
وكذلك جميع منتجات توشيبا المجمعة محليا من تليفزيون وثلاجة وتكييف، الخ ، الناس بتشتريها وهى مغمضة
وحتى بالنسبة للسيارات، حكاية "تقفيل مصرى=وحش" دى تنطبق على شركات بعينها لكن ليس على المجموع ،ممكن فعلا تكون الظاهرة دى واضحة الى حد كبير فى معظم شركات القطاع العام التى عشش فيها البوم ،لكن يعنى مثلا مينفعش نجيب مستوى تقفيل عربية فلوريدا زى مستوى تقفيل عربية مرسيدس محلى
احنا من منتصف التسعينات عندنا مستوى تقفيل سيارات مقبول ومحترم، سواء فى مصانع غبور او ابو القتوح او جنرال موتورز مصر وبالطبع مرسيدس وبى إم دبليو، وانا شايف ان نيسان التى بدات فى حقبة لاحقة بمصنع تابع للشركة الام لم تبدأ بمستوى اقل من مستوى الشقيقات المصريات
وقدامنا اهو العربيات الدايو والإكسيل المجمعة محليا بتنحر بقالها اكثر من عشرة سنوات ومن قبلها السويفت اللى بقالها 15 سنة، وكلها بتتباع مستعملة بأسعار فلكية
يبقى ليه بأه عقدة الخواجة ، وليه ناخد الامور بشكل عام جدا (مصرى=وحش، مستورد =زى الفل) ومنحاولش نفتح عينينا ونشوف فين الكويس فى الحاجة المصرى ونستفيد بفروق الأسعار عن المستورد
الصراحه بعد ما احد الاقارب راح اشترى اوبل فيكترا 2007 ودفع فيها 155 الف بعد الفصال والمعارف وخلافه
وطبعا رحت عملت لها تست درايف على قدى وخرجت من الموضوع بنتيجه انك ممكن تدفع نصف ا الفلوس فى نيسان (86 الف) وتاخد 80 % من امكايات الاوبل !
يا راجل حرام عليك ايه جاب الصنى للفكترا
اعذروني علي السؤال ..لكن هي العربية بتحتاج تربيط عفشة كل 1000 كم؟؟؟
هو حسب الوضع الطبيعي لأ يعني المفروض كل 5 الاف مثلااقتباس:
اعذروني علي السؤال ..لكن هي العربية بتحتاج تربيط عفشة كل 1000 كم؟؟؟
اما بما اننا في مصر ولازم يبقى في تمييز طبعا عن باقي دول العالم متهيالي كل 500 ك كمان مش 1000ك بس
حسب عدد المطبات اللي انت بتقابلها كل يوم والحفر والمراجيح اللي بتسبق المطبات وخلافه :D :D :D :D
الاخ العزيز انا باتكلم عن فيكترا 2007 وصنى 2007 انا ركبت الاتنين وده راى عن تجربه انت ركبت العربيتن دول بالتحديد ؟؟اقتباس:
المشاركة الأصلية كتبت بواسطة mohaismail
يعنى لو ركبت الصنى ووفرت 70 الف جنيه مش حتحس بفرق يساوى هذا المبلغ ولا حتى نصفه روح اركب وجرب بنفسك قبل ما تحكم
وعلى العكس لو ركبت صنى وركبت اوكتافيا حتحس بفرق كبير فى الركوبه يساوى فرق الفلوس بين صنى 86 واوكتافيا 122
================
نرجوا من العضو الكريم عدم تحويل الكلام الى شخصنة
حيث أنه هناك فرق كبير بين العربيتين في الفئه ولا و جه للمقارنه
اما بخصوص رايك بهذا الموضوع فيحترم
ولكن لا تتهم الاخرين في شخصهم بسبب رايهم
وشكرا لتفهمك
الادارة
تعصب ايه بس هنا ف المنتدى مفيش تعصب ولا حاجة وبالنسبة للعربيتين انا معايا صنى 2007 وعامل بيها داوقتى 6000 كيلو اما الفكترا مركبتهاش بس بصراحة شكلها من بره وهم انا لما بشوقها بصراحة بقف مكانى واقول بسم الله ما شاء الله بس ممكن زى ما بتقول تكون القعدة جوه عادى وزى الصنى انا كان قصدى فقط على الشكل الخارجى بتاعها