السلام عليكم انا لسه امبارح شفت عربية استرا 2005 كاملة اتوماتيك عاملة 66 الف كيلو وكسور مطلوب فيه 55الف جنيه اتكلت على الله ورحت اشوفها حالتها من جوه كويسه مقبولة بفرش الفبريكة من بره فابريكة عدا الاكصدامين مرشوشين قبل كده وحلتهم دلوقتى محتجين يترشو تانى فى حته كمان فى اول الجريدا بتاعات الباب الى ورا يمن واقعة حته مربعة كده مفصولة من اول الجريدا المهم روحت بيها ورشة عندها كمبيوتر للفحص اسمه حماده منشا على فكرا ياجماعة انا من الاسكندرية واسمى محمد حلاوه المهم الباشا فحص الجيربوكس كان مركب عليه جهاز كده زى الافوميترويعدين فتح الكبوت شيك على وعمل فحص الكمييوتر والى ممتازفوق 80% طبعا كل ده كلام من بؤه كمان لفت انتباهى ان الستاره بتاعت الاكصدام الامامى انها معضعضا وده دليل على انها كانت مخبوطة بس قلى ديه ميعبش العربيه ديه تريحة اكصدام على اكصدام اهم حاجة صدر العربية والفخده زى الفل مفهومش حاجة ركبنا العرييه وطلعنا بيها العربيه سحبها كويس وصحبها كان لسه مغيرلها مقصين ورا, اه على فكرا لما كان فاتح الكبوت الكفر الى كان مكتوب عليه ايكوتك كان مكسور, والراجل الى كان جايبلى العربيه هو زميل اخوية وبيحلفى 100 يمين العربيه ديه من خظك لو اخدتها العربية لؤتا وتستاهل اكتر من كده وكان بيقولى ملهوش لازمة انك تضيع فلوسك فى الفحص مش محتاجة بصراحة انا كنت حاسس ان الفحص ده زى الضرب على الئفا واخد شويه كلام,المهم اتكلت علي الله ورحت لصاحب العربية عشان نتفق خلصت على 54 الف بلعافيه دفعت عربون الف والفروض استلمها الاتنين ان شاء الله عقبال ما اظبط المبلغ على يوم الاحد وهو قلى خليها الاتنين الصبح نتطلع على المرور عشان شهاده المخلفات ويسجلى الرخصة وعلى فكرة تاريخ فحصها شهر مايو الى جاى.
معلش انا طولت عليكو فارجو النصيحة وعلى فكرا ديه اول عربيه حركبها فى حياتى, ويريت يا جماعة الى عارف ميكانيكى محترم وامين متخصص فى اوبل فى الاسكندرية يقولى على مكانه عشان ان شاء الله اتابع معاه صيانة العربية.
المفضلات