هى المناقشة عن الاطباق والكوبايات الصينى والا إيه
عربيات صينى يا نهار إسود إحنا خلصنا كل النواع وفاضل العجل الصينى كمان
عرض للطباعة
هى المناقشة عن الاطباق والكوبايات الصينى والا إيه
عربيات صينى يا نهار إسود إحنا خلصنا كل النواع وفاضل العجل الصينى كمان
دا على اساس انه ميعرفش حاجة عن السيفك، على فكرة 2009 فيها Abs we زجاج كهربائى، اصلها تحت ايدى،
مصر فيها Quality control & Quality assurance but oriented by the quality level and the target market ,و متغيرات تانيه كتير هل من الممكن نقول اننا جامدين فحت والنبى بلاش كلام المساطب دا.
اسف جدا احنا كدا دخلنا فى مجال شغلى واللى حيتكلم ليقول كلام علمى و موثق يا بلاش عشان مشكلة المصريين انهم كلهم فاكرين نفسهم ( وهما اساسا ممكن يكونوا اول مرة يسمعوا الكلام دا) بيفهمموا وكلامهم كله كلام مساطب، دا بيزنس وياريت نفهم بعنى ايه بيزنس قبل منتكلم
والسلام ختام
و علي كده بقي الأخ ألماني ولا نرويجي؟؟؟؟؟
انا باهزر معاك :)))
انا مقتنع جزئيا بكلامك...فعلا المسألة كلها بيزنس و عشان تعمل عربية رخيصة لازم توفر و تستخدم خامات أرخص...كل الاختلاف بيني و بينك اني شايف ان الصيني و و الكوري واحد...الاتنين عربيات رخيصة...و الاتنين بيستخدموا خامات ارخص و قطع غيار عمرها اقصر...الفيرنا و اللانوس و السبيرانزا بسعر واحد تقريبا...و الاختيار بين الثلاثة يختلف من شخص للاخر حسب الاولويات...لانه اختيار بين 3 انواع منخفضة الجودة و السعر...انا مش معترض علي ان الصيني منخفض الجودة جدا بالنسبة للسيارات اليابانية و الاوروبية و اللي يقول غير كده يبقي بيكابر (انا باتكلم و معايا عربية صيني) لكن لو هانقارنه بالكوري مش حاسس بفرق كبير
ممكن اقولك مثل...
افترض عملنا مقياس لجودة الخامات و العمر الافتراضي للقطع الغيار
الالماني 90% (الكمال لله وحده) السعر 200,000
الياباني 80% السعر 150,000
الكوري40% السعر 70,000
الصيني 35% السعر 70,000
----------------
انا مش معايا غير 70,000 جنيه. انا ممكن اضحي بالفرق البسيط ده في الجودة (ده اذا كان موجود اصلا) لصالح كماليات اكثر...غيري ممكن يتغاضي عن فرق الجودة لصالح شكل خارجي اجمل...واحد تالت اهم حاجة عنده ياخد احسن جودة ب 70,000 جنيه...واحد رابع مش هايركب العربيات الزفت دي و هايستني لما يقدر يجيب ياباني او الماني
---------------
خلاصة الكلام...لما الصيني و الكوري يتخانقوا و كل واحد يقول انا الاحسن...طب الياباني و الالماني يعملوا ايه؟؟؟؟؟
علم ايه اللي بيقول كده وبعدين انا ايه اللي ها يضايقني احنا مش بنتخا نق علي ميراث خلييك معايا الكل بيقول اليا با ني والعراقه والجوده وسنين الخبره الكلام ده كويس وعلي العين والراس يبقي المفروض يتطبق علي الكوري لما تيجي تقارنه بل الماليزي طبعا انت المفروض انك عارف ان الكوري بقي له كام سنه احنا طبعا نعرفه من ايام الهيو نداي البوني اللي هي لحد الوقت شغاله تاكسي يعني من السبعينات طيب قولي بقي ما ليزيا بتصنع عربيات من امتي نقطه ومن اول السطر كوريا عندها كام شركه لتصنيع السيارات ماليزيا عندها كام شركه لتصنيع السيارت ها اسيبك انت تجا وب علي السؤ ال العلمي ده
مبدئيًا اقرا الرد بتاعي عليك إنت ووائل لما ذهلتوا لما قلت الماليزي أحسن من الكوري حتفهم ليه أحسن كعربية تشتريها ...
أما مالا جدال فيه إن هيونداي اللي هي رابع أكبر منتج في اسيا ... كشركة أكبر من بروتن ... كفاية إن هيونداي وكيا شركة واحدة ....
بس خدها مني كلمة بروتن كشركة أنا شايف إن ليها مستقبل كويس في خلال ال 10 سنين اللي جايين .... و رأيي الشخصي إن بروتن قدرت تنط نطة كويسة في ال 5 سنين اللي فاتوا هيونداي خدت 3 اضعف الوقت ده علشان توصل ل نفس النقطة ...بمعنى إنهم بيتقدموا أسرع من هيونداي ... وده مش علشان الكوريين اغبياء .... بس لإن هيونداي شركة يهمها مكسب وخسارة .... أما بروتن الدعم الحكومي فرق معاها جدا وخصوصا في أول 15 سنة.... الحكومة هناك زقتهم زقة محترمة كفاية إن كان بيبيعوها للناس هناك غصب واقتدار
بالمنطق بتاعك يبقى مش مفروض نتكلم على الصينى اصلا
فى حاجة اسمها دورة حياة المشروع اللى هى دورة حياة المنتج اللى هى زى دورة حياة الانسان
فى مرحلة فى الدورة دى اسمها مرحلة النضج، انك توصل لمستوى معين من الخبرة اللى تأهلك انك تنتج منتج محترم، لو طبقت الكلام دا حتفهم ازاى الماليزى ممكن يوصل ويتفوق على الكورى، لأنها مش مرنبطه بعدد سنين، يعنى ممكن تبتدى فى سنة 2005 وتوصل للمرحلة دى فى2007 مثلا، و مفيش حاجة اسمها انا سبقك ب 100 سنة لان اللى انت ممكن تتعلموا على مدار 100 سنة انا فى السنة 101 اكون على دراية بيه اكيد حاخد وقت على مافهم كل حاجة واكيد انى مش ححتاج 100 سنة عشان افهم، دا تطور العلم ياهوجن البدء من حيث انتهى الاخرين.
يارب تكون فهمت
والسلام ختام
نسيت حاجة مهمه اننا اصلا بنتكلم على الجودة ودى بتختلف من مصنع لاخر( ودى نقطة الاختلاف بين الماليزى و الكورى ومفيش حاجة مطلقة دايما هى حدود) ، كل واحد بيحدد شريحة سوقية معينة هى دى اللى هو عايز يخدمها لما باجى احدد الشريحة دى لازم احدد profile العميل دى حاجة محتاجة شرح مطول بس الخلاصة انى لازم احدد كل خائص العميل المرتقب، والدليل على كدا ان فى عربيات فشلت فى العالم كله ونجحت هنا فى مصر بس.
فى سؤال مهم ال سبارنزا دى بتتباع فى كام دولة فى العالم.
والسلام ختام
و الله انا شايف نسيب الموضوع للاخوه علام يكتبوا و يردوا على بعض و احنا نتفرج
و نغير اسم الموضوع و نسميه الاخوه علام :Ta_clap[1]:
بيتكلموا كلام كبير اوي محسسينني انهم يعني راكبين طيارات و مش عاجبهم ولا صيني ولا كوري
و يقولك الماليزي شغال و الياباني اقل من الاوروبي و دورة حياة الضفدع قصدي المنتج و الكلام بتاع الاقتصاد و بابا الاستاذ الدكتور قالي و عادلي
يا بيه انتا و هوا مش عاجبكم الصيني اوكي قلتم رأيكم و شكرا انما في ناس كتير عاجبها و بتشتريها على قد فلوسها و مقتنعه بيه
و على فكره انا معايا ياباني بس بفكر اشتري صيني و لما بلاقي صيني وحش بقول عليه وحش و لما بلاقي صيني كويس بقول عليه كويس
العجيب اني مش بشوف مشاركاتكم في منتدى الكوري ولا الماليزي خير ان شاء الله
اكيد مش فاضين
على العموم صفحات المنتدى معاكم
أنا باقول حاجة تانية ....لوعارف ترد الحجة بالحجة كنت نطقت .... إنما للاسف ولا مرة رديت رقم برقم تاني ولا علم بعلم تاني...إنت مش قلت مش حترد , يبقى خليك زي ماإنت كده ساكت ... فلتقل خيرا أو لتصمت ...........
ويا ريت تبيع الياباني وتشتري الصيني ...علشان ساعتها نشوف مدى سعادتك ... بدل ماإنت قاعد تحكي في جمال الصيني , وتلبس الناس .. ياريت تلبس حضرتك الأول وبعدين تلبس الناس ... تبقى مقبولة ....
أما ليه مش بشارك في منتدى تاني ...فـبس حضرتك مش متابع .... وكلامي واحد على فكرة في كل حتة ...
وصدقني طالما بدأت تتكلم في إنت وبهاء وبابا والكلام الظريف ده فـده معناه إنك مش عارف ترد بايه , وعامةً شكرا إنك حتسيب الصفحة لينا ....و صدقني ده أحسن برده, على الاقل مش حتلبس حد تاني .
خلاص يا جدعان حصل خير....مش كده يا جماعة
دي مجرد دردشة ...
صدقني طول ما إنت بتتكلم كلام بره الموضوع وبتهاجم فيَّ شخصيا ...ده مش بيضايقني ...ده معناه إنك معندكش كلام ترد بيه لا أكثر ولا اقل ....
ولما ربنا حيرزق حشتري عربية أنا مش مستعجل ... ومش عيب إن ربنا مش موسع رزقي إني أجيب عربية زي حضرتك ...
وفعلا مش لازم كل الناس تفهم في العربيات , طالما إن في ناس بتفهم فيها وعندهم استعداد يقولوا النصيحة لوجه الله , مهما كان رد الناس اللي مش عاجبها النصيحة .... لأني مش مستني حاجة من حد ,كفاية رضا ربنا وإن ضميري يبقى مستريح , إن شاء الله ربنا يرزقني بحد يقولي نصيحة لوجه الله لما أكون محتاجها .
وشكرا
عندى احساس انها بقت عاركة فى خمارة
مبدئيا المنتدى دا مش بتاع حد عشان يحدد مين يتكلم ويقول ايه ومين يسكت، النقطة التانية انى دا شغلى راجل زاى معاه ماجستير فى التمويل لو مكلمش بعلم تبقى كارثة، ولكن انا بحاول اطبق حديث الرسول (ص) اخاطب الناس على قدر عقولهم ،بس لحد معين لانى مؤمن ان القدرات بتتفاوت وامكانية الاستيعاب بتختلف من شخص لشخص، وعلى العموم دا يشرفنى ان المنتدى يبقى اسموا منتدى علام على الاقل دا حيجبرنى انى اوصل للناس علم صح، مش انصب عليهم.
فى نقطة مهمه جدا: الهجوم الشخصى دليل على ضعف المهاجم وانا بالى طوييييييييييييييييييل جدا، لان طيبعى وانا بعلم الطلبة اللى قدامى يبقى فى واحد قدراته الاستعابية على قدة ، مش بايده ربنا خلقة كدا، وخلقنى علشان اعلمه.
والسلام ختام
شوف يا عم وائل،
اولا انا سعيد جدا انك اقتنعت بجزء من كلامى.
ثانيا كل عميل بيختلف فى احتياجاته وتفضيلاته، ودى حاجة محدش يقدر ينكرها، والظروف المحيطة ليها تاثير كبير.
فى مثال صغير يوضح الحكاية دى، انا ليا واحد قريبى مقيم فى الاقاليم وكان معاه 35000 عايز بشترى عربية، لما سالنى على كذا عربية، منها الدوجان، انا مقتنع انه فى الاقاليم دى عربية مناسبة جدا ليه الصيانة وقطع الغيار متوافره هناك، ونصحتوا انه يشتريها بالرغم ان بال 35000 دول كان ممكن اجيبله حاجة المانى او فرنساوى احدث فى الموديل بس مش حيعرف يصنها هناك.
خلاصة الكلام ان دى وجهات نظر، وكل واحد معاه عربية ربنا يباركله فيها ويكفيه شرها و شر عيون الناس، بس فى نفس الوقت مش شرط انها تكون افضل عربية صنعتها البشرية، كل حاجة فيها درجات، ولازم نقتنع بكدا
والسلام ختام
لو الالماني جودته 90 في المية امال البريطاني تبقى جودته ايه؟؟ 130 في المية؟؟؟ و على كده بقى يبقى الايطالي جودته 200% !!!
خصوصاً ان المانيا عندها عربيات رخيصة و جودتها متوسطة زي اوبل و bmw
اما اليباني 80؟؟ بجد لا تعليق!! اني الاقي شركة واحدة راقية ليهم ملاقيش... مفيش غير نيسان اللي هي هيه كده بتحاول تعمل حاجة و تقريباً مستواها و مواتيرها بقوة البي ام كده و ليكزاس اللي اخدت قبل كده جايزة اقل عيوب صناعة
والله يا اخ ايهاب انا تعبت من الكتا به لاني مش فاضي لكن حبي للسيارات هو اللي مخليني اواصل الحوار معاكم اظن انك رديت بنفسك ان الماليزي ادامهمستقبل خلال العشر سنين اللي جايين وبعدين علي اي اساس حكمت ان بروتون بتتقدم لسرع من هيو نداي علشان الكام موديل التعبا نين اللي بنزلو مصر وانت رديت في السطر الخير ان بروتون سياره للا ستخدام المحلي
الظاهر والله اعلم انك مقريتش ان دا مثال افتراضى
معلومات مهمة:
ليكزس هى تويوتا فى امريكا
نيسان هى انفنيتى
هواند حضرتك نسيتها خالص ودى من افضل السيارات اليابانى
مين قال ان ال bmw جودتها متوسطة على اساس انها مش المنافس الشرش امام مرسيدس.
وبعدين مفيش حاجة مطلقة
هوندا اقوى عربية عندها هي s2000 و مش قد المقام
بي ام دابليو متجيش حاجة جنب مرسيدس اساساً مش عارف انتم بتقارنوهم ازاي بعدين بي ام دابليو لو كانت شركة جامدة فين السوبر كار بتاعتها؟؟؟
مرسيدس شركة مش جامدة اوي زي منتم فاكرين و فخرها الوحيد هي العربية اللي عملتها مع شركة ماكلرن البريطانية
بص بقى البريطاني:
Caterham
Westfield
Radical
Ariel
Noble
MG
TVR
Lotushttp://images.intellitxt.com/ast/adT...lass_10x10.gif
Morgan
Lister
Marcos
McLaren
Williams
Jordan
Triple 8
Lola
Prodrive
Ultima
Ford GT40
Bristol
ultima
Jaguar
Bentley
Rolls Royce
Aston Martin
Delfino
Ascari
Tiger Racing
اما الايطالي مش محتاج ارصلك المركات كفاية ان اقوى 10 عربيات في العالم فيها 4 عربيات ايطاليا و هي طبعاً بكده تبقى محتلة الصدارة
اخي krim مبدئيًا ارجوك تحمل سخافتي ... بس ده مش المكان المناسب علشان نناقش مين في اوروبا أحسن ... احنا ممكن نفتح موضوع مستقل وهبعتلك اللينك بتاعه ...مش علشان حاجة واللهِ غير إن احنا مانتوهش الناس اللي جاية تبص على الجدال اللي في الصيني .... فـاعذرني !!!
بس في ايجاز كده :
1-بريطانيا خلاص بقت مبتعملش غير 5 ولا 6 عربيات من اللي إنت كاتبهم , و الباقي يا فلس يا خلاص اتباع لطوب الأرض , جاجوار لتاتا الهندية , mini و Rolls Royce و Bentley ل BMW و mclaren ل mercedes و lotus ل proton .....
ما بقاش غير aston martin ودي اشترت نفسها من فورد ..... نوبل و caterham و ariel و ascari شركة صغيرة , نسيت TVR بقت روسي ....
أما ايطاليا : فـغير فراري و zonda ما بقاش في شركات ايطالي , لامبورجيني بقت تبع audi اللي هي تبع فولكس , اللي هي شريكة بورش.....maserati تبع فيراري
...
مرسيدس يا سيدي دي شركة بتقود التكنولوجيا في العالم كله وكل الناس بتتعلم منها .... zonda مثلا بتاخد مواتير من mercedes AMG .
... خلاصة القول إن مش لازم الشركة تبقى بتعمل supercar علشان تبقى قوية , أكبر 5 شركات في العالم GM وفولكس وتويوتا ومرسيدس و BMW.....
أما BMW فـكانت بتعمل ال Z8 وحتعمل BMW Nazca M12
مرسيدس يا سيدي بتعمل .... SLS وبتعمل Mercedes-Benz SLR McLaren
AUDI يا سيدي تحت اديها lamborgini وبتعمل ال R8
volks تحت اديها pourche وbugatti و مالكة لاغب اسهم AUDI
شفت الدنيا لفة إزّي .
ده من ناحية العربيات ...من الناحية الاقتصادية ... أنا مش خبير في الحاجات دي بس الشركة ال 5 اللي فاتوا دول الكبار ....ومن ناحية الاختراعات ... فـال جملة الشهيرة اللي بتتقال إنك لو عايز تعرف عربيتك شكلها ايه بعد 10 سنين بص على المرسيدس S-class
والسلام ختام
اخي العزيز : hugan
احنا بندردش كده في الخفيف , مش عايزينك تتعب مننا ....
بص يا سيدي هيونداي بدأت 1968 بتجميع ford cortina وفي سنة 1975 عمله ال pony ومن 1985 بدأت تعمل كذا موديل مختلفين .... وفي سنة 1989 بدأت تدخل انجلترا والإنطلاقة كانت مع الاكسل في التسعينات.
وأول موتور عملته ل نفسها كان سنة 1991 .
و هيونداي بتعمل 15 موديل للإستخدام المدني ..... جميل
بروتن بدأت 1985
أول موتور ليها كان سنة 1999 يعني بعد 14 سنة بس في حين إن هيونداي 17 سنة ... بص اللي فرق حاجتين شراء lotus وقرارهم إنهم يستقلوا من mitsubishi ....وهم 7 موديلات اللي موجودين ....
بروتن رجعت lotus ل سباقات ال F1 بعد 15 سنة .
وبروتن دخلت اوروبا في 1997 يعني بعد 12 سنة بس
ده في التاريخ
أما لو سيبنا الكلام ده و شفنا العربيات مجردين من الماركة ... واحدة قصاد واحدة حتلاقي إن البروتن أحسن من العربيات المماثلة في هيونداي.
أما موضوع إن بروتن محلية ...أنا مقلتش كده يا باشا ...أنا قلت إن الحكومة هناك كانت داعماها لدرجة إن اترفع عليهم قضايا .
في الآخر الكام موديل اللي تعبانين دول الموازي ليهم في هيونداي تعبانين أكتر .... وفي الآخر دي منافسة بين العربيات الرخصة ...بندور فيها على أحسن التعبانين ... علشان واحد زيي على اد حاله يعرف يشتري عربية .
وتحياتي ليك يا صديقي
مسك الختام طا لما لم نشتطيع ان يقنع احدنا الا خر الفايده كل واحد راكب عربيه صيني او يا باني او كوري او ماليزي او من واق ال واق وانها مناسبه لا مكا نيا ته واحتيا جاته ومقتنع بيها خلاص ويا ريت ننا قش المشاكل الخا صه بل السياره والا داء والحلول وتحيه لايهاب علام المهاجم الوحيد لا سبرانزامع انها عربيه ممتازهوبل الرغم من اسلوبه الحاد وتهكمه علي الزملاء وتو جيه التحزير له مرتين من الا داره والا اخ الجديد بهاء علام اللي عليه علا مه استفهام كبيره لاني حاسس ان هو هو ل\ايهاب علام بس متنكر عشان ما يحسش انه وحيد في المنتدي وان فيه حد في صفه يا رب اكون غلطان ومره تانيه السبرا نزا ال16 5 وصلت مع صديقي الي 170000في 3 سنين بدون اي مشاكل غير عاديه لم يغير سوي مقصين من مطب ومعايا عامله 40000 في سنه ونصف وزي الفل الحمد لله مفيش غير تيل وكا تينه وربنا يبارك لكل واحد في سيارته ويستمتع بها
طبعا يا هوجن كل واحد حر, ومن حقه إنه يشتري اللي هو عايزه ... أنا دوري إني احذروا و اوضحله عيوب العربية زي ما كل الناس اللي عندها خبرة في العربيات عارفاها بغض النظر عن الدعاية المضللة اللي الوكيل بينشرها ..... بس أحب أوضح شوية حاجات في رد حضرتك غلط ...
1- الحاجة مش معناها إني اضيع فلوسي وارميها في أي حاجة بدون تفكير لمجرد إن فيها شوية كماليات مش مهمة ....ومش في صلب العربية .... إنما إني أفكر كويس أنا بحط فلوسي فين وفي حاجة تستاهل ....
2-أنا تم تحذيري مرة واحدة فقط ...والتحذير التاني ماكانش ليَّ .....
3-أنا معاك إن احنا لازم نناقش في صلب الموضوع يعني العربية ومشاكلها .... وطبعا أنا مستعد لاي مناقشة في الموضوع ده وكعادتي كل كلامي حيبقى بالارقام ...ومن المواقع الرسمية ...أو من موقع معتمدة ....ومشهورة بحيادها .... المهم تقنع الاخوة بكده .... ويبقى الموضوع علمي 100%
4- حضرتك جيت بس في آخر المناقشة بس فـافتكرت إني المهاجم الوحيد .... لأ طبعا .. أنا بس عندي اصرار وشغلي علمني إزّي أجيب المعلومة من النت بسرعة .....ده طبعا غير إن السنتين اللي قضيتهم في القرآية في العربيات أفادوني كتير ....
وعلى فكرة أنا ممكن اعملك استفتاء على الموضوع ... ونشوف كام واحد شايف إن العربيات الصيني تستاهل ... بس المشكلة ببساطة إن المنتدى حيشهد عدد مهول من الاشتركات الجديدة ... من المجموعة اللي التوكلات بتدفعلها.... بس بص بعينك كده في الموضوع وشوف كده حتلاقي إني مش المهاجم الوحيد ولا حاجة .
5- يعني هل أنا من الغباء إني يوم ما أعمل عكس كل اللي أنا بقول عليه , واتجاهل كل الاخلاقيات وكلام الكبير اللي كنت بقولة في كذا موضوع تاني .... إني أسمي الشخصية اللي أنا حعملها علشان تساندني ...اسميها علام برده .... إنت كده بتهين ذكائي قوي.... أنا اذكى من كده كتير.
ايوه يا باشا انت طبعا اذكي من كده دي حركات انا با اهزر معاك ويا ريت نحاول تفتح موضوع جديد ونتنقاس فيه وفعلا السخونيه والشد والجزب في الحوار شيء جميل لعلمك لنا كنت اول لما اروح افتح الكمبيوتر واشوف ايه اللي حصل في منا قشه امسبس زي ما قولت يا ريت الحوار دايما يكون بدون انفعال وكل ولحد يقول وجهه نظره بهدوء وبدون تعصب مشكورين ايهاب علام وبهاء علام وزي الا فلام الا بيض والا سود الزعيم والراجل التاني وطبعا الزعيم بيكون مفا جا ءه الفيلم عند النهايه انا بردو با اهزر ما حدش يزعل مشكورين