-
نصيحتي لصاحب الموضوع انه يفكر في الهوندا سيفيك او حتي الهوندا سيتي و عن تجربه الهوندا السيفيك عربيه ماشاء الله عليها هتعجبك و تريحك و توفرلك ان شاء الله مع الوقت و سعر اعادة بيعها مبينزلش قوي و كمان ليها ناس كتير بيحبوا يشتروها مستعمله و هيه كعربيه واسعه و ناعمه جدا و هاديه و موفره في البنزين بس فيها عيب واحد ممكن يتعبك لو اسرتك كبيره شويه انها واطيه جدا علي الارض و بتحك في اغلب مطبات بلدنا الحبيبه بس الموضوع ده له حل بتغيير البطاحات
و ممكن اختيار تاني حضرتك برضه فكر فيه و هو اللانسر الشارك عربيه واسعه و حلوه و ثابته و ناعمه جدا و شكلها جميل و موتورها مناسب صحيح 1500 بس مش ضعيف زي ما ناس كتير بتقول عليه...
انا كنت محتار برضه زي حضرتك لما كنت بشتري بس استخرت و جبت الهوندا السيفيك و لما والدتي كانت بتغير عربيتها جبتلها اللانسر الشارك و الحمدلله الاختيارين كانوا موفقين بالنسبالنا جدا
بس في حاجه نسيت اقولها لحضرتك العربيتين دول الحقيقه صاجهم ضعيف شويه مش زي الفوكاس او الاوكتافيا او الجيتا
و ياريت حضرتك تبعد عن المتعصبين لعربياتهم ايا كان موديلها و للسرعات و الثبات و الكلام الاوفر ده و خد بالك الفوكاس فعلا بتخسر كتير قوي عند اعادة بيعها والله كان قدامي وقت ما كنت بشتري واحده فوكاس موديل 2007 نظيفه جدا تكاد ان تكون زيرو و كان صاحبها طالب 85 الف يعني بيخسر فيها 60 الف جنيه في سنه و نص و ده حرام و الله
-
شكرا على ردك و مداخلتك اللى فى صلب الموضوع
انا عندى سيفيك بس 2000cc Type R و ديه كنت جايبه بره مصر و لسه محتفظ بيها هناك و الله لأنها احلى عربيه ركبتها فى حياتى بس للأسف العربيه مظلومه فى مصر لأنها فعلا واطيه على الارض و اللى فيها كل الكماليات سعرها مبالغ فيه جدا و للأسف انا عندى اسره و انت عارف الاوزان فابالتالى مش نافعه معايا
بالنسبه لللانسر شارك هى عربيه حلوه و انا كان معايا لانسر بومه 2008 لسه بايعها بس عيبها ان صالونها ضيق شويه او ضيق على استخدامى انا فعلشان كده شيلتها من حساباتى برضه
و انا شيلت الفوكس من حساباتى دلوقتى لأن سعرها نط جامد جدا (زاد حوالى 12000 فى 3 ايام) و ده استهبال و حاليا مقتنع قوى بالسيراتو او البديل اوبا كورسا لأنى هاعوض الحجم و النمساحه بأداء اعلى بكثير و فى الاخر المانى
شكرا مره تانيه
-
Dear All, face the fact, i have Focus 2006, and i travel from Dubai To Abu Dhabi daily on the best ever high way, its a very great car, very stable, very safe, but there is no way you can make more than 170 km/hour, but still ... you can drive at 160 for one full hour........ it's jsut a shame that ford dont bring 2.0L focus to the middle east.:I_angr1[1]:, but by the way, forget about Korean cars if you want to be safe and running.
Content Relevant URLs by
vBSEO 3.6.0 PL2