أرجوك ساعدوني في رينو ميجان ii موديل 2005

السلام عليكم ورحمة الله وبركاته

عند السير بين سرعة 90 إلى 100 كم/ساعة فوجئت بسماع صوت ونزول السرعة من الغيار الرابع إلى الثالث ولم تأخد العربية أي غيارات أخرى وظهور على شاشة المعلومات كلمة

Check injection + Check GearBox

ولم تزيد سرعة العربية بين 30 إلى 40 كم/ساعة وعند اطفاء العربية تختفي هذه الكلمات من على شاشة المعلومات وتأخذ العربية الغيار الاول والثاني والثالث وبعد المشي بالعربية مسافة حوالي 1 او 1.5 كم تظهر هذه الكلمات مرة أخرى وتؤخر العربية ولا يوجد سحب او عزم في العربية ولا يوجد تبديل غيارات
قمت بتغيير فلتر البنزين والبوجيهات ونفس المشكلة موجودة ايضا

انا عايز اعرف سبب المشكلة لأن سبت العربية في الشارع وهيا واقفة في اسيوط

خير انشاء الله دلوقتى وحوش الميجان يجاوبوك بالخير انشاء الله

يجب التوجه بها للصيانة

او الاتصال على 16202 ويصلوك للمهندس يقولك تعمل ايه لحد ما توصلهالهم
أنا من المنيا ولهذا السبب - البعد عن التوكيل - بعت الميجان

هل هى دى مشكلة السوفت وير بتاع العربية اللى قالوا اتصلح بعد كدة...موضوع النقلات دى؟؟؟؟؟!!!!!!!!!

دى غالباً مشكلة حساس فى الفتيس بس مش فاكر أسمه أيه بالظبط

اقتباس:

---

المشاركة الأصلية كتبت بواسطة Ahmed A.Maksoud

دى غالباً مشكلة حساس فى الفتيس بس مش فاكر أسمه أيه بالظبط

---

:S_thum1[1]::S_thum1[1]:

اقتباس:

---

المشاركة الأصلية كتبت بواسطة ahmed a.maksoud

دى غالباً مشكلة حساس فى الفتيس بس مش فاكر أسمه أيه بالظبط

---

هلا ابو الشباب كيف الحال ههههههههههههههههههههههههه

اقتباس:

---

المشاركة الأصلية كتبت بواسطة Ahmed A.Maksoud

دى غالباً مشكلة حساس فى الفتيس بس مش فاكر أسمه أيه بالظبط

---

حسب ما اتذكر كان اسمه السولينويد solenoid بس لما حصلت معايا المشكلة دي ظهرت رسالة Check GearBox بس ولما بطلت العربية وشغلتها من جديد لم تحصل مشاكل و سافرت بالعربية بعدها بدون اي مشاكل , وظهرت بعدها مرتين ونفس السيناريو واتصلحت في التوكيل في الصيانة الدورية تبع ضمان الفتيس .

اخد وقت قد ايه تصليحها

اقتباس:

---

المشاركة الأصلية كتبت بواسطة megane_man

اخد وقت قد ايه تصليحها

---

حسب ما اتذكر انها اخدت حوالي ساعتين في التوكيل بالاضافة لصيانة ال 55 الف ..

انا قالولي لازم العربية تبيت

اقتباس:

---

المشاركة الأصلية كتبت بواسطة megane_man

انا قالولي لازم العربية تبيت

---

غريبة جدا .. اكيد كان في المقطم .. لو كان جرب تكلم العبور وتشوف هتاخد وقت قد ايه وقولهم ان المشكلة اتحلت قبل كده في فرع اسكندرية مع الصيانة الدورية ..

لأ في العبور هو مركز صيانة أسكندريه فين مكانه

على الصحراوي في العامرية حسب ما اتذكر كان على الكيلو 24
تلفونهم 034700079 و 0101675140

كان سيادة العقيد خالد يعرف مهندس هناك اسمه م.محمد عادل , ممكن حضرتك تبعث ليه على الخاص لو حبيت تجيب رقمه ..

النهاردة اتصل بيا مهندس الأستقبال في مركز العبور علشان يطماءن علي العربية عامله ايه وخصوصا الفتيس لأنه كان متفق معايا انه لو ظهرت الرسالة تاني أجبهلهم بسرعة فقولتوله ان في صديق ليا غيرو له الحساس في نفس اليوم فقالي مفيش مشكلة بص بلغني قبليها بيوم علشان أعملها أوردر

اقتباس:

---

المشاركة الأصلية كتبت بواسطة megane_man

النهاردة اتصل بيا مهندس الأستقبال في مركز العبور علشان يطماءن علي العربية عامله ايه وخصوصا الفتيس لأنه كان متفق معايا انه لو ظهرت الرسالة تاني أجبهلهم بسرعة فقولتوله ان في صديق ليا غيرو له الحساس في نفس اليوم فقالي مفيش مشكلة بص بلغني قبليها بيوم علشان أعملها أوردر

---

تمام الحمد لله , ربنا ييسر الأمر ويتم بسرعة وتتحل المشكلة بإذن الله وابقا طمنا لما يتم التغيير بنجاح ..

اقتباس:

---

المشاركة الأصلية كتبت بواسطة ahmed20101

السلام عليكم ورحمة الله وبركاته

عند السير بين سرعة 90 إلى 100 كم/ساعة فوجئت بسماع صوت ونزول السرعة من الغيار الرابع إلى الثالث ولم تأخد العربية أي غيارات أخرى وظهور على شاشة المعلومات كلمة

check injection + check gearbox

ولم تزيد سرعة العربية بين 30 إلى 40 كم/ساعة وعند اطفاء العربية تختفي هذه الكلمات من على شاشة المعلومات وتأخذ العربية الغيار الاول والثاني والثالث وبعد المشي بالعربية مسافة حوالي 1 او 1.5 كم تظهر هذه الكلمات مرة أخرى وتؤخر العربية ولا يوجد سحب او عزم في العربية ولا يوجد تبديل غيارات
قمت بتغيير فلتر البنزين والبوجيهات ونفس المشكلة موجودة ايضا

انا عايز اعرف سبب المشكلة لأن سبت العربية في الشارع وهيا واقفة في اسيوط

---

كان عندي نفس مشكلتك وحلتها الحمد لله

دي حاجه من اتنين ... يا سولونويد فالف في الفتيس يا اما الزيت بتاع الفتيس محتاج يتغير ... انا صلحتها ومن ساعتها الحمد لله بقت زي الفل