ارجوا المساعدة في ترخيص السيارة
السلام عليكم
الموضوع يا جماعة انا معاق وروحت قدمت علي السيارة المجهزة ودفعت الرسوم وعملت الكشف عظام ونظر وكان مكتوب في الجواب اللي روحت جيبت بيه العربية ان نظري كويس وبميز الالوان وروحت جيبت العربية في شهر 2 2009 ومن يوميها لحد النهاردة مش عارف ارخص العربية لاني مش عارف اطلع رخصة لاني روحت اعمل رخصة نجحت في امتحان القيادة والكمبيوتر وبعد ما نجحت بعتو ملفي علي الكمسيون في المنصورة وروحت ونجحت في النظر وسقطت في الالوان وبعتو ملفي الكمسيون الرئيسي في القاهرة المجالس الطبية المتخصصة وسقطت ومن يوميها مش عارف اعمل ايه ياريت كانو قالو ليا انك مش بتميز الالوان ومكنتش جيبت العربية من الاساس المهم سمعت ان مرور مدينة السلام فيه ناس بتخلص الموضوع دا ممكن حد يساعدني لوجه الله لان اخوكم معاق والعربية اصبحت رجلي اللي بتحرك بيها المشكلة الكبيرة اني لا عارف ابيع العربية ولا امشي بيها .
وآسف علي الاطالة
هااااام جدااااااااااااااااااااااا ا
بص ياريس
1-انقل عنوانك ببطاقة مستعجلة على اى عنوان خارج نطاقك
2-اعمل امتحان سواقة على سيارتك واجعله يكتب فى نمذج الاختبار بتاع نجاحك رقم شاسية العربية ورقم الموتور ويكتب ان العربية مجهزة او اوتوماتيك على حسب حالتك
3-اعمل كشف قومسيون المحافظة اللى عنوانك الجديد عليها ويا سلام لو العنوان على محافظة 6 اكتوبر يبقى كويس لأن الناس هناك فى غاية الاحترام والتعاون والتيسير لوجه الله عن تجربة والله
4-تذهب بعد ذلك للمرور وتقوم بأكمال اجراءات الرخصة وفحص السيارة والله الوفق
مع تحياتى وامنياتى بالتوفيق