مظاهرات ضد ضم الحرم الابراهيمي
خير اللهم اجعلة خير
نازل من البيت في شبين علشان صلاة الجمعة فوجئت ان صفوف المصلين واصلة لحد قدام البيت مع ان المسجد بينة وبين البيت حوالي أربع عمارات
وببص علي اليمين لاقيت عربية مطافي وعربيات أمن مركزي كتير وعساكر قافلين الشارع ، دول عادي كل صلاة جمعة بس الطبيعي انهم بيقفو في الشوارع الجانبية لكن كونهم يقفلو الشارع دة كان حاجة غريبة
انا اتخضيت طبعا من المنظر قلت العربية هتتكسر ولا اية وتوقعت ان الأخوان منظمين مظاهرة ،، وبالفعل طلع كدة وبمجرد ما الصلاة خلصت بدأو يمرو علي الناس يقولولهم محدش يتحرك خليكم ، شوية وبدأو يوقفوهم صفوف (بعد ما صلو الجنازة علي طنطاوي)
الحقيقة انا مستغرب جدا خدنا اية من المظاهرات ولا هتفيد في إية ؟
و واحد من الناس اللي منظمين المظاهرة بيجمع الشباب اللي واقفين علي جنب بيقولهم اعملو صف بعرض الشارع .. وقفة لله
وقفة لله إزاي يعني !!!
هي الوقفة كانت عملت اية لفلسطين ولا كانو خدو اية من المظاهرات
وفي وجهة نظر تانية قالها واحد صاحبي كان واقف معايا وهي ان المولد دة كلة دعاية للأنتخابات ! خصوصا ان عضو مجلس الشعب قال كلمة في منتصف المظاهرة
أظن الدعاء في أخر الليل ممكن يفيد أكتر من الوقوف والتهليل في الشارع
ملحوظة: الموضوع ملوش أي مغزي سياسي زي ما قلت انا مستغرب مش أكتر ، دانا حتي مرة سمعت اتنين بيتكلمو في السياسة وكنت هقولهم يا جماعة ممنوع بس في أخر لحظة افتكرت اني واقف في الشارع مش في المنتدي
YouTube - ‫ظ…ط¸ط§ظ‡ط±ط§طھ ط§ظ„ط£ط®ظˆط§ظ† ظپظٹ ط´ط¨ظٹظ† ط§ظ„ظƒظˆظ… 12 ظ…ط§ط±ط³ 2010‬‎
YouTube - ‫ظ…ط¸ط§ظ‡ط±ط§طھ ط§ظ„ط£ط®ظˆط§ظ† ظپظٹ ط´ط¨ظٹظ† ط§ظ„ظƒظˆظ… 12 ظ…ط§ط±ط³ 2010 ط§ظ„ط¬ط²ط، ط§ظ„ط«ط§ظ†ظٹ‬‎
.
