في تكمله لمغامراتي مع الحرفيين
انا كنت رايح اعمل شويه صيانه للعربيه وانا اللى جبته لنفسي والله
لما رحت عملت الفرامل زي ماحكتلكو ....لقيت السيرفو جايب زيت ....رحت للميكانيكي قالي ومنتهي البساطه ...دي عايزه ماستر فرامل :dontudear: بعت لناس معرفه إني اجيبه وهايرد عليا يوم السبت
لما رحت انضف الرياديتر لقيته بيسرب ميه !!!!!! الراجل قالي ده مخروم وعايز يتفك ويتلحم ...طب هتحاسبني إزاى يعم قالي لما نفكه ونشوف هانلحمه إزاى ..
المهم فكه وقالي ده عايز يتغير الرايديتر ده وحش !!!! قولتله لا إتصرف شوف حل إلحمه ولا لصمه المهم مش هاغير انا ...قالي خلاص سيبه وتعالي الساعه 9 بالليل
بيني وبينكو قلقت قولت بلاش اسيب العربيه وفعلا قعدت جنبها وشايفه بيشتغل من بعيد
وشايفه فك الرايدرتير وحطه ف بانيو مليان ميه وركبه تاني في العربيه ...روحتله قولتله خلصت قالي اه خلاص خلصت
طبعا عملت معاه مشكله لأنه ملحموش ولا عمل فيه حاجه فكه وركبه تاني وقال ايه عايز حسابه كامل !!!!!!!!!!!!!:dontudear::dontudear::dontudear: رمتله 20 جنيه في وشه ومشيت
إمبارح ركنت في حته مقطوعه وقعدت مع اصحابي ورجعت للعربيه لقيت الكاوتش في الأرض وهنا عايز اخد رأيكو !!!!
مش عايز أطول وأحكي عن الدوخه اللى دوخناها بس وديت الكاوتش يتصلح لقيته بيقولي الكاوتش مقطوع وعايز داخلي !!!! وانا لسه جايبه جديد :((((((((((((((
قولتله إتصرف يعم قام ضارب القطعه خابور وقالي تمام معدتش بتسرب رغم إن شكل القطعه كبير !!!! ......انا خايف بصراحه يا جماعه القطعه دي تفتح أكتر من كده علي طريق سفر ولا سريع ولا حاجه
شوفتو الأوبل المنحوسه !!!!!:khd: