مش بقولك ردودك بتكون فيها الخلاصة يا دكتور
على العموم لحد دلوقتى أنا مقتنع شوية بـ132 ياترى حد هيدخل يقول على اللادا حاجة ؟ :11:
اللادا موديلها هيكون احدث
البنزين هيكون اقل
قطع الغيار منتشرة جدا و رخيصة
لما تبيع هتكون احسن
تعتبر عربية قوية و بتستحمل
انا عن نفسى بحب ال132 و جربتها بس فى اعتبارات تانية عند الشراء
والله يا باشمهندس مصطفى الحيرة بين الأتنين دول بالذات غريبة جدا لأن كل واحدة فيها ميزات وعيوب و كعبله والله أنا أة مقتنع بأن اللادا فيها حاجات جميله جدا زى الأنتشار و أستهلاك البنزين
طيب مثلا اللادا هتستهلك كام فى الشهر بنزين ؟ قولنا أن ال132 هتستهلك كل 5 أيام بـ20 جنيه بنزين 8
و بالنسبه لقطع الغيار مثلا هل فيه للـ132 أنتشار برضة فيها ؟
أصل الـ132 صعبانه عليا برضة لأنها زى مانتوا فاهمين عفشتها أنعم بكتير و بتتحمل جدا و قوية وفى نفس الوقت أغراءات اللادا أحلى:049:
سيبك من لالبنزين والكلام ده كلو
ده بنزين 80 هتصرف كام يعنى
وبعدين انا من طنطا كنت بسافر بيها اسكندرية وبلف هناك وبرجع ب 30 لتر والعربية 1800
متهيالى مش وحش
بالنسبة لقطع الغيار الاتنين قطع غيارهم زى الهم عالقلب
الاهم من ده كلو ال 132 افخم واكبر وانعم بكتيييييييييير من اللادا فى السواقة بالنسبة للفتيس والدريكسيون
اللادا بجد هتحس انك شغال عليها عتال مش سواق...مع الاعتذار لاصحاب اللادا...لكن دى حقيقة الكل عارفها...اللادا فى السواقة خنقه..وانا جربتها بنفسى جربت لادا موديل تسعينات...بجد حسيت اكن اللادا هية اللى موديل سبعينات وال 132 هية اللى تسعينات...فرق جامد
لادا افضل...
طبعا مشكور جدا على ردك الجميل لكن عندنا فى أسكندرية قطع غيار اللادا منتشرة جدا لأن 80% من التاكسيات عندنا لادا و طبعا لازم يبقى فيه أنتشار لقطع الغيار لأن سواقين التاكس زى مانت عارف معظمهم متهورين شوية
مشكلة الـ132 فى البنزين لو فى سفر عادى مش بتبان لكن فى المدن بتبان جدا زى مافهمت من الأعضاء
بالنسبه لنعمومة الـ132 و إنها فخمه أو إنها ينفع يتعدل عليها جامد و يبان عليها جدا أكتر كمان ماتصرف عليها دا برضة إلى مخلينى مرتاحلها جدا لأنى أصلا بتنرفز من العربيات إلى عفشتها ناشفة أو الدريكسيون بتاعها تقيل و كمان أنا مش مايكل شوماخر فى السواقة يعنى