الموضوع: فيات 132 ولا لادا 2105 (الأيطالى أفضل ولا الروسى)

المشاركة الأصلية كتبت بواسطة ahmed_nubira

انا مره سوقت 132 بتاعت واحد صحبى كانت 1600 موديل 78....الصراحه انعم من الادا...ولكن الادا سحبها احسن واستجابه موتورها افضل مع ان الادا 1200 سى سى ومتسألنيش ازاى...فمرتحتلهاش...وبعدين اللى هيخليك موديل بعيد اوى كده دة حتى حرام....خليك فى التسعينات...ولو عايز لادا مستعمل كويس...عندك الوسيط فى عربيات محترمه وعربيات عائلات مش متبهدله...وربنا يوفقك

اللادا أة جميله فى السحب بس المفروض الـ132 أفضل فى السحب بس الميزة فى اللادا أستهلاك البنزين
أنا أسمع أن الـ132 سحبها و الفتيس و نعومتها و الدريكسيون أفضل حاجة فيها ماعدا استهلاك البنزين دا العقبه الوحيدة فممكن تكون دى حاله العربيه أو كان فيه مشكلة فيها و ألف شكر يا باشمهندس على متابعة الموضوع و الرد و جزاك الله كل خير

المشاركة الأصلية كتبت بواسطة amrelsaqqa

يمكن موضوع السحب التعبان ده حالة فردية

الفيات في السحب جامدة طبعا ومينفعش تتقارن باللادا في الموضوع ده

هتلاقيه صاحبك كان موتوره تعبان او عنده اسطوانة دبرياج او اي حاجة

ممكن أنا بقول كدة والله برضه وجزاك الله كل خير على ردك

المشاركة الأصلية كتبت بواسطة medooo333

نصيحة لوجه الله ابعد عن 132 سيارة اعطالها كتير عفشتها بيض زى اللادا-استهلاك عالى-سخونة-هى فخمة بس قديمة اوى بعض قطع غيارها غالية-مشكلتها فى الكرونة -اما اللادا سيارة عملية من الدرجة الاولى من الاخر هتركب موديل عالى و اداء جيد جدا -وقوة -وتوفير ................من الاخر لادا فقط......

الحاجة الغريبه أن كله بيشكر فى عفشه 132
طيب حضرتك جربتها ولا دة من كلام ناس زمايل لحضرتك ؟ وممكن توضيح أكتر يعنى أية كرونه ؟
و فعلا أنا مقتنع أن اللادا عربيه تحفه وقوتها عاليه عشان كدة مستخدمه فى أغلب تاكسيات أسكندريه لكن كفاية صوتها يا جماعة دا أنا بسمع صوتها بترعب و كمان الفتيس و الدريكسيون مقرفين

خلاص هاتها....ياترا هتجيبها موديل 77 ولا 79 ....تركب عربيه بقالها 33 سنه....ياراجل حرام عليك

المشاركة الأصلية كتبت بواسطة ahmed_nubira

خلاص هاتها....ياترا هتجيبها موديل 77 ولا 79 ....تركب عربيه بقالها 33 سنه....ياراجل حرام عليك

العربيه سنها أكبر منى ههههههههههههههههه
على العموم ألف شكر لتوضيحك يا باشمهندس أحمد و فعلا والله أنا مقتنع بالرد بتاع حضراك جدا عشان كدة عملت المقارنة و الأتنين بالنسبه لى زى ماليهم مميزات ليهم عيوب برضة عشان كدة دا إلى محيرنى و مخلينى مثلا منحاز للأتنين

المشاركة الأصلية كتبت بواسطة د.محمود صلاح

اللي عندي كانت 1800 بتشرب البنزين شرب ,, اللي اشتراها مني غير البيكات بتاعة الكاربيراتير عشان يوفر البنزين بس بيخنق العربية ,, وكنت باحطلها 80 على طول

أنا كان معايا ال 2000 , وماكانتش بتشرب بنزين... كانت بتضرب بنزين! الصفيحة كانت بتعمل حوالي 100 - 120 كيلو!! من غير حرق طبعا, بس كانت قمة في النعومة سواء في الفتيس أو الدركسيون - بتوصل لل 140 كم/س بدون أي معاناه وساعات كانت بتجيب 160 , مانصحكش بعد ال 120 , المهم بزين 80 أو ممكن تعدل ببكات اصغر هتظبط عملية البنزين شوية.

اللادا عضمها أنشف شوية , هتوفر بنزين بحاجة بسيطة , قطع الغيار موجودة في أي حتة زي 132 , اضيق من 132 بحاجة بسيطه.

132 أحسن عامتا , ندمت إني بعتها أساسا, رغم عيوبها..

المشاركة الأصلية كتبت بواسطة slim_shika

أنا كان معايا ال 2000 , وماكانتش بتشرب بنزين... كانت بتضرب بنزين! الصفيحة كانت بتعمل حوالي 100 - 120 كيلو!! من غير حرق طبعا, بس كانت قمة في النعومة سواء في الفتيس أو الدركسيون - بتوصل لل 140 كم/س بدون أي معاناه وساعات كانت بتجيب 160 , مانصحكش بعد ال 120 , المهم بزين 80 أو ممكن تعدل ببكات اصغر هتظبط عملية البنزين شوية.

اللادا عضمها أنشف شوية , هتوفر بنزين بحاجة بسيطة , قطع الغيار موجودة في أي حتة زي 132 , اضيق من 132 بحاجة بسيطه.

132 أحسن عامتا , ندمت إني بعتها أساسا, رغم عيوبها..

طيب أية عيوبها غير البنزين ؟ رغم أنى سمعت أن فيه فلتر كدة بيبقى لتنظيم البنزين و دا بيقلل من الأستهلاك دا صح الكلام دة ولا أية ؟
يعنى أعطالها كتيرة مثلا ولا أية و فيه حاجات بتضرب منها ؟