عرض للطباعة
كنت أحب آخد رأيكم يا شباب المنتدي أنا معايا نيو أكسنت أوتوماتيك 2009 قربت علي سنة وعاملة 20 ألف كيلو ، والحمد لله مريحاني وماشية معايا زي الفل ، خصوصا اني بعملها الصيانات الدورية بانتظام في التوكيل في أبو رواش، بس الايام دي بفكر جديا اني أبيعها وأجيب موديل 2010 عشان الفرق يبقي مقدور عليه ومخسرش فيها كتير ، وكمان عشان الحق الشكل القديم لأن الجديد السبورت ده بايخ جدا وممكن بعد كده ميبقاش في غيره ... ايه رأيكو ؟؟؟ :)
طيب انت كدة هتخسر من 8 الى 10000 الاف ... فى المقابل هتكسب اية
فرق سنة فى الموديل و لا شكل المرايات الجديدة .. هل دة يساوى عندك 10000 جنية ؟؟؟
رأيى .. طالما العربية كويسة و مريحاك متغيرهاش .. الا اذا كنت عايز تجيب حاجة اعلى بكتير
مفيش اى جدبد فى العربيه من الموتور او العفشه هو بس الشكل
والشكل ده من راى فرق الفلوس بين التبديل ممكن تعمل اى شغل فى العربيه وهيبقى على مزاجك انت
طيب ما هو كده كده هتخسر لو بدلت ,, وبما انك مش مستريح للشكل السبورت يبقى خلاص يبقى الحال على ما هو عليه
فكره غلط طبعا لان انتا كده مش هتحس بفرق
احسنلك ركب طقم جنط كوييس بس من المقاسات الي موجوده في الكتالوج
بس خلي بالك الجنط بيطلع العفشه من الضمان بس ضمان العفشه ملوش لزمه لان لو باظت حاجه في العفشه غالبا هيكوون التشخييص سؤ استحدم
فكره غلط ضبعا لان كده حضرتك مغيرتش حاجه هو الموديل بس
حاول تفكر اكتر
انا مش معاك فى التفكير دا لان مفيش اى استفاده من تغيير الموديل من 2009 ل 2010 مع انها هى هى العربيه
انت هاتخسر فرق الفلوس مش اكتر
ممكن تفكر فى نوع تانى دا لو انت عايز تغير من باب التجديد
لا انصحك بهذا نهائيا وخصوصا انك بتقول العربيه مريحاك
لاسباب عديده اهمها بصراحه ان العربيات في مصر بقت عامله زي البطيخه يا تجيبها تطلع حمراء او قرعه
ومدام انت بطيختك طلعت معاك حمراء فبلاش تجرب تاني محدش ضامن
عى فكرة انا كنت بفكر نفس تفكيرك بس كنت عايز ابيع عربيتي واجيب الاسبورت بس تراجعت للسبب اللي قولتهولك فوق
لو هتغير يبقي تجيب لانسر بومة 2010 اه دي تغير عشانها لكن مش تغير اكسنت 2009 ب 2010 مش مستاهلة وانت بتقول انت مرتاح خليها معاك
احسن تخلى اللى معاك الا اذا كنت عايز تغيير من مانيول الى اوتوماتيك.
لو ها تغيير شوف موديل تانى (من هيونداى ممكن جتز او النترا)
زي ما الاعضاء الافاضل قالوا , تقريباً هاتخسر مش أقل من 10000 جنية , مقابل تغيير سنة الصنع فقط وكمان سنة واحدة فقط.اقتباس:
المشاركة الأصلية كتبت بواسطة bobos
لو ميزانية حضرتك تسمح ومحتاج تغير العربية وفى الوقت الحالي علشان ما تخسرش كتير يبقى تجيب حاجة أعلى , ومع ذلك أعتقد انك ماتغيرش في الوقت الحالي .. إستمتع بعربيتك وفرق الفلوس إستفيد بية في أي حاجة تانية .
معاك حق واللهاقتباس:
المشاركة الأصلية كتبت بواسطة bassamhafez
فعلا بطيخه
معلش يا باشا خش على اللينك ده الاول قبل ماتخد قرار واحمد ربنا ان بطيختك طلعت حمراء
http://www.nilemotors.net/Nile/131964-a.html
هو احب الموضوع راح فين؟
رحم الله أمريء عرف قدر نفسه
الف الف الف شكر يا رجالة علي الردود والنصايح والله معاكو حق
وأسف جدا علي التأخير يا شباب والله الشغل مخليني مش لاحق ادخل علي الفورم هنا بقالي كام يوم :(
بس انا اللي مخليني افكر في التغيير ده حتة انها واصلة لـ20 الف كيلو حاسس ان صيانتها بعد كده هتبتدي تتكلف جامد ولا ايه !! اصل بصراحة كده دي أول عربية اسوقها :)
امبارح رحت اتفرجت علي الاكسنت سبورت كانت لونها أسود بصراحة مش وحشة اوي زي ما كنت متخيل الانتريور متغيرش في حاجة غير بس المرايات الكهرباء (والله ميزة جامدة ومؤثرة جدا) الاكستريور بأه مختلف تماما مش وحش أوي بس تفاصيله كتيرة مش زي الشكل القديم (سيمبل وتايت محندقة وملمومة كده) :))
انا بأه عجبنتني المرايات الكهرباء لأنها حازة في نفسي اوي من ساعة ما ركبت النيو أكسنت :))
ايه رأيكو اجيب السبورت ولا شكلها فاشل !!!
ان كان الموضوع مرايات ممكن تخلى التوكيل يركبلك مرايات كهرباء
وتكلفتها اكيد هتكون اقل بكتير من خسارة البيع
اقتباس:
المشاركة الأصلية كتبت بواسطة ezzatfox
كلام سليم و من الأخرررر
:S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]:
هو التوكيل ممكن يركب كهرباء للمرايات ؟؟؟!!!اقتباس:
المشاركة الأصلية كتبت بواسطة hdabawy
هو مكانها موجود في الباب بس غبور ممكن يعمل الحركة دي أصلا؟!!!
اللي اعرفه انه مينفعش ... طب حد عملها عند غبور أو برة ؟؟؟ وتتكلف قد ايه دي بأه ؟!!!
بص لو هاتغيير لشكل الاكسنت الاسبورت ..معاك حلوة ومختلفه كليآ من برة ... شكلها احلى كثير من الحالى وعند الانتشار فى الشوارع ها ترخص الشكل القديم اكثر من 10 الاف جنيه فوق فرق الموديل خلى بالك . واحلى الوان الاسبورت الفضى والاحمر الشكل الجديد انا اتكلم . الحق لو ناوى الان افضل من الايام الجايه وظهر الاسبورت هايخلى الناس تحجم عن الشكل الحالى
المرايات الكهرباء فى حدود 650 جنية ممكن حضرتك تسأل عند عشم نوار فى شارع دمشق و تشوف اية نظام التركيب عندة .. هيبقى ارخص من التوكيل و نفس المستوى لانة كان متعاقد مع غبور على تركيبب الكاسيت و الانذار .اقتباس:
المشاركة الأصلية كتبت بواسطة bobos
كلام 100% مضبوطاقتباس:
المشاركة الأصلية كتبت بواسطة bassamhafez
الف شكر يا عزت باشا بس مش لو ركبتها برة التوكيل كده تطلع برة الضمان ولا ايه ؟!اقتباس:
المشاركة الأصلية كتبت بواسطة ezzatfox
عشان كدة قلتلك عشم نوار لانة يعتبر معتمد عند غبور .. بس بردة الموضوع محتاج مشوار لغاية عندة و تتأكد منة فى النقطة دىاقتباس:
المشاركة الأصلية كتبت بواسطة bobos
+11111111111111اقتباس:
المشاركة الأصلية كتبت بواسطة bassamhafez
انصح بعدم التغيير او تركيب مرايات او خلافه
كده فل افل اسمع الكلام واحمد ربنا
اقتباس:
المشاركة الأصلية كتبت بواسطة alihussien2
+1111111111111
لما تقرر تغير تغير للأحسن كفئه ونوع
الى الاخ اللى عايز يغير عربيتوا
انت لو عايز تعرف ايه اللى حصل معايا والنيو اسكنت فيها ايه من عيوب
ادخل على التوبيك بتاعى او على التوببيك بتاع ابو مارو هتعرف كل حاجة وارقام التليفونات موجودة لى توضيح
اولا السلام عليكم
انا متابع الموضوع من الاول وشايف ان الاخ اللي بيسأل ويريد التغير هوه مش بيقف عند كلام الاخوه هنا وطالما هوه عايز يغير وعجباه الشكل الجديد سيبوه يغير -
في مثل مصري بيقول صاحبك له عندك النصيحه
والاخوه هنا نصحوك
وانا كمان احب انصحك بشيء
انا من ملاك هيونداي وبرضه اول عربيه لي وصدقني كان حلم ليا اني اجيب عربيه والحمد لله اتحقق و فعلا بعد ما ركبت العربيه ورغم انها لسه مش بقالها معايا غير شهر واحد الا اني بدأت اتمني اني اغير من هيونداي لحاجه تانيه - في فرق كبير بين الهيونداي بتاع غبور اللي احنا بنركبها وبين اليباني او الاوروبي -
استفسارك غريب شكلا وموضوعا بس من حكم في ماله ما ظلم اللي يغير عربيه تعتبر لسه زيرو " 20 الف مش حاجه الا اذا كنت بهدلت فيها " مش يغير لنفس الفئه ونفس الماركه
يا اخي انت حابب تغير يبقي اعمل تغير ينفع يتقال عليه تغير مش بس تغير موديل السنه حتي لو الشكل الجديد
انا لو مكانك لو معايه سيوله اغير لعربيه زي نيسان سوبر صالون - لانسر - وغيرها كتير من العربيات اللي يتغير عشانها - مش معاك سيوله يبقي اصبر علي العربيه شويه - هي اصلا مش هتبدأ تفتح بؤها الا كمان 20 او 30 الف طالما انت محافظ عليها
وفي الاخر الرأي يرجعلك وربنا يوفقك لما فيه الخير
والله يا شباب 1000 شكر علي ردودكم الظاهر ان تفكيري في التغيير دلوقتي قلة خبرة مني خصوصا انها اول عربية اسوقها كنت متعود اقول العربية لسة زيرو ماشية 2000 ولا 5000
بس اما عديت العشرين حسيت ان الرقم كبير وانها قدمت ويا خوفي لا تبتدي تكلفتها تبقي عالية في الصيانة دانا اخر مرة رحت غبور في صيانة ال20 غرمان 840 جنية اومال ما توصل 40 و 50 هتتكلف كام بأه !! فاقلت الفرق هيطلع ايه 7 ولا 8000 جنيه هيطلع قسطهم معقول اكني جايب لاب توب سوني محترم مثلا :) بس هو واضح ان ذوي الخبرة شايفين ان التغيير خطوة مالهاش اي لازمة الا لو الموديل اعلي بكتير ..هو مين مانفسوش في موديل اعلي اصلا !! يا سلام علي الفورد فييستا ولا التيدا هاتش ولا الاسترا الجديدة ولا حتي الهيونداي i30 بس في الحالات دي كلها الفرق يوصل ل 50 الف وده طبعا يعتبر احلام في الوقت الحالي :(
ولذلك بناءا علي اراءكم التي اشكركم عليها جميعا قررت استسلم للأمر الواقع واقنع نفسي ان العربية ما تبقاش قدمت الا اما توصل ل 100 الف قبل كده تبقي فلة ووقتها بأه ربنا هو المعين :)