يا جماعة انا عندي مشكلة ومش عارف منين!!
انا عندي رزعة بين الغيارات !
يعني لما بطلع بالعربية بحس برزعة في العربية كأن الموتور هيطلع في وشي
ومع التاني و التالت و الرابع
خصوصا لما اشيل رجلي بسرعة من على الدبرياج
بحس برزعة جامدة
الناس كلها قالت لي كراسي الموتور ! وغيرت كل الكراسي تقريبا اليمين و الشمال و اللي في النص
ومفيش فااااااااايدة الرزعة لسه موجودة
------
اخيرا في ميكانيكي قبل كده قالي المشكلة دي من الكبالن
فسؤالي بقى الكبالن ممكن تعمل الرزعة دي لو فيها مشكلة ؟؟
وانهي كوبلن بالظبط اللي ممكن يعمل الرزعة دي الكبير ولا الصغير ؟؟
وكمان سعرهم استيراد كام لو حالتهم نضيفة ؟؟
ولو المشكلة من حاجة تانية ياريت الناس تقولي العيب ممكن يطلع منين !!
تحياتي