ايه الفرق بين الموتور الحقن والموتور الرشاشات ؟

**maro2007** · 12-03-2010 10:55 PM

السلام عليكم...اخباركو ايه ..
ايه الفرق بين الموتور الحقن والموتور الرشاشات
ومميزات وعيوب كل واحد
بالنسبه لموتور 1600 سى سى ميتسوبيشى اوتوماتيك
؟؟؟؟؟؟؟؟؟؟؟؟؟

**م/مصطفى محمود** · 12-03-2010 11:26 PM

مش فاهم ؟؟؟؟

مهو الحقن يعنى رشاشات !! ممكن توضيح أكثر تقصد أية

**amrelsaqqa** · 12-03-2010 11:31 PM

المشاركة الأصلية كتبت بواسطة م/مصطفى محمود

مش فاهم ؟؟؟؟

مهو الحقن يعنى رشاشات !! ممكن توضيح أكثر تقصد أية

+111111111

**amrelsaqqa** · 12-03-2010 11:32 PM

المشاركة الأصلية كتبت بواسطة maro2007

السلام عليكم...اخباركو ايه ..
ايه الفرق بين الموتور الحقن والموتور الرشاشات
ومميزات وعيوب كل واحد
بالنسبه لموتور 1600 سى سى ميتسوبيشى اوتوماتيك
؟؟؟؟؟؟؟؟؟؟؟؟؟

يمكن قصدك ( الحقن او الرشاشات ) مقارنة بـ( الكربراتير) ؟

**maro2007** · 13-03-2010 04:14 PM

شكرا على الردود السريعه والمفيده
دا كان رأيي ان الحقن هوه الرشاشات الاتنين واحد...
بس فيه ناس قالتلى ان ده غير ده..
فحبيت اتأكد من الكلام ده..
وياريت نعرف بقى الفرق بين الكربيراتير والحقن (الرشاشات)

**م/مصطفى محمود** · 13-03-2010 05:08 PM

الكربراتير هى غُرفة يتم خلط الهواء والبنزين فيها قبل دخولها للأسطوانات
بس كان فى مُشكلة ، وهى أن الخليط كان بيروح للأسطوانات بنسب مختلفة بسبب ثقل زرات الوقود اللى لم تتبخر (يعنى الخليط اللى داخل أسطوانة 1 غير اللى داخل أسطوانة 4)

وكان فى مُشكلة تانى وهى عدم جودة الخليط ككل ، وعدم تبخيرة

فبدأ ظهور الرشاشات وكان فى البداية رشاش واحد فى خط السحب وبيتوزع على الأسطوانات الأربعه (تم حل مُشكلة جودة الخليط بس لم يتم حل مُشكلة أختلاف النسب بين الأسطوانات) (وده اللى فى عربيتى السيينا 1400)

بعد كده بقى فى كل أسطوانه رشاش بيضخ البنزين ليها لوحدها (فطبعا الخليط ممتاز ومتزن )

(ده غير بقى شوية تفاصي تانية زى مثلا التحكم فى ضخ الوقود بعد غلق صمام العادم لعدم هروب الشحنة + تبريد صمام العادم)

كان التحكم فى الكربراتير ميكانيكى ، أما فى الرشاشات ألكترونى (بواسطة الحساسات) فأصبح الخلط أفضل وموفر للبنزين (عن طريق التحكم فى نسبة الخلط مع السرعه وكمية الهواء)