رقم العضوية : 25217
تاريخ التسجيل : 15Nov2008
المشاركات : 3,556
النوع : ذكر
الاقامة : ismailia
السيارة: Hyundai elentra
السيارة[2]: Hyundai veloster
دراجة بخارية: not found
الحالة :
السيارة كيا بيكانتو مصنفة في فئة الcity car او سيارة المدينة....و هي مبنية علي نسخة مصغرة من شاسية الهيونداي جيتز...و طبعا كلنا عارفين ان هيونداي هي الشركة الام لكيا موتورز....و هي تعتبر امتدادا لسيارة كيا الناجحة "برايد"
كيا بيكانتو في الأصل اسمها Kia Morningفي كوريا لكنها تسوق في جميع دول العالم باسم بيكانتو عدا شيلي و اسمها فيه زي ماهو Morning و تايوان حيث تعرف ب Kia EuroStar و ماليزيا و اسمها Naza Suria
مين يشتري البيكانتو؟؟؟
البيكانتو اساسا موجه لفئة الشباب و الشابات في سن العشرينيات....يعني هاتكون مناسبة لفئة الشباب الجامعي و المتخرج حديثا و حتي تناسب العائلات الحديثة المكونة من راجل و مراته و ممكن عيل صغير سنه لحد سنتين J...أكيد الفئة دي بتدور علي اقل مصاريف تشغيل للسيارة مع تحقيق قدر لاباس به من المتعة و الاحساس بركوب سيارة حديثة
الشكل الخارجي
أول ما تبص علي البيكانتو تحس انها صغيرة الي حد انك ممكن ماتعرفش تركب جوه....و لو بصيت من قدام تلاقي حاجة من التنين حسب نظرتك للفوانيس و الشبكة الامامية:
- واحد كسلان و نعسان جدا و فاتح بقة بيتاوب
2- واحد مزهول او مفزوع و فاتح بقه بيصرخ J
تتمتع البيكانتو بحجم خارجي رائع يجمع بين الشكل العصري الانسيابي و المرونة و العملية الشديدة في المشي و التحكم بها في الشوارع الديقة....يكفي ان اي مكان مهما كان صغير ممكن تركن فيه بكل سهولة و من أول مرة ....و الشوارع الديقة ممكن بسهولة برده تلف و ترجع فيها بدون تعب....عدم وجود شنطة في الخلف يزيد من عمليتها أيضا لكنه ينعكس بالسلب علي مساحة الشنطة
زاوية ميل الزجاج الامامي كبيرة جدا و ده اده ميزة لحاجتين: الاحساس الجميل بالوسع الداخلي...و الانسيابية و الايروديناميكية الخارجية و تقليل ارتطام الهواء بها اثناء السير بسرعة...مما يقلل من الضوضاء الخارجية
تتميز البيكانتو بارتفاعها عن الارض مما يساعد علي اجتياز المطبات بكل راحة و عدم قلق....احشي العربية 5 بني أدمين و عدي علي اتخن مطب...مش هاتسمع صوت الحك نهائي
تتميز أيضا السيارة بعرضها الملحوظ نسبة الي حجمها المدمج...مما يزيد من ثباتها اثناء المناورات و السرعات العالية
المرايات الخارجية كبيرة و تظهر الطريق بالخلف بكل وضوح
صاج السيارة محمل و مش خفيف و تقدر تميز تقله من قفلة الباب او تخبط عليه بايدك
الشكل الداخلي
اول حاجة تبهرك في العربية اول ماتفتح الباب هي تناسق الألوان الجميل في المكونات الداخلية للمقصورة....التابلوه جزءه العلوي باللون الاسود و الجزء السفلي باللون الرمادي الفاتح...و نفس الشئ بالنسبة للابواب ...مما يضيف احساس بالفخامة اللي متلاقيهاش بسهولة في الفئة دي
التابلوه شكله جميل و مريح....يتميز بالمساحة الكبيرة جدا تشعرك ان السيارة مش بحجمها الخارجي ده ابدا...و ديه العبقرية في التصميم بتاعها...انا لازات مش قادر أفهم ازاي التابلوه بالمساحة ديه لحد الزجاج مع ان الهيونداي أتوس (نفس الشاسية) ببقي لازق في الزجاج!!!
الرؤية المحيطة ليك وانت سايق ممتازة و ابعاده ملمومة...و طبعا مستحيل تشوف الكابوت بس مش مشكلة لانه صغير جدا و مش هايسبب أي مشكلة...هي بس مرة حد يقف قدام الكابوت عشان تعرف اخره فين و خلاص!
يوجد بلوحة العدادات عداد سرعة يعطي قراءة لحد 180 و عدادRpm أسفل كل منهما شاشتين ديجيتال....واحدة للساعة..و واحدة لعداد الكيلوميتر معTrip A و Trip B...و يتوسطهم عداد البنزين...و مافيش عداد حرارة...فقط لمبتين...واحدة زرقاء للبرودة و حمراء للسخونية...(و ربنا مايجبش الحمراء أبدا
خامات الصالون والتابلوه نضيفة جدا هيه أه بلاستيك لكن نوعيته و نقشته نضيفة جدا...علاوة علي كده ان ماتلاقيش فروق في البلاستيك أو بواقي من الاسطامبة و الكلام الفارغ ده
مساحة الجلوس ممتازة...لاتشعر أبدا انك بداخل سيارة بهذا الحجم...بس طبعا لو انت طويل اللي وراك هايعاني اشد معانة في الجلوس...لكن في العادي السيارة تكفي 5 أشخاص...و 4 براحة تامة
مساحة الشنطة صغيرة جدا ...تكفي بالكاد شنطة سفر من النوع الصغير(الله يرحمك يا 127)....لكن يمكن طي الكنبة الخلفية و ازالة الرف الخلفي فيصبح عندك مساحة رائعة تشيل فيها اللي انت عايزة
أماكن التخزين: درج التابلوه...و فوق درج التابلوه فيه رف جميل جدا... و ايضا يوجد مكان تحت الكاسيت و بجانب عجلة القيادة من الشمال و رف كبير تحت الدركسيون مايبنش للماشي بره العربية.
يوجد 2 حامل أكواب و بداخل أحدهم طفاية سجاير ممكن ترميها لو مش بتدخن...و فيه حامل زجاجة لتر و نص مابين الكرسيين الاماميين ورا الهاند بريك
العزل ممتاز داخل المقصورة...مجرد ماتقفل الزجاج ماتسمعش اي حاجة بره...ولا حتي صوت الموتور (لو مكنتش بتقرص عليه )
محرك البيكانتو يتألف من 4 اسطوانات بسعة 1100cc كامة واحدة علويةSOHC بعدد 12 صباب بواقع 3 صبابات لكل سليندر...
قدرة المحرك 65 حصان عند 5500 لفة بالدقيقة
عزم المحرك 97 نيوتن متر عند 2800 لفة بالدقيقة
وزن السيارة 852 كيلوجرام
التسارع من 0-100 في 15.4 ثانية
نسيبنا بقي من الكلام الرسمي و نيجي للمفيدJ
محرك السيارة اقل ما يقال عنه انه هادئ أيا كانت سرعة المحرك...لكن تبدا تسمع صوته بعد ال3000RPM لكن صوت مايدايقش لانه مازال واطي....
سحب العربية يعتبر قليل تحت ال3000 RPM لكن بعد كده بتلاقيها بدأت تشد معاك جامد...و أفضل وقت تنقل فيه مابين ال3000 و 4000RPM لكن ده هايجي علي حساب استهلاك البنزين...
التكيف له تأثير ملحوظ علي السحب...لكن ممكن تعوضه انك تنقل متاخر شوية...
استهلاك البنزين ممتاز....التنك فيه 37 ليتر بالاحتياطي (6 ليتر) ...لما بفول لحد الزور بتعمل من 400-500 كيلو تبعا لمدي الضغط علي دواسة البنزين و تشغيل التكيف....لكن المتوسط 450 كيلو لل 30 لتر...يعني الصفيحة بتعمل حوالي 300-330 كيلو
العفشة و الثبات:
صوت العفشة ناعم جدا في النقر و المطبات و ماشابة من عجائب و غرائب الشوارع عندنا....بتاخد و تدي مع المطبات ..متحسش بخشونة او نشوفية زي عربيات تانية في نفس الفئة
علي الطريق السريع ثباتها ممتاز لحد 130 لو قاعد لوحدك...و بتاخد الملفات كويس جدا بدون ماتميل جامد و بدون ماتحس انك هاتتقلب علي جنبك.....
لو ركب حد وره بقي...بتظهر مشكلة...في مطبات الهواء تلاقي العربية بتتنطط جامد.... وتحس انها مش مستقرة من الخلف
الركسيون ناعم جدا علي السرعات البطيئة و داخل المدينة بس علي السرعات بيتقل ....معرفش ازاي مع انه مش كهربائي
فرامل قوية تسعفك عند الحاجة....
الأمان:
حصلت البيكانتو علي 3 نجوم من اصل خمسة في اختبارات EuroNcap للامان
يكفي كلام عن السيارة نفسها و نتكلم عن جوانب اخري:
التوكيل
EIT محمد نصير....طبعا رجل أشهر من نار علي علم في سوق السيارات المصري...كلنا عارفين مستوي الخدمة اللي بيقدمها للعملاء و مدي جودتها...
العربيات البيكانتو الجديدة مثل جميع سيارات كيا عليها ضمان 5 سنين أو 100000 و هو من اعلي الضمانات في سوق السيارات المصري
مركز الخدمة بابو رواش جميل
المنافسين
الفئة دي في السوق بتاعنا أصبح بها عدد لاباس به من المنافسين:
1- سوزوكي التو 1100 سيسي هندي...صغير الحجم مقارنة بالبيكانتو...أقل ثباتا 55000 جنيه
2- شيفروليه سبارك 1000 سيسي كوري...شاسية الماتيز...ثبات أقل....حجم اصغر 56000 جنيه
3- سبيرانزا A113 1300 سيسي صيني...موتور اقوي ..أوسع..كماليات اكتر...51000جنيه
4-بروديوا كليسا 1000 سيسي ماليزي...أصغر...موتور ياباني 51000 جنيه
5- و اخيرا الهيوندايI10 و في نظري هي اكتر سيارة منافسة للبيكانتو لأنها نفس الموتور و العفشة و المكونات الداخلية...سعرها يبدأ ب 59000 و ينتهي عند ال74000...يعني تقريبا مثل البيكانتو...مع فارق مستوي الخدمة في التوكيلين..
رقم العضوية : 40484
تاريخ التسجيل : 17May2009
المشاركات : 2,043
النوع : انثى
الاقامة : Cairo
السيارة: Picanto 2010 Auto
السيارة[2]: TAXI
الحالة :
رقم العضوية : 4631
تاريخ التسجيل : 20Jan2008
المشاركات : 830
النوع : ذكر
الاقامة : عايز اعيش فى اسكندرىة
السيارة: سويفت ٢٠١٥
السيارة[2]: سيريون 2008 Glx
دراجة بخارية: no
الحالة :
ممكن يا ميدو تقولنا المزايا اللى بتميز البيكانتو عن السيريون
رقم العضوية : 1435
تاريخ التسجيل : 14Jul2007
المشاركات : 14,773
النوع : ذكر
الاقامة : مصر
السيارة: لا
السيارة[2]: اوبترا
الحالة :
الف شكر على التقرير المميز
رقم العضوية : 3554
تاريخ التسجيل : 04Dec2007
المشاركات : 1,653
النوع : ذكر
الاقامة : Egypt
السيارة: ------------------
السيارة[2]: -------------------
دراجة بخارية: ------------------
الحالة :
رقم العضوية : 1648
تاريخ التسجيل : 31Jul2007
المشاركات : 1,667
النوع : ذكر
الاقامة : ELHARM
السيارة: الحمد لله كدة رضا
السيارة[2]: Nissan sunny S.S.2012
دراجة بخارية: bajaj 200NS
الحالة :
رقم العضوية : 25217
تاريخ التسجيل : 15Nov2008
المشاركات : 3,556
النوع : ذكر
الاقامة : ismailia
السيارة: Hyundai elentra
السيارة[2]: Hyundai veloster
دراجة بخارية: not found
الحالة :
اسف ياجماعة كانت كلمة منقول مكتوبة اخر حاجة مش عارف راحت فين
وبجد منتش اعرف انة بتاع نادر انا جبتة من على الفيس
اسف مرة اخرى
رقم العضوية : 3554
تاريخ التسجيل : 04Dec2007
المشاركات : 1,653
النوع : ذكر
الاقامة : Egypt
السيارة: ------------------
السيارة[2]: -------------------
دراجة بخارية: ------------------
الحالة :
رقم العضوية : 26967
تاريخ التسجيل : 06Dec2008
المشاركات : 2,437
النوع : ذكر
الاقامة : Fifth Settlement
السيارة: Sandero 2014
السيارة[2]: Elentra Coupe 2013
دراجة بخارية: لا يوجد
الحالة :
تشكر يا باشا على الموضوع والتقرير بس تعليقي على موضوعك في نقطة العفشة انا مش شايف انها ناعمة بالصورة الكافية بالعكس حاسس انها ناشفة شوية يمكن علشان انا بقارنها بالسيراتو لان ساعات باركب الاثنيين في اليوم الواحد بس طبعا في فارق كبير لصا لح السيراتو لكن كل اللي قلته معالييك لا خلاف عليه العربية ثبات وتسارع وصالون وقعدة بالداخل وركنة وبنزين زي الفل ما عدا العفشة بالنسبة لي خنقاني ......وتقبل تحياتي
رقم العضوية : 50576
تاريخ التسجيل : 21Oct2009
المشاركات : 435
النوع : ذكر
الاقامة : EL-HaraM
السيارة: KIA Picanto 2009
السيارة[2]: Lancer 2006 H-L
دراجة بخارية: معنديش يعم!
الحالة :
موضوع اكثر من جميل باحييك علية
بس احب اعدل حاجة بسيطة على موضوعك الباور بتاعها مبيخفش على السرعات!
ماشى 20 زى كانك ماشى 180
الدركسيون باور كهرباء و مبيفصلش خالص!
تحياتى!
المفضلات