تعمل أيه فى الموقف ده!!!

**Ahmed Galal** · 13-03-2010 02:43 AM

السلام عليكم
و أنا مروح النهارده بالليل شفت ثلات حوادث فى طريق جسر السويس و المجرم فى كل حادثة كان التاكسى والميكروباص طبعا أختلفت تصرفات الناس فى كل موقف أنا كنت راكب ميكروباص و كان كل شوية يقف و يتابع كل حادث على حدة مرتين زمايل ليه و مرة فضول منه المهم قلت أول ما أروح لازم أستفسر من الرجالة و انا هالخص اسألتى كالتالى:

1-هاتعمل أيه لو حد خبطك و أنت مش غلطان؟
2-هاتعمل أيه لو أنت خبطت حد و أنت اللى غلطان؟
3-لو خبطت حد او اتخبطت قبل كده ممكن تحكى عن اللى حصل و اتصرفت ازاى؟

عشان انا مرة اشوف الناس بتشتم و مرة بتضرب اما يدوى او باستخدام اسلحة بيضاء و سوداء و احيانا الكهرباء و مرة اشوف الناس تبقى هادية و لا كأن حاجة حصلت و العامل المشترك فى كل الحوادث اللى باشوفها هوا الموبايل اللى بيطلع و كل واحد يتصل ما اعرفش بمين و الناس تتلم فانا عايز اعرف التجارب بتاعتكم عشان لو حصل حاجة لا سمح الله و انا ماشى بالعربية اعرف بقا هاطلع الموبايل و لا لأ و أيه الاسلحة اللى مفروض أتزود بيها يعنى مع الأستبن و الكوريك لازم حتة سلاح كده عشان الحوادث معلش يا جماعة هوا طلب سيكوباتى بس المنتدى معمول عشان الناس تستفاد من خبرات بعض و ربنا يكفينا شر الطريق

____________________

نقل بواسطتى

مشرف الورشه

**yahiahelaly** · 13-03-2010 06:01 AM

لو خبطت حد وانا الي غلطان بس مكنش جاي من وراه مثلا وده رزع اجدع فرامل او لبسني فيه هعتذر واشوف طلباته ايه وربنا يقدرني ومشوفهاش بلرغم من انها بتحصل في حجات بسيطه
لو انا الي اتخبطت وهوة الي غلطان والله على حسب الي قدامي يعني لو اعتذر وكان شخص كويس وكنت انا اقدر اتحمل تكلفه التصليح خلاص لو مش هقدر هخليه يصلحها لو قل ادبه هياخد على دماغه ويصلحها واخد فرق الفابريكه

**Mostafa.Mahran** · 13-03-2010 07:40 AM

حسب الشخص الى قدامك ممكن تحدد اسلوب التعامل سواء بهدوء او قلة ادب او ضرب لو استلزم الامر

**O.M.S** · 13-03-2010 04:14 PM

حلو الموضوع ده عشان انا لسه عامل حادثة من اسبوعين مع ميكروباص
كنت في طريق رئيسي واخر الطريق ده في ملف والملف مش حاطين فيه الرصيف اللي في النص اللي بيفصل بين الطريقين
وانا باخد الملف ده فجأة لقيت ميكروباص في وشي وش في وش روحت ضربت فرامل ولميت الدكسيون علي الاخر بس دخلت فيه من الجنب برضة طبعا ما حصلش عنده اي حاجة غير اكنك جبت طباشيرة زرقا وعملت خط علي الميكروباص وانا الكصدام اتكسر والفانوس و الكارتيرة اللي بتبقي فيها المساعد ادعكت والرفرف بقي شبه الاكورديون روحت نازل من العربية زي المسطول واطمنت اني مافياش وحاجة وروحت باصص علي العربية
المهم انا ماتخانأتش ولا عملت حاجة روحت متصل بالنجدة بعتولي امين شرطة مش فاهم حاجة ا... والامين طلع يعرف السواق واول لما الامين جه السواق كلمه على جنب وانا مش واخد بالي وتقريبا اكله
الامين كتب في المعاينة ان انا خبطت الميكروباص من ورا و ان انا اللي غلطان وعربيتي والميكروباص اتحجزو لحد لما مهندس فني يفحص العربية و مش عايز اقولك بقي علي الفلوس اللي دفعتها عشان الكاسيت والسماعات ماتتسرقش وعشان المهندس يكتب في التقرير ان عربيتي سليمة وعشان وعشان وعشان
المهم اللي استفدتة من الموضوع ده
1-بعد كده شومتك في عربيتك لو عملت حدثة تسحب الشومة وتنزل تقف بيها
2-لو انت اللي غلطان شوف لو تقدر تصلح العربية اللي انتا خبطتها بالادب والاحترام لو الراجل عايز يقل ادبه الشومة لسه في ايدك
3-لو التاني هوا اللي غلطان لو انتا مش فارق معاك وتقدر تصلح عربيتك خلاص حصل خير ولو نزل زعق وقل ادبه الشومه لسه في ايدك اعمل بيها اللي ربنا يقدرك عليه
4- ماتتصلش بالشرطة ابداااااااااااااااااااااا ااااااااا
وكل الكلام اللي فات ده راي انا طبعا ممكن ناس تخالفني فيه بس من تجربتي انا شايف ان ده الصح

**Ahmed Galal** · 13-03-2010 04:24 PM

المشاركة الأصلية كتبت بواسطة osososos

حلو الموضوع ده عشان انا لسه عامل حادثة من اسبوعين مع ميكروباص
كنت في طريق رئيسي واخر الطريق ده في ملف والملف مش حاطين فيه الرصيف اللي في النص اللي بيفصل بين الطريقين
وانا باخد الملف ده فجأة لقيت ميكروباص في وشي وش في وش روحت ضربت فرامل ولميت الدكسيون علي الاخر بس دخلت فيه من الجنب برضة طبعا ما حصلش عنده اي حاجة غير اكنك جبت طباشيرة زرقا وعملت خط علي الميكروباص وانا الكصدام اتكسر والفانوس و الكارتيرة اللي بتبقي فيها المساعد ادعكت والرفرف بقي شبه الاكورديون روحت نازل من العربية زي المسطول واطمنت اني مافياش وحاجة وروحت باصص علي العربية:i_angr1[1]:
المهم انا ماتخانأتش ولا عملت حاجة روحت متصل بالنجدة بعتولي امين شرطة مش فاهم حاجة ا... والامين طلع يعرف السواق واول لما الامين جه السواق كلمه على جنب وانا مش واخد بالي وتقريبا اكله
الامين كتب في المعاينة ان انا خبطت الميكروباص من ورا و ان انا اللي غلطان وعربيتي والميكروباص اتحجزو لحد لما مهندس فني يفحص العربية و مش عايز اقولك بقي علي الفلوس اللي دفعتها عشان الكاسيت والسماعات ماتتسرقش وعشان المهندس يكتب في التقرير ان عربيتي سليمة وعشان وعشان وعشان
المهم اللي استفدتة من الموضوع ده
1-بعد كده شومتك في عربيتك لو عملت حدثة تسحب الشومة وتنزل تقف بيها
2-لو انت اللي غلطان شوف لو تقدر تصلح العربية اللي انتا خبطتها بالادب والاحترام لو الراجل عايز يقل ادبه الشومة لسه في ايدك
3-لو التاني هوا اللي غلطان لو انتا مش فارق معاك وتقدر تصلح عربيتك خلاص حصل خير ولو نزل زعق وقل ادبه الشومه لسه في ايدك اعمل بيها اللي ربنا يقدرك عليه
4- ماتتصلش بالشرطة ابداااااااااااااااااااااا ااااااااا
وكل الكلام اللي فات ده راي انا طبعا ممكن ناس تخالفني فيه بس من تجربتي انا شايف ان ده الصح

اولا الحمد لله على سلامتك و ربنا ستر و اللهى انا كرهت السواقة و تقريبا ما باتحركش بالعربية من اللى باشوفه و ده خلانى اكتب الموضوع ده و موصى على شومة من بتاعت الامن المركزى اللى بتضرب و ما تعورش و كمان موصى على جهاز كهربا الحلو ده اللى بيكهرب و ربنا يسهل هاتدرب عليهم كويس مع شوية رياضات دفاع عن النفس و انزل بالعربية

**Esam Mosaad** · 13-03-2010 04:42 PM

قدر الله وما شاء فعل
وربنا يعوضك

وبرضوا نسيتك اننا نستنتج ان لون عربيتك زرقا

**Ahmed Galal** · 13-03-2010 06:20 PM

المشاركة الأصلية كتبت بواسطة darkangel007

فعلااااااااااااااااا اوعو تتصلو بالشرطـــــــــــــــــــ ـة

يعنى أحل المشكلة يدوى و بالدراع

**n8os** · 13-03-2010 06:36 PM

المشاركة الأصلية كتبت بواسطة Eng.Mostafa Mahran

حسب الشخص الى قدامك ممكن تحدد اسلوب التعامل سواء بهدوء او قلة ادب او ضرب لو استلزم الامر

مفيش كلام بعد كلامك

**د.محمود صلاح** · 13-03-2010 09:56 PM

ربنا يحفظنا يارب من البلاوي اللي في الشوارع ,, فى السعودية والخليج العسكري بيحل الموضوع ,, يشوف مين الغلطان ويحكم عليه بتصليح عربية الغير أو بيتعمل محضر وشركة التامين بتشيل الليلة