حرامي - الله لا يكسبه - سرق فردة جنط من البيجو 205 , أشتريها فين ؟
السلام عليكم ورحمه الله و بركاته ..
أخواني الكرام و عصابة بيجو الموقرة ..
صحيت الصبح من النوم علي صوت الباب , لقيت البواب بيقول لي ان العربية البيجو 205 أتسرق منها فردة جنط من الجنوط :khd: , و مسنودة حاليا علي طوبة
نزلت شوفت المأساة , الفردة اليمين مسروقة و ساند علي العربية علي طوبة
أتخنقت و ركبت الأستبن ,و أخدت أجازة اليوم , و روحت عزبة شلبي , لعل و عسي ألاقي فردة جنط زيها , للأسف لا أمل
روحت أشرفكوا اللي بمدينة نصر , للأسف مش عنده جنوط زي اللي عندي .
مش عارف أروح الوكالة أشوف ولا لأ , مشوار الوكالة رخم من مدينة نصر و خايف مالقيش الجنط ده , أتخنق زيادة .. :dzey:
دي صورة الجنط اللي أتأخد منه فردة :-
http://xs.to/image-83EA_4B9B51E5.jpg
http://xs.to/image-1688_4B9B51E5.jpg
مش عارف ايه الحرامي الأهبل ده , يعني هيستفيد ايه لما يسرق فردة من الجنط ,
في سؤال كمان يا جماعة : ينفع أرش الجنط ده أسود بدل لونه الكئيب ده ؟ و منين أشتري عدة الرش ؟ و هل لازم أفك الجنوط كله ,, ولا ينفع أرسهم و هم متركبين بالعربية ؟
لون العربية أبيض .
بأنتظار ردكم أخواني و جزاكم الله كل خير .