التيدا هل تكتسح

**احمد عزت** · 14-03-2010 04:47 PM

اولا شكرا على ردك اللى فى منتهى الذوق......
ثانيا شغل مندوبى مبيعات اة وحد يعلمنى اة يا استاذ انت ياللى اساسا معرفش انت شغال اة اساسا
ثالثا انا طبيب بشرى انت تطلع اة بقى
رابعا المنتدى هنا يكفل الحق للجميع للكلام مش لقلة الادب
خامسا انا اساسا عندى نيو اكسنت وكنت بسأل عن التيدا بس باسلوب تانى وهوة عرض مميزاتها وباخد رأى الناس المحترمة اللى هنا اللى بتفهم وفى ناس بتوافق وناس بتعارض واللى بيعارض بيقول الاسباب الفنية وينصحنى بانى ابعد عن كذا او اشترى كذا وهوة دة اللى اتعودنا علية هنا وفكرة الموضوع اننا بنعرض عربيات جايز تكون كويسة واللى يجى يقرا الموضوع ممكن يستفيد من المناقشة .....فانا ولا مع الكورولا ولا مع التيدا
خامسا انا عمى يبقى الحاج ابراهيم الدسوقى صاحب موزع انترناشيونال موتورز من اكبر موزعين تويتا ايجيبت ...ولو متعرفوش اسأل علية .....يعنى ركبت الكورولا دة قبل انت ما تشوفها اصلا

وكفاية عليك كدة .........................................واكر� � اسفى لباقى الاعضاء الافاضل على طريقة ردى لكن الاخ الكريم هوة اللى غلط فية دون وجة حق

تنبيه لمخالفة القاعده 13 من قواعد المنتدى

مشرف الساحه

**mohamedkandel** · 14-03-2010 05:48 PM

ياجماعه ليه قلبتو المقارنه لخناقة

**dr.amr** · 14-03-2010 10:24 PM

بص يا استاذي العزيز
موضوع التابلوه ده فعلا سمعته من معظم ملاك العربيه
بس كان الموضوع نسبي عندهم او بمعني ادق ان كان معظمهم مش فارق معاهم الموضوع اصلا
اما بالنسبه للخامات الداخليه فالاوتو العاديه خامتها من جوه اقل من البلاس كتير يعني انت مضطر تدفع 10 الاف جنيه زياده علشان تاخد خامات نضيفه قوي من جوه 127 الف مش قليلين علشان تدفعهم في عربيه هاتش باك الا اذا كنت غاوي
كراسيها الاماميه تحس انها قايمه شويه كده تقريبا نفس كراسي الياريس اللي كانت معايا قبل كده وبصراحه ماحبيتهاش خالص
دي الخلاصه في موضوع التيدا
انا من 4 شهور كنت بفكر فيها وكنت خلاص قررت ونزلت اتفرج عليها وكانت ده ملاحظاتي
العربيه كانت عجباني بطريقه رهيبه وخصوصا الوسع والكنبه الخلفيه شيء مذهل بصراحه
ولكن اللي بعدني عنها بجد الخامات الداخليه في الاوتو العادي و دي كنت ممكن اتغاضي عنها ولكن قعدة الكرسي ماكانتش مريحه بالنسبالي خالص
ممكن يكون الكرسي مريح لغيري لكن ليا ماكانش مريح
انا شايف انها اختيار رائع في فئة ال 117 الفي لكن اكتر من كده كتير من وجهة نظري

**OilMan** · 15-03-2010 09:27 AM

متهيالى مفيش حاجه فى كلامى غلط انا قلت ناوى اشترى العربيه للمدام والعربيه حلوه بس مش هى اللى تتقارن بالكورولا فين قلة ادب فى كلامى بقى يعنى هما المندوبين دول مش ناس برده بشتغل شغلانه محترمه وناس ذات مؤهل عالى وحتى لو متوسط وانا لما قلت وجودهم بيعمل نوع من انواع عدم المصداقيه بس ولحد كده برده مفيش غلط فى حضرتك ولا فيهم والكلام تحت يعنى مفيش ما يدعى ان حضرتك تتكلم بالاسلوب ده وثانيا احنا مش بنتعامل هنا بالمهن ولا قريبى فلان وعلان احنا هنا علشان نفيد بعض وده هدف المنتدى الاساسى وانا احب حد يقوللى انا غلطت فى ايه علشان حضرتك تطلع تشتمنى وتقول قليل الادب زى ما انا احترمت حضرتك فى كلامى وما زلت لانى مش متعود اهين حد مهما كان مركزى ومهما كان قرايبى مين وعامة شكرا لذوقك فى كلامك ومش حعمل زيك وااقول انا شغال ايه وقريبى مين لانى مش حتفرق هنا فى المنتدى ولا مع الاعضاء اللى حيفرق مع ادارة المنتدى واعضاؤه غير احترامى ليهم ولنفسى وان كنت باعتبر ردى على حضرتك اهانه لنفسى بس كان لازم اوضح علشان الاخوه باقى الاعضاء واعتقد ان ادارة المنتدى ليها دور فى الرد عل حضرتك

ربنا يسامحك ويهديك
لا حول ولا قوة الا بالله

المشاركة الأصلية كتبت بواسطة oilman

اركب بس انت الجنوب افريقى اللى بتقارنها بالتييدا وابقى احكم بلاش شغل المبيعات ده وعلى فكره انا كنت ناوى اجيب التييدا للمدام علشان تتاكد انى مش ضدتها انما ضد المقارنه الغير عادله بالمره بين امكانيات الكورولا والتيدا اركب بس انت وانت حتحس بالفرق لوحدك من غير ما حد يعلمك واعتقد معروف الكورولا بتتقارن بايه ولو مش عجباك الجنوب افريقى خلليك فى اليابانى بس احب ااقولك ويمكن لو انت مهتم ابقى ادخل على موضوع المهندس سبعاوى وتقريره للعربيه وعنوانه عربيه جنوب افريقى بمواصفات اوروبيه لو عاوز وياريت تقرا التقارير اللى مكتوب عنها وتانى بجد المنتدى بدا يبقى مندوبى مبيعات وبدا يفقد مصداقيته بسببهم

**ldsaklf** · 15-03-2010 10:58 AM

التيدا عربية حلوة جدا مظلومة بسبب شكلها والي هو عامل مهم في رأيي وحرام مقارنتها بالكورولا

**احمد عزت** · 15-03-2010 03:16 PM

سيدى الفاضل
اولا انا لم اتهمك بتهمة باطلة واظن ان قلة الادب دة يوصف بيها اى شخص يتهم الناس بالباطل من غير حتى ما يكلف نفسة ويعرف همة مين
لما بقولك انى طبيب دة علشان هجومك بانى مندوب مبيعات وداخل اعمل دعاية لنيسان وعمال تقول وتكرر وتتهم مندوبى المبيعات اللى ملو المنتدى وتحسسنى انهم شياطين مثلا وترجع فى رسالتك التانية تقول انى بقول انى دكتور وبتكبر على مندوبى المبيعات الغلابة وصعابنين عليك طبعا مندوبين المبيعات اللى انت بتتكلم عنهم دول ناس محترمة وحتى لو بيسوقوا لمنتاجتهم فمن حقهم ومن حقك ترفض او تقبل سلعتهم....وهمة نفسهم المندوبين اللى اقنعوك بشراء الكورولا وما تشتريش النيسان

اما موضوع عمى ومش عمى انا مش بتمنظر بحد ويا راجل دة تاجر سيارات هوة انت قولتلك دة رئيس مجلس الدولة ....بس انا بعلق علشان كلمتك انى اركب الكورولا واتعلم انها احسن من اى حاجة لوحدى من غير ما حد يعلمنى ....فبعرفك بس انى عارفها ياعم وحافظها.....

ولو انت شايف يا باشا ان الكورولا دة هية البريمو يبقى لتقنع الناس بالمميزات والعيوب ونكون واقعيين بغض النظر عن انك من ملاكها ......ياأما السكوت هوة الافضل......

**SAMEH_FOUAD** · 15-03-2010 04:38 PM

ياجماعة انا من وجهة نظرى ومن تجربتى للتيدا كثيرا
سيارة واسعة ودة مش ناتج عن طول قاعدة العجلات او اى حاجة لأ هى المشكلة كلها ان سقفها عالى فالكراسى عالية فبتخلي الاحساس بالوسع بس فى السفر مش هتبقى مريحة غير لما ترجع ظهر الكرسى الامامى والكنبة الخلفية مش مريحة على المسافات الطويلة
ماتورها كويس بالنسبة لفئتها بس ادائها زى اداء اى عربية 1600 فى نفس الفئة ولا ازيد ولا اقل يمكن فية عربيات تاكلها كتير
منظرها غير مقبول وخصوصا الهاتشباك تقريبا اللى كان بيصممها كان مضايق من نفسة معرفش شكلها غريب جدا
نيجى بقى للثبات كنا داخلين النفق على سرعة 70 كيلو وماشيين فى نص النفق يعنى مش فى حارة والعربية كانت هاتعوم مننا عومة جامدة بس الحمد لله
فراملها abs انا مش حاسس بتأدية عالية فى نظام الفرامل بصراحة
صيانتها غالية يعنى عملنا حبة حاجات بسيطة فى اول 8 شهور ليها اتكلفت 10,200 بس كان فيها رش لاجزاء للعربية
العزل كويس زى اى عربية مافيش اختلاف
صوت الماتور هادى حتى مع الشد
بتحس بالنقلات جامد
فرش البيج بيتوسخ باأقل حاجة
تجميع بطى بعد ال120
اعتمادية وقطع غيار بتستحمل بس من اول 6 شهور اللمض اللى ورا بقت بتتحرق واحدة ورا التانية
مش ناعمة فى المطبات ةمش ناشفة يعنى الوسط

**M.Osman** · 16-03-2010 12:40 AM

عمري ما هفكر في عربية ممكن في يوم تتطلع لي N-error و متمشيش يعني الإعتمادية = صفر في نظري (الكورولا)

و عيب التابلوه بتاع التيدا .. مسمعتش عنه غير هنا
واحد صاحبي معاه تيدا 2008 ماشي اكتر من 40 ألف ولا الهوا الحمد لله بيشكر فيها جداً

**AhmadKamal** · 16-03-2010 09:37 AM

Guys, calm down,

we are here to help others with our experiences and benifit from others' experiences, so please calm down.

For the Tiida:

In fact I bought one to my wife and I finished my first 1100 Km,

I travelled with it to and from Alexandria in the same day,

My comments till now:

1- No sound for the engine, even @ 160 Km/hr.
2- Low fuel consumption, compared to Sunny and other 1600 cc cars.
3- High car from ground compared to Sunny, Honda, Elantra and even the Corolla.
4- Very powerfull engine.
5- For the stability issue, till 160 Km/hr, the stability was very good.I did not try more than this with it till now.
6- Very good fininsh from inside.
7- No issue for the "Tablouh issue".
8- Very wide saloon, even wider than the Corolla, Civic and sure the Sunny.
9- Its accelaration is better than many 1600 cc cars
10 Very good brakes compared to Corolla and lancer, taking into account the ABS in all the mentioned cars.

Thats all for now

and I will uodate You for any new information

Thanks a lot and sorry for the long reply...

Cheers

-

الموضوع: التيدا هل تكتسح

LinkBack

أدوات الموضوع

عرض

-

-

-

-

المواضيع المتشابهه

هل الفرق بين التيدا الهاتشباك و التيدا بلس يستاهل فرق فلوسهم

الجنيسس الكوبيه تكتسح الكامارو امام جامعة مصر !!

فيات و فراري تكتسح احسن محركات لعام 2011 - 875 سي سي !

يا ملاك التيدا ... اطمنوا التيدا منتشرة فى مصر عن الصنى

هيونداي جينيس تكتسح لكزس انفينتي مرسيدس بي ام دبليو

الكلمات الدلالية لهذا الموضوع

المفضلات

المفضلات

ضوابط المشاركة