من فوائد الزعتر المنسيه

**الريس** · 05-01-2008 10:39 PM

الف شكر على المعلومات القيمة

**modux** · 06-01-2008 12:36 AM

انا اول ما قريت العنوان فكرتكو بتتكلموا عليا

بس لما دخلت لقيت الموضوع جد

انا بحب الزعتر جدااااااااااااااااااااااا

اصل انا اسمي محمد زعتر

**bassam nagy** · 06-01-2008 01:36 AM

معلومات مفيدة الف شكر

**Karim_Monir** · 02-02-2009 11:51 PM

الف كر على المعلومات يا استاذ مدحت
حبيت احيي الموضوع لانننا في عز الشتاء وما اكثر البرد

**bemocarlo** · 03-02-2009 04:31 AM

المشاركة الأصلية كتبت بواسطة مدحت منيب

عملت بحث خلال النت الاسبوعين الماضيين عن الانفلونزا و التهابات الانف و الجيوب الانفيه ، و التهابات الجهاز التنفسى العلوى حيث هاجمنى كل ذلك مع دخول الهواء رئتى كأنه مية نار و رأسى كان نفسى حد يقطعها لى ، .. و مع ازدحام يومى بجرعات ادويه كبيره منذ 2003 حيث تم تركيب ثلاثة صمامات بشرايين القلب الرئيسيه ، بادوية مصاحبه + اددوية السكر + خفض الكوليسترول + حصوة فى قاع الكلى بحجم1,5 سم رفضت المغادرةمن سنه و نصف رغم عملية تفتيت بالموجات التصادميه فاشله + جرعات ضبط الضغط الصباح مسائيه ..

انا كبير السن ( 59 ) طب اعمل ايه مع العيا الجديد ده ؟

المهم عملت حاجه من خلاصة البحث ، و الستعملتها و الحمد لله تحسنت ،فورا ،

وجدت ان هناك فطريات دائمة السكن فى الجيوب الانفيه و تجاويف الانف .

عند ضعف مناعة الجسم يزيد تكاثرها جدا و تفرز انواع سمومو كثير

عرفت ان عدوى فطريات candidat احسن ما يقضى عليها من المواد الطبيعيه زيت الثوم - زيت الزعتر
الكركم - الحلبه - القرفه
عسل النحل

جبت كنكه و ملات ها بكوب ماء وو ضعت فيه نصف معلقه من كل من الكركم و الحلبهبعد صحنها فى الخلاط و القرفه ووضعته على النار مع التقليب و انا انوى تركيزهم الى اقصى درجه

تركتهم يبردون ثم صفيتهم بشاش نظيففحصلت على نصف كوب مركز من

الكركم حلبه قرفه
اضفت اليهم نصف كوب عسل مع التقليب على النار

ثم اضفت على الكوب 10 نقط زيت ثوم + 10 نقط زيت زعتر

قلبتهم جيدا ووضعت كميه فى قطارة قطرة فاضيه

وضعت فى كل فتحة انف 4 نقط حتى احست بطعم العسل فى حلقى

طردت فورا كميات كبيره و انفتحت مسالك الهواء

كررت العمليه مساء

ظللت ثلاثة ايام اطرد بلاء

الحمد لله اتنقلت من قمة المرض للشفاء فى اول ساعتين

كررت التجربه مع ابنى 20 سنه الظاهر كان اتعدى منى لانه يصر على تقبيلى كلما يرانى ، فتحسن فورا

هذا ما وفقنى اليه ربى و احمده عدد انفاس الخلائق

احببت تسجيل هذة التجربه بظروفها ربما تكون مفيده للاخرين

و الحمد لله رب العالمين

مدحت

الف مليون سلامه عليك يا باشا وربنا يبارك في صحتك ويديك طول العمر.
bemo,ire

**Terrible_DaRsH** · 03-02-2009 06:36 AM

شكرا على المعلومات .. جزاك الله خير .
مع انى عمرى ما شف الزعتر ده حتى :)

المشاركة الأصلية كتبت بواسطة PRO-DRIVE

الحمد لله انا بقالي 3 سنين دلوقتي مقدرش اعيش ابدااااااا من غير otrivin
يعني بستخدمه في اليوم علي الاقل خااالص مرتين او 3 :(

ده ادمــــــان ..بالذات ال Otrivin دى .!!
حاول تتخلص منها فعلا ..

**PRO-DRIVE** · 03-02-2009 08:22 AM

المشاركة الأصلية كتبت بواسطة Terrible_DaRsH

شكرا على المعلومات .. جزاك الله خير .
مع انى عمرى ما شف الزعتر ده حتى :)

ده ادمــــــان ..بالذات ال Otrivin دى .!!
حاول تتخلص منها فعلا ..

اهوو ربنا يعين بحاول كدا مع نفسي اقلل الجرعه

**مدحت منيب** · 03-02-2009 11:23 AM

شكرا يا استاذ كريم حبيب قلبى انك ايقظت الموضوع بعد رقاد طويل

ربنا مايحرمناش من طلتك الحلوه

- العفو يا ا/ بسّام ناجى .. انت فينك من زمان ؟ اشتقنا لك

-كل الشكر لاستاذ تامر جلال لكرم تقديرك

-مساء الخير استاذ ابراهيم ، طبعا دبلن يندر فيها الانفلونزا لبرودتها

و ربنا يكفيك شر كل الامراض

- استاذ ترو درايف : انا لما عملت النقط الزعتريه الثوميه ،من الشتاء اللى فات للان لم احتاج للاوتريفين

******************************

ملحوظه هامه : بمراقبة طريقة عمل البسطرمه .. وجدت ان الشيف

عمل عجينه اللى بيغلف بيها قطعة اللحم ( التربيانكو )النيئه، ليمنعها من التعفن رغم تركها فى الظل لمدة اسبوعين ..

هذه العجينه هى هى نفس المكونات التى انقذتنى من التهاب الجيوب الانفيه ( الحلبه + القرفه + الكركم + الزعتر )

بس هو زوّد " الشطه " ...فأمعنت التفكير فى هذه المواد التى

تمنع جميع الميكروبات اللى فى الهواء من افتراس قطعة اللحم !

ماذا لو ادخلت هذه المواد الى امعائى ..التى لاتسمح لى للاحتفاظ

بوضوئى من الاذان الى اقامة الصلاة ؟ ، اظنها ستقوم بمهامها

الحفظيه و قتل الجراثيم فى الداخل .. كما فى الخارج..و توكلت على الله ..

و بهمة ارشميدس تسللت الى المطبخ و معى برطمان مربى( فارغ )

و اخذت اعبى معلقتين من كل مما تيسر امامى :

-زعتر -حلبه مصحونه -كركم - شطه - حبهان - جنزبيل

ينسون - حبة سوداء -قرفه .

قلبت برطمانى جيدا و أعدت كل شىء الى مكانه بهدوء و اخذت اول معلقة شاى من تركيبتى الجديده موديل 2009 ( بالكماليات و الحوائج )

و نمت . فى الصباح على الريق اخذت ثانى معلقه بشغف و بالعتها

بكوب ماء قراح .و داومت على جرعه صباح و مساء..

بشرى ساره .. استطيع الان مجالسة ضيوفى دون استئذانهم ن مهما

اطالوا الزياره .. و أستطيع ان اصلى الظهر بوضوء الفجر ..!!

تخيلوا فى أقل من اسبوع تحولت من طائره "نفاثه " مزعجه الى طائره شراعيه تنساب بلا اى صوت و لا تكلفه تذكر..

سوى شعور خفيف بالخوف عند زيارة البقّال ، و رؤية ماكينة البسطرمه .

-استاذ تريب درش ..ادعوك للتعرف على الزعتر ، مش ها تندم