من فوائد الزعتر المنسيه

**مدحت منيب** · 03-02-2009 12:38 PM

العفو يا استاذ ايهاب

شكرا لك لمتابعتك:)

**نور القمر** · 03-02-2009 02:36 PM

شكرا استاذ مدحت على موضوعك القيم
ايه رأي حضرتك نخلي موضوعك شامل
وكل عضو جرب وصفه معينه ونجحت معاه يكتبها هنا علشان الكل يستفيد

في الشتاء الماضي ابني كان عمره سنتين قام في نص الليل يعيط جامد بهستيريا ويمسك ودنه عرفنا انه متألم من ودنه بشده
طبعا مفيش دكاترة فاتحين ولا حتى صيدليات علشان نسألهم
دورنا على النت لقينا وصفه عبارة عن تنقع فص ثوم في ملعقتين زيت زيتون وتحط نقطتين في كل ودن
بصراحة خفت اجرب في ابني لكن قصاد المه الشديد قلت هجرب وامري لله وربنا يستر
مكنش عندي زيت زيتون وعملت بزيت طعام
والله يا استاذ مدحت دقيقه واحدة والولد هدي خالص وارتاح ونام
ولسه الموضوع متكرر امبارح تاني ونفس الحكاية صراخ وخبط على ودانه مجرد ما النقطه نزلت ودنه ارتاح ونام
سبحان الله لم يخلق داء الا وخلق له الدواء

وبالمناسبة فطير الزعتر طعمه في منتهى الروعه ممكن تجربوه

**مدحت منيب** · 03-02-2009 05:13 PM

شكرا نوارتنا و قمر حتتنا / استاذه نور

(ايه رأي حضرتك نخلي موضوعك شامل
وكل عضو جرب وصفه معينه ونجحت معاه يكتبها هنا علشان الكل يستفيد )

فكره هايله و الباب مفتوح لكل عضو كريم و على رأى المثل

يا بخت من نفع و استنفع .

بالنسبه لابنك حفظه الله تعالى من كل سوء ، هل تفكرين فى زيارة

اخصائى انف و اذن قريبا ؟ عشان انا قلقان من تكرار الالم ويارب

تطلع حاجه بسيطه .. فى حال احتجت للرأى الطبى ارشح لك

العبقرى د/ خليل الفاروق 70 شارع المنيل دور ارضى

ت: 23622078 كشفه 50 جنيه و هو كبير شويه ، سن و مقام

و استاذ اجيال ..

***********************

ما طريقة عمل فطيرة الزعتر ؟ و ما هى الجرعه المناسبه منها ؟

و شكرا للطف مرورك و تواصل ابداعك فى المنتدى، اسعد الله

حياتك بكل خير و سائر الاخوه الكرام

امين

**نور القمر** · 04-02-2009 12:41 AM

شكرا لك على رقة مجاملتك
اما بالنسبة لموضوع ابني الموضوع مش متكرر ولا حاجة
دي مرة الشتاء اللي فاتت ومرة السنه دي
والم مصاحب لدور البرد لكن لو لاقدر الله الموضوع متكرر اكيد هاروح لطبيب
اما بالنسبة لفطيرة الزعتر انا مش بعملها بصراحة يا اما هدايا من صديقات سوريات او جاهزة من مطاعم سورية
لكن اكيد طريقتها موجودة على النت

**ahit** · 04-02-2009 01:46 AM

جزاك الله خيرا يا أستاذ/مدحت
انا عندى جيوب أنفية مزمنة و إن شاء الله هاجرب طريقتك

جزاكى الله خيراً يا أختنا/ نور القمر
أنا إبنى أوقات بردو لما يكون عندو برد بيلعب فى أذنه كتير و إن شاء الله لو حصل الموضوع دا معاه تانى لا قدر الله هاجرب طريقتك اللى قولتيها.
و لكن هل يتم طحن الثوم مع الزيت ولا مجرد ترك فص الثوم فى زيت الزيتون؟

شكراً

**نور القمر** · 04-02-2009 01:52 AM

المشاركة الأصلية كتبت بواسطة ahit

جزاك الله خيرا يا أستاذ/مدحت
انا عندى جيوب أنفية مزمنة و إن شاء الله هاجرب طريقتك

انا كمان ناوية اجرب طريقتك استاذ مدحت ان شاء الله لان الجيوب الانفية بهدلتني ومفيش دكاترة نافعين معايا
جزاكى الله خيراً يا أختنا/ نور القمر
أنا إبنى أوقات بردو لما يكون عندو برد بيلعب فى أذنه كتير و إن شاء الله لو حصل الموضوع دا معاه تانى لا قدر الله هاجرب طريقتك اللى قولتيها.
و لكن هل يتم طحن الثوم مع الزيت ولا مجرد ترك فص الثوم فى زيت الزيتون؟

شكراً

يعني اول مرة كنت مستعجلة وعايزة الزيت يتفاعل بسرعه مع الثوم دغدغت الفص الاول
تاني مرة كان فص سليم بس بئالو مدة منقوع في الزيت
الفكرة ان الزيت يمتص مكونات الثوم

**Goodle** · 04-02-2009 08:44 AM

الف شكر لصاحب الموضوع: أستاذ مدحت
فعلا أنا مش بأضيع أي مشاركة لحضرتك دون قرائتها
وده سببه إنها دائما ذات فائدة وقيمة
شفاك الله وعافاك يا أستاذنا
وبانتظار المزيد من الوصفات

أستاذة نور القمر:
ربنا يحفظ أبن حضرتك وأبنائنا وبناتنا جميعا من كل سوء
بانتظار المزيد من الوصفات

آسف للإطالة :)

**ahmed1981** · 04-02-2009 09:50 AM

المشاركة الأصلية كتبت بواسطة مدحت منيب

وجدت ان هناك فطريات دائمة السكن فى الجيوب الانفيه و تجاويف الانف .

عند ضعف مناعة الجسم يزيد تكاثرها جدا و تفرز انواع سمومو كثير

عرفت ان عدوى فطريات candidat احسن ما يقضى عليها من المواد الطبيعيه زيت الثوم - زيت الزعتر
الكركم - الحلبه - القرفه
عسل النحل

جبت كنكه و ملات ها بكوب ماء وو ضعت فيه نصف معلقه من كل من الكركم و الحلبة بعد صحنها فى الخلاط و القرفه ووضعته على النار مع التقليب و انا انوى تركيزهم الى اقصى درجه

تركتهم يبردون ثم صفيتهم بشاش نظيف فحصلت على نصف كوب مركز من

الكركم حلبه قرفه
اضفت اليهم نصف كوب عسل مع التقليب على النار

ثم اضفت على الكوب 10 نقط زيت ثوم + 10 نقط زيت زعتر

قلبتهم جيدا ووضعت كميه فى قطارة قطرة فاضيه

وضعت فى كل فتحة انف 4 نقط حتى احست بطعم العسل فى حلقى

طردت فورا كميات كبيره و انفتحت مسالك الهواء

كررت العمليه مساء

ظللت ثلاثة ايام اطرد بلاء

الحمد لله اتنقلت من قمة المرض للشفاء فى اول ساعتين

كررت التجربه مع ابنى 20 سنه الظاهر كان اتعدى منى لانه يصر على تقبيلى كلما يرانى ، فتحسن فورا

هذا ما وفقنى اليه ربى و احمده عدد انفاس الخلائق

احببت تسجيل هذة التجربه بظروفها ربما تكون مفيده للاخرين

و الحمد لله رب العالمين

مدحت

الحمد لله على سلامتك يا أستاذ مدحت
وألف شكر على الوصفة
ربنا ينفعنا وينفع الناس بها

**Terrible_DaRsH** · 04-02-2009 10:04 AM

المشاركة الأصلية كتبت بواسطة PRO-DRIVE

اهوو ربنا يعين بحاول كدا مع نفسي اقلل الجرعه

حاول تاخدها وريد مش عضل .. :) :)

ابن خالتى قعد فترة طويلة يضرب Otrivin ومعرفش يبطلها لانه كان بيستخدمها كتير جدا من غير ما حد يعرف وللاسف اتعكش ومرداش يبطلها ..
والده ضربه وحبسه وماكنش بيديلوا فلوس بسببها لانه كان بيخزن منها .
بس الحمد لله بطلها بعد عذاب ..
وانا جربتها مرة وخفت على نفسي منها

ايـــــاكم والاوتروفين ...