موضوع شامل عن فيرنا 2010

**barakat_1986** · 13-03-2010 03:34 PM

ياريت كل اللى اشترى فيرنا 2010 يشارك معانا ويحكى تجربتة حتى الان مع السيارة , وياريت يكون موضوع شامل عن العربية موديل 2010

**pido132** · 14-03-2010 12:36 PM

السلام عليكم
بالنسبه للفيرنا 2010 فيها تغيرات كتير حلوة مثل العلو انا لحد دلوقتى ولله الحمد محكتش فى اى مطب :10D5C8~1107: العزل جوة العربيه جميل صوت المتور يكاد يكون مسموع فرش العربيه بقى شكله احلى
العيوب مازالت هناك العديد من عيوب التقفيل انا بحس ان فيه طقطقه تحت رجلى الكاوتش الى جى معاة من ماركه نسر ازبل من الزباله بسمع صوت طقطقه على السرعات العاليه ((كانى لابس جذمه حريمى كعب عالى))
صوتها بيعلى بعد 2.5 او3 على rpm
فرملها كويسه لحد دلوقتى
على فكرة العربيه عامله 450 كم
هاف اوبشن
اتمنى اكون افدك

**scorpovet** · 14-03-2010 08:36 PM

عاجباني جدا

طبعا زي اللي اتقال

ارتفاعها عن الارض مميز جدا مقارنه بالموديلات اللي قبل كده

فرش شكلة لذيذ

الكاسيت رودستار بس مختلف عن الباقيين انواره زرقاء

وصوته رهيب مع السماعات الاصليه

انا مع صحابي كلهم فيرنات الصوت عندهم للأسف سئ جدا

حتى اللي مغير الكاسيت برضو الصوت ردئ

لكن اوقات بحس ان غبور مركبلي عدة صوت كامله الحمد لله

تقفيل زي الزفت اول ما اخدتها لقيت مسامير وكلبسات في كل حته

قولت دي زيادات

لكن كل يوم الاقي مكان مسمار ناقص

الكاوتش والجنط حدث ولا حرج زباله وكل الاصوات بسمعها طقطقه وتكتكه وشخلله وصهلله

حاجه ممتازه جدا

الثبات على السرعات معايا لحد 120 تمام فوق كده العربيه بيركبها عفريت

تقريبا قلبها خفيف وبتخاف من السرعه!!!

مش عاجبني الدهان تماما

انا حاليا عامل بيها 10 الاف واغلب الاعطال والشكاوي مش بيعملوها في التوكيل للأسف

مفيش مره اطلب حاجه وتتعمل

هما بيعملوا الروتين فقط

كمجمل انا مبسوط من العربيه الحمد لله

مع قراري بتغيير الجنط والعجلات اكيد العربيه هتبقى ممتازه